Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 1774

Ro555555555555555
555555555555555FOOR
2008
%%%$$
%%%%%%%%%
सोलसमं समत्तं ॥१६॥★★★१७ सत्तरसमं पावसमणिज्जं अज्झयणं*५३०.जे केइ उपव्वइए नियंठे धम्म सुणित्ता विणओववन्ने । सुदुल्लहं लहिउंबोहिलाभ-विहरेज पच्छा य जहासुहं तु॥१॥५३१. सेज्जा दढा पाउरणं मे अत्थि उप्पज्जई भोत्तु तहेव पाउं। जाणामि जं वट्टइ आउसो त्ति, किं नाम काहामि सुएण भंते ! ।।२।। ५३२. जे केइ उ पव्वइए निद्दासीले पकामसो । भोच्चा पेच्चा सुहं सुयइ पावसमणे त्ति वुच्चई ।।३।। ५३३. आयरिय-उवज्झाएहिं सुयं विणयं च गाहिए। ते चेव खिसई बाले पावसमणे त्ति वुच्चई ॥४|| ५३४. आयरिय-उवज्झायाणं सम्मं न पडितप्पई। अप्पडिपूयए थद्ध पावसमणे त्ति वुच्चई ।।५।। ५३५. सम्मघमाणे पाणाणि बीयाणि हरियाणि य । असंजए संजयमन्नमाणे पावसमणे त्ति वुच्चई ।।६।। ५३६. संथारं फलगं पीढं निसेज्जं पायकंबलं । अपमज्जिय आरुहइ पावसमणे त्ति वुच्चई ।।७।। ५३७. दवदवस्स चरई पमत्ते य अभिक्खणं । उल्लंघणे य चंडे य पावसमणे त्ति वुच्चई ।।८।। ५३८. पडिलेहेइ पमत्ते अवउज्झइ पायकंबलं । पडिलेहणाअणाउत्ते पावसमणे त्ति वुच्चई ।।९।। ५३९. पडिलेहेइ पमत्ते से किंचि हु निसामिया । गुरुपरिभावए निच्चं पावसमणे त्ति वुच्चई ॥१०॥ ५४०. बहुमाई पमुहरी थद्दे लुद्धे अणिग्गहे। असंविभागी अचियत्ते पावसमणे त्ति वुच्चई ॥११।। ५४१. विवायं च उदीरेइ अधम्मे अत्तपन्नहा । वुग्गहे कलहे रत्ते पावसमणे त्ति वुच्चई ॥१२॥ ५४२. अथिरासणे कुक्कुइए जत्थ तत्थ निसीयई। आसणम्मि अणाउत्ते पावसमणे त्ति वुच्चई ।।१३।। ५४३. ससरक्खपाए सुवति सेनं न पडिलेहए। संथारए अणाउत्ते पावसमणे त्ति वुच्चई।१४।। ५४४. दुद्ध-दधी विगईओ आहारेइ अभिक्खणं । अरए य तवोकम्मे पावसमणे त्ति वुच्चई ।।१५।। ५४५. अत्यंतम्मि य सूरम्मि आहारेइ अभिक्खणं । चोइओ पडिचोएइ पावसमणे त्ति वुच्चई ||१६|| ५४६. आयरियपरिच्चाई परपासंडसेवए । गाणंगणिए दुब्भूए पावसमणे त्ति वुच्चई ||१७|| ५४७. सयं गेहं परिच्चज्ज परगेहंसि वावरे। निमित्तेण यववहरई पावसमणेत्ति वुच्चई॥१८॥ ५४८. सन्नायपिडं जेमेइ नेच्छई सामुदाणियं । गिहिनिसेज्जं च वाहेइ पावसमणे त्ति वुच्चई॥१९॥ ५४९. एयारिसे पंचकुसीलऽसंवुडे रूवंघरे मुणिपवराण हेट्ठिमे। अयंसि लोए विसमेव गरहिए न से इह नेव परत्थ लोए॥