Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 1790

C$乐乐明明明明明明明明明明明明明明明明明明明明明明明明明明明明明明明明明明明明明明明明明明明明明5CM
ror555555555555
(४३) उत्तरउज्झयर्ण रचउत्य मूलसुत) अ, २९
[३]
%%%sssssssxxxmeerut तओ पच्छा सिज्झइ बुज्झइ मुच्चइ परिनिव्वाइ सव्वदुक्खाणं अंतं करेइ ४१॥४३|| ११४४. पडिरूवयाए णं भंते ! जीवे किं जणयइ ? पडिरूवयाए णं लाघविय जणयइ। लहुभूए य णं जीवे अप्पमत्ते पागडलिंगे पसत्थलिंगे विसुद्धसम्मत्ते सत्तसमिइसमत्ते सव्वपाण-भूय-जीव-सत्तेसु वाससणिज्जरूवे अप्पपडिलेहे जिइंदिए विपुलतव-समिइसमन्नागए यावि भवइ ४२॥४४॥११४५. वेयावच्चेणं भंते ! जीवे किं जणयइ ? वेयावच्चेणं तित्थगरनाम-गोयं कम्मं निबंधइ ४३ ॥४५॥ ११४६. सव्वगुणसंपन्नयाए णं भंते ! जीवे किं जणयइ ? सव्वगुणसंपन्नयाए णं अपुणरावत्तिं जणयइ। अपुणरावत्तिं पत्तए णं जीवे सारीर-माणसाणं दुक्खाणं नो भागी भवइ ४४ ॥४६।। ११४७. वीयरागयाए णं भंते ! जीवे किं जणयइ ? वीयरागयाए णं नेहाणुबंधणाणि तण्हाणुबंधणाणि य वोच्छिंदइ, मणुन्नेसु सद्द-फरिस-रस-रूवगंधेसुचेव विरज्जइ ४५॥४७॥ ११४८. खंतीएणं भंते ! जीवे किं जणयइ ? खंतीए णं परीसहे जिणइ ४६ ||४८|| ११४९. मुत्तीए णं भंते ! जीवे किं जणयइ ? मुत्तीए णं अकिंचणं जणयइ । अकिंचणे यजीवे अत्थलोलाणं पुरिसाणं अपत्थणिज्जे भवइ ४७॥४९॥ ११५०. अज्जवयाए णं भते ! जीवे किं जणयइ ? अज्जवयाए णं काउज्जुययं भावुज्जुययं अविसंवायणं जणयइ । अविसंवायणसंपन्नयाएणं जीवे धम्मस्स आराहए भवइ ४८॥५०॥ ११५१. मद्दवयाए णं भंते ! जीवे किं जणयइ ? मद्दवयाए णं मिउमद्दवसंपन्ने अट्ठ मयट्ठाणाई निट्ठवेइ ४९॥५१॥ ११५२. भावसच्चेणं भंते ! जीवे किं जणयइ ? भावसच्चेणं भावविसोहिं जणयइ । भावविसोहीए वट्टमाणे जीवे अरहंतपन्नत्तस्स धम्मस्स आराहणयाए अब्भुटेइ । अरहंतपन्नत्तस्स धम्मस्स आराहणयाए अब्भुद्वित्ता परलोगधम्मस्स आराहए भवइ ५०॥५२।। ११५३. करणसच्चेणं भंते ! जीवे किं जणयइ ? करणसच्चेणं करणसत्तिं जणयइ । करणसच्चे वट्टमाणो जीवो जहावाई तहाकारी यावि भवइ ५१ ॥५३॥ ११५४. जोगसच्चेणं भंते ! जीवे किं जणयइ ? जोगसच्चेणं जोगं विसोहेइ ५२ ॥५४॥ ११५५. मणगुत्तयाए णं भंते ! जीवे किं जणयइ ? मणगुत्तयाए णं जीवे एगग्गं जणयइ । एगग्गचित्ते णं जीवे मणगुत्ते संजमाराहए भवइ ५३ ॥५५॥ ११५३. वइगुत्तयाए णं भंते ! जीवे किं जणयइ ? वइगुत्तयाए णं निव्विकारं जणयइ । निव्विकारे णं जीवे वइगुत्ते अज्झप्पजोगसाहणजुत्ते यावि भवइ ५४ ॥