Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 1797

(४३) उत्तरऽज्झयणं (चउत्थं मूलसुत्त) अ. ३४
[३९]
फ्र
नायव्वो ||१३|| १३८४. वरवारुणीए व रसो विविहाण व आसवाण जारिसओ । महु-मेरगस्स व रसो एत्तो पम्हाए परएणं ॥ १४ ॥ १३८५. खज्जूर- मुद्दियरसो खीररसो खंड-सक्कररसो वा । एत्तो वि अनंतगुणो रसो उ सुक्काए नायव्वो ॥ १५॥ | दारं ३ १३८६. जह गोमडस्स गंधो सुणगमडस्स व जहा अहिमडस्स । एत्तो वि अनंतगुणो लेसाणं अप्पसत्थाणं ||१६|| १३८७. जह सुरहिकुसुमसुगंधो गंध- वासाण पिस्समाणाणं । एत्तो वि अनंतगुणो पसत्थलेसाण तिन्हं पि ॥ १७॥ दारं ४ १३८८. जह करगयस्स फासो गोजिब्भाए व सागपत्ताणं । एत्तो वि अणंतगुणो लेसाणं अप्पसत्थाणं ||१८|| १३८९. जह बूरस्स व फासो नवणीयस्स व सिरीसकुसुमाणं । एत्तो वि अनंतगुणो पसतत्थलेसाणं तिहं पि ॥ १९ ॥ दारं ५ १३९०. तिविहो व नवविहो वा सत्तावीसइविहेक्कसीओ वा । दुसओ तेयालो वा साण होइ परिणाम ||२०|| दारं ६ १३९१. पंचासवप्पवत्तो तीहिं अगुत्तो छसुं अविरओ य। तिव्वारंभपरिणओ खुद्द साहसिओ नरो ||२१|| १३९२. निबंधसपरिणामो निस्संसो अजिइंदिओ । एयजोगसमाउत्तो किण्हलेसं तु परिणमे ॥ २२ ॥ १३९३. ईसा - अमरिस- अतवो अविज्न माया अहीरिया । गिद्धी पओसे य सढे पमत्ते रसलोलु ॥ २३ ॥ सायगवेसए य ॥ १३९४. आरंभाओ अविरओ खुद्दो साहसिओ नरो। एयजोगसमाउत्तो नीललेसं तु परिणमे ॥ २४॥ १३९५. वंके वंकसमायारे नियडिल्ले अणुज्जुए। पलिउंचग ओवहिए मिच्छदिट्ठी अणारिए || २५ | १३९६. उप्फालग दुट्ठवाई य तेणे यावि य मच्छरी । एयजोगसमाउत्तोकाउलेसं तु परिणमे ||२६|| १३९७. नीयावत्ती अचबले अमाई अकुतूहले । विणीयविणए दंते जोगवं उवहाणवं ||२७|| १३९८. पियधम्मे दधम्मे वज्जभीरू हिएसए । एयजोगसमाउत्तो तेउलेसं तु परिणमे ||२८|| १३९९. पयणुकोह -माणे य माया लोभे य पयणुए। पसंतचित्ते दंतप्पा जोगवं उवहाणवं ||२९|| १४००. तहा पणुवाई य उवसंते जिइंदिए। एयजोगसमाउत्तो पम्हलेसं तु परिणमे ||३०|| १४०१. अट्ट- रोद्दाणि वज्जेत्ता धम्म सुक्काणि साहए। पसंतचित्ते दंतप्पा समिए गुत्ते यत्तिसु ॥ ३१ ॥ १४०२. सरागे वीयरागे वा उवसंते जिइंदिए। एयजोगसमाउत्तो सुक्कलेसं तु परिणमे ॥ ३२॥ दारं ७ १४०३. असंखेज्जाणोसप्पिणीण उस्सप्पिणी
