Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 1787

(४३) उत्तरऽज्झयणं (चउत्यं मूलसुत्तं) अ. २८, २९
[२९]
१०७०. गुणाणमासओ दव्वं, एगदव्वस्सिया गुणा । लक्खणं पज्जवाणं तु उभओ अस्सिया भवे ||६|| १०७१. धम्मो अहम्मो आकासं कालो पोग्गल जंतवो । एस लोगो त्ति पत्तो जिणेहिं वसदंसिहिं ||७|| १०७२. धम्मो अहम्मो आकासं दव्वं इक्किक्कमाहियं । अणंताणि य दव्वाणि कालो पोग्गल जंतवो ॥८॥ १०७३. गइलक्खणो उ धम्मो, अहम्मो ठाणलक्खणो । भायणं सव्वदव्वाणं नहं ओगाहलक्खणं || ९ || १०७४. वत्तणालक्खणो कालो, जीवो उवओगलक्खणो । नाणेण दंसणेणं च सुहेण यदुहेण य ॥ १०॥ १०७५. नाणं च दंसणं चेव चरितं च तवो तहा। वीरियं उवओगो य एवं जीवस्स लक्खणं ॥ ११ ॥ १०७६. सद्दधयार उज्जोओ पहा छायाऽऽतवेत्ति वा । वण्ण-रस-गंध-फासा पोग्गलाणं तु लक्खणं ॥१२॥ १०७७. एकत्तं च पुहत्तं च संखा संठाणमेव य । संजोगा य विभागा य पज्जवाणं तु लक्खणं ।।१३।। १०७८. जीवाऽजीवा य बंधो य पुण्ण-पावाऽऽसवा तहा। संवरो निज्जरा मोक्खो संतेए तहिया नव ॥१४॥ १०७९. तहियाणं तु भावाणं सब्भावे उवएसणं । भावेण सद्दहंतस्स सम्मत्तं तं वियाहियं || १५ || १०८०. निसग्गुवदेसरुई १-२ अणारूइ ३ सुत्त - बीयरूइ ४-५ मेव । अभिगम - वित्थाररुई ६-७ किरिया-संखेव धम्मरुई ८-१० ||१६|| १०८१. भूयत्थेणाहिगया जीवाऽजीवा य पुण्ण पावं च । सहसम्मुइयाऽऽसव-संवरे य रोएइ उ निसग्गो ||१७|| १०८२. जो जिदि भावे चव्विहे सद्दहाइ सयमेव । एमेय नन्नह त्ति य निसग्गरुइ त्ति नायव्वो १ || १८|| १०८३. एए चेव हु भावे उवइट्ठे जो परेण सद्दहइ । छउमत्थेण जिणेण व उवएसरुइ त्ति नायव्वो २ ||१९|| १०८४. रागो दोसो मोहो अन्नाणं जस्स अवगयं होइ । आणाए रोयंतो सो खलु आणारुई नामं ३ ||२०|| १०८५. जो सुत्तमहिज्जतो सुरण ओगाहई उ सम्मत्तं । अंगेण बाहिरेण व सो सुत्तरुइ त्ति नायव्वो ४ ||२१|| १०८६. एगेण अणेगाई पयाई जो पसरई उ सम्मत्तं । उदए व्व तेल्ल बिंदू सो बीयरुइ त्ति नायव्वो ५ ॥ २२ ॥ १०८७. सो होइ अभिगमरुई सुयनाणं जेण अत्थओ दिवं । एक्कारस अंगाई पइण्णगं दिट्ठवाओ य ६ ||२३|| १०८८. दव्वाण सव्वभावा सव्वपमाणेहिं जस्स उवलद्धा । सव्वाहिं नयविहीहिं य वित्थाररुइ त्ति नायव्वो ७ ॥ २४ ॥ १०८९. दंसण-नाण-चरित्ते तव विणए सच्चसमिइगुत्तीसु । जो किरियाभावरुई सो खलु किरियारुई नामं ८ ||२५|| १०९०. अणभिग्गहियकुदिट्ठी संखेवरुइ त्ति होइ नायव्वो । अविसारओ पवयणे अणभिग्गहिओ य सेसेसु ९ ॥२६॥ १०९१. जो अत्थिकायधम्मं सुयधम्मं खलु चरित्तधम्मं च । सद्दहइ जिणाभिहियं सो धम्मरुइ त्ति नायव्वो १० ||२७|| १०९२. परमत्थसंथवो वा सुदिट्ठपरमत्थसेवणा वा वि । वावन्न कुदंसणवज्जणा य सम्मत्तसद्दहणा ॥ २८॥। १०९३. नत्थि चरित्तं सम्मत्तविहूणं, दंसणे उ भइयव्वं । सम्मत्त चरित्ताइं जुगवं, पुव्वं व सम्मत्तं ||२९|| १०९४. नादंसणिस्स नाणं, नाणेण विणा न होति चरणगुणा । अगुणिस्स नत्थि मोक्खो, नत्थि अमुक्कस्स निव्वाणं ||३०|| १०९५. निस्संकिय निक्कंखिय निव्वितिगिंछा अमूढदिट्ठी य । उववूह थिरीकरणे वच्छल्ल - पभावणे अट्ठ ||३१|| १०९६. सामाइयं थ पढमं छेओवट्ठावणं भवे बितियं । परिहारविसुद्धीयं सुहुमं तह संपरायं च ॥३२॥ १०९७. अकसायमहक्खायं छउमत्थस्स जिणस्स वा । एयं चयरित्तकरं चारित्तं होइ आहियं ||३३|| १०९८. वो यदुविहो वुत्तो बाहिरऽब्भंतरो तहा । बाहिरो छव्विहो वुत्तो एवमभिंत तवो ||३४|| १०९९. नाणेण जाणई भावे दंसणेण य सद्दहे । चरित्तेण न हाइवे परिसुज्झई ||३५|| ११००. खवेत्ता पुव्वकम्माई संजमेण तवेण य । सव्वदुक्खप्पहीणट्ठा पक्कमंति महेसिणो ||३६|| त्ति बेमि || *** मोक्खमग्गगतीनामऽज्झयणं समत्तं ॥ २८ ॥ ★★★ २९ एगूणतीसइमं सम्मत्तपरक्कमं अज्झयणं ★★★ ११०१. सुयं मे आउसं! तेणं भगवया एवमक्खायं-इह खलु सम्मत्तपरक्कमे नामऽज्झयणे; समणेणं भगवया महावीरेणं कासवेणं पवेइए, जं सम्मं सद्दहित्ता पत्तइत्ता रोयइत्ता फासइत्ता पालइत्ता तीरइत्ता किट्टइत्ता सोहइत्ता आराहइत्ता आणाए अणुपालइत्ता बहवे जीवा सिज्झति बुज्झति मुच्वंति परिनिव्वायंति सव्वदुक्खाणं अंतं करेति ॥ १॥ ११०२. तस्स णं अयमट्ठे एवमाहिज्जइ, तं जहा - संवेगे १ निव्वेए २ धम्मसद्धा ३ गुरु- साहम्मियसुस्सूसणया ४ आलोयणया ५ निंदणया ६ गरहणया ७ सामाइए ८ चउवीसत्थए ९ वंदणे १० पडिक्कमणे ११ काउस्सग्गे १२ पच्चक्खाणे १३ थय - थुइमंगले १४ कालपडिलेहणा १५ पायच्छित्तकरणे १६ खमावणया १७ सज्झाए १८ वायणया १९ पडिपुच्छणया २० परियट्टणया २१ अणुप्पेहा २२ धम्मका २३ सुयस्स आराहणया २४ एगग्गमणसन्निवेसणया २५ संजमे २६ तवे २७ वोयाणे २८
श्री आगमगुणमंजूषा - १६६८ ॐ ॐ ॐ ॐ
फ्र