५६॥ ११५७. कायगुत्तयाए णं भंते ! जीवे किं जणयइ ? कायगुत्तयाए णं संवरं जणयइ । संवरेणं कायगुत्ते पुणो पावासवनिरोहं करेइ ५५॥५७॥ ११५८. मणसमाहारणयाए णं भंते ! जीवे किं जणयइ ? मणसमाहारणयाए णं एगग्गं जणयइ । एगणं जणइत्ता नाणपज्जवे जणयइ। नाणपज्जवे जणइत्ता सम्मत्तं विसोहेइ, मिच्छत्तं च निज्जरेइ ५६ ।।५८।। ११५९. वइसमाहारणयाए णं भंते ! जीवे किं जणयइ ? वइसमाहारणयाए णं वइसाहारणदंसणपज्जवे विसोहेइ। वइसाहारणदंसणपज्जवे विसोहित्ता सुलभबोहियत्तं निव्वत्तेइ, दुल्लभबोहियत्तं निज्जरेइ ५७।।५९॥ ११६०. कायसमाहारणयाए णं भंते ! जीवे किंजणयइ ? कायसमाहारणयाए णं चरित्तपज्जवे विसोहेइ। चरित्तपज्जवे विसोहित्ता अहक्खायचरित्तं विसोहेइ । अहक्खायचरित्तं विसोहेत्ता चत्तारि केवलिकम्मंसे खवेइ। तओ पच्छा सिज्झइ बुज्झइ मुच्चइ परिनिव्वाइ सव्वदुक्खाणमंतं करेइ ५८ ॥६०॥ ११६१. नाणसंपन्नयाए णं भंते ! जीवे किं जणयइ ? नाणसंपन्नयाए णं जीवे सव्वभावाभिगमं जणयइ । नाणसंपन्ने णं जीवे चाउरते संसारकंतारे ण विणस्सइ । जहा सूई ससुत्ता पडिया न विणस्सइ। तहा जीवे ससुत्ते संसारे न विणस्सइ ॥१॥ नाण-विणय-तव-चरित्तजोगे संपाउणइ, ससमय-परसमयसंघायणिज्जे भवइ ५९ ॥६१॥ ११६२. दसणसंपन्नयाए णं भंते ! जीवे किं जणयइ ? दंसणसंपन्नयाए णं जीवे भवमिच्छत्तछेयणं करेइ, परं न विज्झायइ, अणुत्तरेणं नाण-दसणेणं अप्पाणं संजोएमाणे सम्मं भावेमाणे विहरइ ६०॥६२॥ ११६३. चरित्तसंपन्नयाएणं भंते! जीवे किंजणयइ? चरित्तसंपन्नयाएणं सेलेसीभावं जणयइ । सेलेसिंपडिवन्ने अणगारे चत्तारि केवलिकम्मंसे खवेइ। तओ पच्छा सिज्झइ बुज्झइ मुच्चइ परिनिव्वाइ सव्वदुक्खाणमंतं करेइ ६१ ॥६३॥ ११६४. सोइंदियनिग्गहेणं भंते ! जीवे किं जणयइ ? सोइंदियनिग्गहेणं मणुन्नामणुन्नेसु सहेसु राग-दोसनिग्गहं जणयइ, तप्पच्चइयं कम्मं न बंधइ, पुव्वबद्धं च निज्जरेइ ६२॥६४॥ ११६५. चक्खिदियनिग्गहेणं भंते ! जीवे किं जणयइ ? चक्खिदियनिग्गहेणं
मणुन्नामणुन्नेसु रूवेसु राग-दोसनिग्गहं जणयइ, तप्पच्चइयं कम्मं न बंधइ, पुव्वबद्धं च निज्जरेइ ६३ ॥६५॥ ११६६-६८. घाणिदिए एवं चेव ६४॥६६।। जिब्भिदिए २ वि६५॥६७।। फासिदिए वि६६॥६८॥ नवरं गंधेसु रसेसु फासेसु वत्तव्वं । ११६९. कोहविजएणं भंते ! जीवे किं जणयइ ? कोहविजएणं खंतिं जणयइ, कोहवेयणिज्जा Mero+ 55555555555555555 श्री आगमगुणमंजूषा - १६७१55555555555555555555OOR
听听听听听听听听听听听听听听听听听听听听听听听听听听听听听听听听听听听听听听听听听听听听听听乐于WO