Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 1745

फ्र
(४२) दसवेयालियं (तइयं मूलसुतं) अ. ४,५ / उ. १
[४]
दिया वा राओ वा एगओ वा परिसागओ वा सुत्ते वा जागरमाणे वा, से बीएस वा बीयपइट्ठेसु वा रूढेसु वा रूढपइट्ठेसु वा जाएसु वा जायपइट्ठेसु वा हरिएसु वा हरियपट्ठेसु वा छिन्नेसु वा छिन्नपइट्ठेसु वा सच्चित्तेसु वा सच्चित्तकोलयडिनिस्सिएस वा, न गच्छेज्जा न चिट्ठेज्जा न निसीएज्जा न तुयट्टेज्जा, अन्नं न गच्छावेज्जा न चिट्ठावेज्जा न निसीयावेज्जा न तुयट्टावेज्जा, अन्नं गच्छंतं वा चिद्वंतं वा निसीयंतं वा तुयट्टंतं वा न समणुजाणेज्जा । जावज्जीवाए तिविहं तिविहेणं, मणेणं वायाए काएणं, न करेमि न कारवेमि करेंतं पि अन्नं न समणुजाणामि, तस्स भंते ! पडिक्कमामि निंदामि गरहामि अप्पाणं वोसिरामि ||२२|| ५४. से भिक्खू वा भिक्खुणी वा संजयविरय-पडिहय-पच्चक्खायपाव-कम्मे दिया वा राओ वा एगओ वा परिसागओ वा सुत्ते वा जागरमाणे वा, से कीडं वा पयंगं वा कुंथुं वा पिविलियं वा त्यंसि पायंसि वा बाहुंसि वा ऊरुंसि वा उदरंसि वा सीसंसि वा वत्थंसि वा पडिग्गहंसि वा कंबलंसि वा पायपुंछणंसि वा रयहरणंसि वा गोच्छगंसि वा उंडगंसि वा दंडगंसि वा पीढगंसि वा फलगंसि वा सेज्जंसि वा संथारगंसि वा अन्नयरंसि वा तहप्पगारे उवगरणजाए तओ संजयामेव पडिलेहिय पडिलेहिय पमज्जिय पमज्जिय एगंतमवणेज्जा, नो णं संघायमावज्जेज्जा ||२३|| ५५. अजयं चरमाणो उ पाण-भूयाइं हिंसई । बंधई पावयं कम्मं तं से होइ कडुयं फलं ||२४|| ५६. अजयं चिट्ठमाणो उ पाण-भूयाई हिंसई । बंधई पावयं कम्मं तं से होइ कडुयं फलं ||२५|| ५७. अजयं आसमाणो उ पाण-भूयाइं हिंसई । बंधई पावयं कम्मं सं से होड़ कडुयं फलं ।। २६ ।। ५८. अजयं सयमाणो उ पाण-भूयाइं हिंसई । बंधई पावयं कम्मं तं से होइ कडुयं फलं ||२७|| ५९. अजयं भुंजमाणो उ पाण- भूयाइं हिंसई । बंधई पावयं कम्मं तं से होइ कडुयं फलं ||२७|| ६०. अजयं भासमाणो उ पाण-भूयाई हिंसई । बंधई पावयं कम्मं तं से होइ कडुयं फलं ||२७|| ६१. कहं चरे ? कहं चिट्ठे ? कहमासे ? कहं सए ? | कहं भुंजंतो भासंतो पावं कम्मं न बंधई ? ||३०|| ६२. जयं चरे जयं चिट्ठे जयमासे जयं सए । जयं भुंजंतो भासतो पावं कम्मं न बंधई ||३१|| ६३. सव्वभूयऽप्पभूयस्स सम्मं भूयाई पासाओ । पिहियासवस्स दंतस्स पावं कम्मं न बंधई ||३२|| ६४. पढमं नाणं तओ दया एवं चिट्ठइ सव्वसंजए। अन्नाणी किं काही ? किं वा नाहिइ छेय पावगं ? ।।