Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 1781

20
(४३) उत्तरऽज्झयणं (चउत्थं मूलसुत्तं) अ. २२, २३
[२३]
८१८. वासुदेवो य णं भणइ लुत्तकेसिं जिइंदियं । संसारसागरं घोरं तर कन्ने ! लहुं लहुं ॥ ३१ ॥ ८१९. सा पव्वइया संती पव्वावेसी तहिं बहुं । सयणं परिजणं चे सीलवंता बहुस्सुया ||३२|| ८२०. गिरिं रेवतकं जंती वासेणोल्ला उ अंतरा । वासंते अंधकारम्मि अंतो लयणस्स सा ठिया ||३३|| ८२१. चीवराहं विसारेंती
जयति पासिया । रहनेमी भग्गचित्तो पच्छा दिट्ठो य तीइ वि ॥ ३४॥ ८२२. भीया य सा तहिं दहुं एगंते संजयं तयं । बाहाहिं काउ संगोफं वेवमाणी निसीयई ॥ ३५॥। ८२३. अ सोह वि रायपुत्तो समुद्दविजयंगओ । भीयं पवेइयं दद्धुं इमं वक्कमुदाहरे || ३६ || ८२४. रहनेमी अहं भद्दे ! सुरुवे ! चारुपेहिणि ! । ममं भयाहि सुतणू ! न ते पीला भविस्सई ||३७|| ८२५. एहि ता भुंजिमो भोगे माणुस्सं खु सुदुल्लहं । भुत्तभोगा तओ पच्छा जिणमग्गं चरिस्सिमो ||३८|| ८२६. दट्टूण रहनेमिं तं भग्गुज्जोयपराइयं । राईमई असंभंता अप्पाणं संवरे तहिं ॥ ३९ ॥। ८२७. अह सा रायवरकन्ना सुट्टिया नियमव्वए । जाई कुलं च सीलं च रक्खमाणी तयं वदे ||४०|| १८२८. जइ सिरूवेण वेसमणो ललिएण नलकुब्बरो । तहा वि ते न इच्छामि जइ सि सक्खं पुरंदरे ॥४१॥। ८२९. धिरत्थु ते जसो कामी ! जो तं जीवियकारणा । वंतं इच्छसि आवेउं सेयं ते मरणं भवे ॥ ४२ ॥ ८३०. अहं च भोगरायस्स तं च सि अंधगवण्हिणो । मा कुले गंधणा होमो संजमं निहुओ चर ॥४३॥ ८३१. जइ तं काहिसि भाव जा जा दच्छसि नारिओ । वायाइद्धो व हढो अट्ठियप्पा भविस्ससि ॥४४॥ ८३२. गोवालो भंडपालो वा जहा तद्दव्वऽणीसरो। एवं अणीसरो तं पि सामण्णस्स भविस्ससि ॥४५॥ ८३३. तीसे सो वयणं सोच्चा संजयाए सुभासियं । अंकुसेण जहा नागो धम्मे संपडिवाइओ || ४६ ॥ ८३४. मणगुत्तो वयगुत्तो कायगुत्तो जिइंदिओ । सामण्णं निच्चलं फासे जावज्जीवं दढव्वओ || ४७|| ८३५. उग्गं तवं चरित्ताणं जाया दोन्नि वि केवली । सव्वं कम्मं खवेत्ताणं सिद्धिं पत्ता अणुत्तरं ॥४८॥ ८३६. एवं कति संबुद्धा पंडिया पवियक्खणा । विणियति भोगेसु जहा से पुरिसोत्तमे ॥ ४९ ॥ त्ति बेमि || ★★★ ॥ रहनेमिज्जं समत्तं ॥ ★★★ २३ तेवीसइमं केस - गोयमिज्जं अज्झयणं ★★★ ८३७. जिणे पासे त्ति नामेणं अरहा लोगपूइए। संबुद्धप्पा य सव्वन्नू धम्मतित्थयरे जिणे ॥ १॥ ८३८. तस्सलोगप्पदीवस्स आसि सीसे महायसे । केसी कुमारसमणे विज्जा - चरणपारगे ॥२॥ ८३९. ओहिनाण- सुए बुद्धे सीससंघसमाउले । गामाणुगामं रीयंते सावत्थिं नगरिमागए || ३ || ८४०. तेंदुयं नाम उज्जाणं तम्मी नगरमंडले । फासुए सेज्जसंथारे तत्थ वासमुवागए ॥ ४॥ ८४१. अह तेणेव कालेणं धम्मतित्थयरे जिणे । भगवं वद्धमाणो ति सव्वलोगम्मि विस्सुए ||५|| ८४२ तस्स लोगप्पदीवस्स आसि सीसे महायसे । भगवं गोयमे नामं विज्जा - चरणपारए ||६|| ८४३. बारसंगविऊ बुद्धे सीससंघसमाउले । गामाणुगामं रीयंते से वि सावत्थिमागए ।।७।। ८४४. कोट्टगं नाम उज्जाणं तम्मी नगरमंडले । फासुए सेज्जसंथारे तत्थ वासमुवागए ॥। ८ ।। ८४५. केसी कुमारसमणे गोयमे य महायसे । उभओ वि तत्थ विहरिंसु अल्लीणा सुसमाहिया || ९ || ८४६. उभओ सीससंघाणं संजयाण तवस्सिणं । तत्थ चिंता समुप्पन्ना गुणवंताणताणं ॥ १०॥ ८४७. 'केरिसो वा इमो धम्मो ?' इमो धम्मो व केरिसो ? । आयारधम्मप्पणिही इमा वा सा व केरिसी ? ॥ ११ ॥ ८४८. चाउज्नामो य जो धम्मो जो इमो पंचसिक्खिओ । देसिओ वद्धमाणेणं पासेण य महामणी ।। १२ ।। ८४९. अचेलगो य जो धम्मो जो इमो संतरुत्तरो । एककज्जपवन्नाणं विसेसे किं नु कारणं ? ।।१३।। ८५०. अह ते तत्थ सीसाणं विन्नाय पवितक्कियं । समागमे कयमती उभओ केसि - गोयमा ॥ १४॥ ८५१. गोयमे पडिरूवन्नू सीससंघसमाकुले। जेट्टं
मक्खतो तेंदुयं वणमागओ ।।१५।। ८५२. केसी कुमारसमणे गोयमं दिस्स मागयं । पडिरूवं पडिवत्तिं सम्मं संपडिवज्जई ||१६|| ८५३. पलालं फासुयं तत्थ पंचमं कुस-तणाणि य । गोयमस्स निसेज्जाए खिप्पं संपणामए ॥१७॥ ८५४. केसी कुमारसमणे गोयमे य महायसे । उभओ निसण्णा सोहंति चंद-सूरसमप्पभा ॥१८॥ ८५५. समागया बहू तत्थ पासंडा कोउगा मिया । गिहत्थाण य णेगाओ साहस्सीओ समागया || १९|| ८५६. देव- दाणव- गंधव्वा जक्ख- रक्खस- किन्नरा । अद्दिस्साण य भूयाणं आसि तत्थ समागमो || २० ।। ८५७. 'पुच्छामि ते महाभाग !' केसी गोयममब्बवी । तओ केसिं बुवंतं तु गोयमो इणमब्बवी ॥ २१ ॥ ८५८. ‘पुच्छ भंते ! जहिच्छं ते' केसि गोयममब्बवी । तओ केसी अणुन्नाए गोयमं इणमब्बवी ॥ २२ ॥ ८५९. 'चाउज्जामो य जो धम्मो जो इमो पंचसिक्खिओ । देसिओ
फफफफफफफ
Yo55 श्री आगमगुणमंजूषा १६६२ ०