समया । संखाईया लोगा लेसाण हवंति ठाणाई ||३३|| दारं ८ १४०४. मुहुत्तद्धं तु जहन्ना, तेत्तीसा सागरा मुहुत्तऽहिया । उक्कोसा होइ ठिती नायव्वा किण्हलेसाए ||३४|| १४०५. मुहुत्तद्धं तु जहन्ना, दस उदही पलियमसंखभागमब्भहिया । उक्कोसा होइ ठिई नायव्वा नीललेसाए ||३५|| १४०६. मुहुत्तद्धं तु जहन्ना, तिष्णुदही पलियमसंखभागमब्भहिया । उक्कोसा होइ ठिई नायव्वा काउलेसाए ||३६|| १४०७. मुहुत्तद्धं तु जहन्ना, दोष्णुदही पलियमसंखभागमब्भहिया । उक्कोसा होइ ठिई नायव्वा तेउलेसा ||३७|| १४०८. मुहुत्तद्धं तु जहन्ना, दस उदही हुंति मुहुत्तमब्भहिया । उक्कोसा होइ ठिई नायव्वा पम्हलेसाए ||३८|| १४०९. मुहुत्तद्धं तु जहन्ना, तेत्ती सागरा मुहुत्तहिया। उक्कोसा होइ ठिई नायव्वा सुक्कलेसाए ||३९|| १४१०. एसा खलु लेसाण ओहेण ठिई उ वण्णिया होइ। चउसु वि गईसु एत्तो लेसाणं ठितिं तु वोच्छामि ॥ ४० ॥ १४११. दस वाससहस्साइं काऊए ठिई जहन्निया होइ। तिण्णुदही पलियमसंखभागं च उक्कोसा ॥४१॥ १४१२. तिण्णुदही पलियमसंखभागो "जहन्न नीलठिई । दस उदही पलियमसंखभागं च उक्कोसा ॥४२॥ १४१३. दस उदही पलियमसंखभागं जहन्निया होइ। तेत्तीससागराई उक्कोसा होइ किण्हाए ||४३|| १४१४. एसा नेरइयाणं लेसाण ठिई उ वण्णिया होइ। तेण परं वोच्छामी तिरिय मणुस्साण देवाणं ॥ ४४ ॥ १४१५. अंतोमुहुत्तमद्धं लेसाण ठिई जहिं जहिं जा उ । . तिरियाणं च नराणं वज्जेत्ता केवलं लेसं ॥ ४५ ॥ १४१६. मुहुत्तद्धं तु जहन्ना, उक्कोसा होइ पुव्वकोडी उ। नवहिं वरिसेहिं ऊणा नायव्वा सुक्कसाए ॥ ४६ ॥ १४१७. एसा तिरिय - नराणं लेसाण ठिई उ वण्णिया होइ। तेण परं वोच्छामी ठिती उ देवाणं ॥ ४७॥ १४१८. दस वाससहस्साइं किण्हाए ठिती जहन्निया होइ। पलियमसंखेज्जइमो उक्कोसा होइ किण्हाए || ४८|| १४१९. जा किण्हाए ठिती खलु उक्कोसा सा उ समयमब्भहिया । जहन्नेणं नीलाए नीलाए, पलियमसंखं च उक्कोसा ॥ ४९ ॥ १४२०. जा नीला ठिई खलु उक्कोसा सा उ समयमब्भहिया । जहन्नेणं काऊए, पलियमसंखं च उक्कोसा ||५० | १४२१. तेण परं वोच्छामी तेऊलेसा जहा सुरगणाणं । भवणवइ-वाणमंतर - जोइस वेमाणियाणं च ॥ ५१|| १४२२. पलिओवमं जहन्नं, उक्कोसा सागरा उ दोण्णऽहिया । पलियमसंखेज्जेणं होई भागेण तेऊए ॥ ५२॥ १४२३. दस वाससहस्साइं तेऊए ठिई जहन्निया होइ। दोण्णुदही पलिओवमअसंखभागं च उक्कोसा ॥ ५३ ॥ १४२४. जा तेऊए ठिती खलु उक्कोसा सा उ समयमब्भहिया ।
४ श्री आगमगुणमंजूषा - १६७८ ६ ६ ६ ६ ६ ६ ६ ६
XOXO 55555555555555