३३।। ६५. सोच्चा जाणइ कल्लाणं सोच्चा जाणइ पावगं । उभयं पि जाणई सोच्चा जं छेयं तं समायरे ॥ ३४ ॥ ६६. जो जीवे वि न याणति अजीवे विन याणति । जीवाऽजीवे अयाणंतो कह सो नाहिइ संजमं ? ||३५|| ६७. जो जीवे वि वियाणति अजीवे वि वियाणति । जीवाऽजीवे वियाणंतो सो हु नाहिइ संजमं || ३६ || ६८. जया जीवमजीवे य दो वि एए वियाणई । तया गई बहुविहं सव्वजीवाण जाणई ||३७|| ६९. जया गई बहुविहं सव्वजीवाण जाणाई । तया पुण्णं च पावं च बंधं मोक्खं च जाणई ॥३८॥ ७०. जया पुण्णं च पावं च बंधं मोक्खं च जाणाई । तया निव्विंदए भोए जे दिव्वे जे य माणुसे ॥ ३९॥ ७१. जया निव्विंदए भोए जे दिव्वे जे य माणुस्से । तया चयइ संजोगं सब्भिंतरबाहिरं ॥ ४० ॥ ७२. जया चयइ संजोगं सब्मिंतर - बाहिरं । तया मुंडे भवित्ताणं पव्वइए अणगारियं ॥ ४१ ॥ ७३. जया मुंडे भवित्ताणं पव्वइए अणगारियं । तया संवरमुक्कडं धम्मं फासे अणुत्तरं ॥ ४२॥ ७४. जया संवरमुक्कट्ठे धम्मं फासे अणुत्तरं । तया धुणइ कम्मरयं अबोहिकलुसं कडं ||४३|| ७५. जया धुणइ कम्मरयं अबोहिकलुषं कडं । तया सव्वत्तगं नाणं दंसणं चाभिगच्छई ॥४४॥ ७६. जया सव्वत्तगं नाणं दंसणं चाभिगच्छई । तया लोगमलोगं च जिणो जाणइ केवली ||४५|| ७७. जया लोगमलोगं च जिणो जाणइ केवली । तया जोगे निरंभित्ता सेलेसि पडिवज्जई || ४६ ॥ ७८. जया जोगे निरंभित्ता सेलेसि पडिवज्जई । तया कम्मं खवित्ताणं सिद्धिं गच्छइ नीरओ || ४७|| ७९. जया कम्मं खवित्ताणं सिद्धिं गच्छइ नीरओ । तया लोगमत्थयत्थो सिद्धो भवइ सासओ ॥४८॥ ८०. सुहसायगस्स समरस्स सायाउलगस्स निगामसाइस्स । उच्छोलणापहोइस्स दुलहा सोग्गइ तारिसगस्स ॥ ४९ ॥ ८१. तवोगुणपहाणस्स उज्झुमइ खंति - संजमरयस्स । परीसहे जिणंतस्स सुलहा सोग्गइ तारिसगस्स ॥ ५०॥ पच्छा वि ते पयाया खिप्पं गच्छंति अमरभवणाइं । जेसिं पिओ तवो संजमो य खंती य बंभचेरं च ॥ ८२. इच्चेयं छज्जीवणियं सम्मद्दिट्ठी सया जए । दुलहं लभित्तु सामण्णं कम्मुण्णा ण विराहेज्जासि || ११ ||त्ति बेमि ॥ ★★★ ॥ चउत्थं छज्जीवणियऽज्झयणं || ४ || ५ पंचमं पिंडेसणऽज्झयणं ★★★ पढमो उद्देसओ ★★★ ८३. संपत्ते भिक्खकालम्मि असंभंतो अमुच्छिओ । इमेण
COOK श्री आगमगुणमंजूषा - १६२६