२०॥ ५५०. जे वज्जएएए सया उ दोसे से सुव्वए होइ मुणीण मज्झे । अयंसिलोए अमयं व पूइए आराहए दुहओ लोगमणिं ||२१|| त्ति बेमि ।। ***|| पावसमणिज्ज समत्तं ॥१७॥***१८ अट्ठारसमं संजइज्ज अज्झयणं *** ५५१. कंपिल्ले नयरे राया उदिन्नबल-वाहणे । नामेणं संजए नाम मिगव्वं उवणिग्गए।॥१॥ ५५२. हयाणीए गयाणीए रहाणीए तहेव य । पायत्ताणीए महया सव्वओ परिवारिए ॥२॥ ५५३. मिए छिवेत्ता हयगए कंपिल्लुज्जाणकेसरे। भीए संते मिए तत्थ वहेइ रसमुच्छिए ॥३॥ ५५४. अह केसरम्मि उज्जाणे अणगारे तवोधणे । सज्झाय-ज्झाणसंजुत्ते धम्मज्झाणं झियायइ ।।४।। ५५५. अप्फोयमंडवम्मी झायई झवियासवे । तस्सागए मिए पासं वहेइ से नराहिवे॥५॥ ५५६. अह आसगओ राया खिप्पमागम्म सो तहिं। हए मिए उ पासित्ता अणगारं तत्थ पासई ।।६।। ५५७. अह राया तत्थ संभंतो अणगारो मणाऽऽहओ। मए उ मंदपुन्नेणं रसगिद्धेण घन्नुणा ॥७॥ ५५८. आसं विसज्जइत्ताणं अणगारस्स सो निवो। विणएण वंदई पाए भगवं ! एत्थ मे खमे ॥८॥ ५५९. अह मोणेण सो भयवं अणगारो झाणमासिओ। रायाणं न पडिमंतेइ तओ राया भयडुओ ॥९॥ ५६०. संजओ अहमंसीति भयवं वाहराह मे। कुद्धे तेएण अणगारे डहेज नरकोडिओ॥१०॥ ५६१. अभओ पत्थिवा ! तुज्झं अभयदाया भवाहि य । अणिच्चे जीवलोगम्मि किं हिंसाए पसज्जसी ?।।११।। ५६२. जया सव्वं परिच्चज गंतव्वमवसस्स ते । अणिच्चे जीवलोगम्मि किं हिंसाए पसज्जसी ? ||१२|| ५६३. जीवियं चेव रूवं च विज्जुसंपायचंचलं । जत्थ तं मुज्झसी रायं ! पेच्चत्थं नावबुज्झसी ।।१३।। ५६४. दाराणि य सुया चेव मित्ता य तह बंधवा । जीवंतमणुजीवंति मयं नाणुवयंति य ।।१४।। ५६५. नीहरंति मयं पुत्ता पियरं परमक्खिया। पियरो वि तहा पुत्ते बंधू रायं !तवं चरे॥१५|५६६. तओ तेणऽज्जिए दव्वे दारे य परिरक्खिए। कीलंतऽन्ने नरा रायं ! हट्ठतुट्ठमलंकिया।।१६।। ५६७. तेणावि जं कयं कम्मं सुहं वा जइवा दुहं । कम्मुणा तेण संजुत्ते गच्छती तु परं भवं ।।१७।। ५६८. सोऊण तस्स सो धम्म अणगारस्स अंतिए । महया संवेग-निव्वेयं समावन्नो नराहिवो ॥१८॥ ५६९. संजओ चइउंरज निक्खंतो जिणसासणे । गद्दभालिस्स भगवओ अणगारस्स अंतिए॥१९॥ ५७०. चेच्चा रहूँ पव्वइए खत्तिए परिभासइ। जहा।
明明明明明明明明明明明明听听听听听听听听听听听听听听听听听听听听听听听明明明明明明明明明明明明中心
O&O5555555555%%%%%%%%
Xeo55555555555555555555555 श्री आगमगुणमंजचा १६५५ 555555555555555555555555555GOR