Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 1770

ROHO$$$$$$$$$
(४३) उत्तरऽज्झयणं (चउत्थं मूलसुत्त) अ, १३, १४
[१२
555555555555555forg
OEC$货明明历历历历历历乐乐坊乐乐乐明明明明明明明明明明明明明明明明明明明乐乐乐乐乐乐乐乐乐乐明明45C
हियाणुपेही चित्तो इमं वक्कमुदाहरित्था॥१५॥ ४२२. सव्वं विलवियं गीयं सव्वं नर्से विडंबियं । सव्वे आभरणा भारा सव्वे कामा दुहावहा ।।१६।। ४२३. बालाभिरामेसु दुहावहेसुन तं सुहं कामगुणेसुरायं ! । विरत्तकामाण तवोधणाणं जं भिक्खुणं सीलगुणे रयाणं ॥१७॥ ४२४. नरिंद ! जाई अधमा नराणं सोवागजाई दुहओ गयाणं | जहिं वयं सव्वजरस्स वेसा वसीय सोवागनिवेसणेसु ||१८|| ४२५. तीसे य जाईय उ पावियाए वुत्था मु सोवागनिवेसणेसु । सव्वस्स लोगस्स दुगुंछणिज्जा, इहं तु कम्माइं पुरेकडाइं ॥१९|| ४२६. सो दाणि सिं राय ! महाणुभागो महिड्डिओ पुण्णफलोववेओ । चइत्तु भोगाइं असासयाई आदाणहेडं अभिनिक्खमाहि ॥२०॥ ४२७. इह जीविए राय ! असासयम्मि धणियं तु पुन्नाइं अकुव्वमाणो । से सोयई मच्चुमुहोवणीए धम्मं अकाऊण परम्मि लोए॥२१॥ ४२८. जहेह सीहो व मियं गहाय मच्चू नरं नेइ हु अंतकाले। न तस्स माया व पिया व भाया कालम्मि तम्मंसहरा भवंति।।२२।। ४२९. न तस्स दुक्खं विभयंति नायओ न मित्तवग्गा न सुया न बंधवा । एगो सयं पच्चणुहोइ दुक्खं कत्तारमेवा अणुजाइ कम्मं ॥२३॥ ४३०. चेच्या दुपयं च चउप्पयं च खेत्तं गिह धण धन्नं च सव्वं । सकम्मबिइओ अवसो पयाइ परं भवं सुंदर पावगं वा ॥२४॥ ४३१. तमेगयं तुच्छसरीरगं से चिईगयं दहिय उ पावगेणं । भज्जा य पुत्तो वि य नायओ य दायारमण्णं अणुसंकमंति ॥२५॥ ४३२. उवणिज्जइ जीवियमप्पमायं वण्णं जरा हरइ नरस्स रायं !। पंचालराया ! वयणं सुणाहि मा कासि कम्माणि महालयाणि ॥२६॥ ४३३. अहं पि जाणामि जहेह साहू ! जं मे तुम साहसि वक्कमेयं । भोगा इमे संगकरा भवंति जे दुज्जया अज्जो ! अम्हारिसेहिं ।।२७।। ४३४. हत्थिणपुरम्मि चित्ता ! दवणं नरवई महिड्डीयं । कामभोगेसु गिद्धेणं निदाणमसुहं कडं ।।२८॥ ४३५. तस्स मे अपडिकंतस्स इमं एयारिसं फलं । जाणमाणो विजं धम्म कामभोगेसु मुच्छिओ ।।२९।। ४३६. नागो जहा पंकजलावसन्नो द8 थलं नाभिसमेइ तीरं । एवं वयं कामगुणेसु गिद्धा न भिक्खुणो मग्गमणुव्वयामो॥३०|| ४३७. अच्चेइ कालो तूरंति राइओ न यावि भोगा पुरिसाण निच्चा । उवेच्च भोगा पुरिसं चयति दुर्म जहा खीणफलं व पक्खी ॥३१।। ४३८. जइ ता सि भोगे चइउं असत्तो अज्जाई कम्माई करेहि राय ! | धम्मे ठिओ सव्वपयाणुकंपी तो होहिसि देवो इओ विउव्वी ।।३२।। ४३९. न तुज्झ भोए चइऊण बुद्धी गिद्धो सि आरंभ-परिग्गहेसु । मोहं कओ एत्तिओ विप्पलावो गच्छामि रायं ! आमंतिओ सि ॥३३॥ ४४०. पंचालराया वि य बंभदत्तो साहुस्स तस्सा वयणं अकाउं । अणुत्तरे भुंजिय कामभोए अणुत्तरे सो नरए पविठ्ठो ॥३४॥ ४४१. चित्तो वि कामेहि विरत्तकामो उदत्तचारित्त-तवो महेसी। अणुत्तरं संजम पालइत्ता अणुत्तरं सिद्धिगइंगओ॥३५॥ त्ति बेमि ||★★★चित्त-संभूइज्जं समत्तं ॥१३॥★★★१४ चउदसमं उसुयारिज्जं अज्झयणं ★★★४४२. देवा भवित्ताण पुरे भवम्मी केई चुया एगविमाणवासी । पुरे पुराणे उसुयारनामे खाए समिद्धे सुरलोयरम्मे ॥१॥ ४४३. सकम्मसेसेण पुराकएणं कुलेसुदग्गेसु य ते पसूया। निविण्ण संसारभया जहाय जिणिंदमग्गं सरणं पवण्णा ।।२।। ४४४. पुमत्तमागम्म कुमार दो वि पुरोहिओ तस्स जसा य पत्ती । विसालकित्ती य तहोसुयारो रायऽत्थ देवी कमलावई य ॥३॥ ४४५. जाई-जरा-मच्चुभयाभिभूया बहिविहाराभिनिविट्ठचित्ता। संसारचक्कस्स विमोक्खणट्ठा दगुण ते कामगुणे विरत्ता ॥४॥४४६. पियपुत्तगा दोन्नि वि माहणस्स सकम्मसीलस्स पुरोहियस्स । सरित्तु पोराणिय तत्थ जाइंतहा सुचिण्णं तव संजमं च ॥५।। ४४७. ते कामभोगेसु असज्जमाणा माणुस्सएसुंजे यावि दिव्वा । मोक्खाभिकंखी अभिजायसड्ढा तायं उवागम्म इमं उदाहु॥६।।४४८. असासयं दद्व इमं विहार बहुअंतराय न य दीहमाउं। तम्हा गिहंसि न रई लभामो आमंतयामो चरिस्सामो मोणं ।७|| ४४९. अह तायओ तत्थ मुणीण तेसिंतवस्स वाघायकरं वयासी। इमं वयं वेयविदो वयंति जहा न होई असुयाण लोगो।।८।। ४५०. अहिज्ज वेए परिविस्स विप्पे पुत्ते परिठ्ठप्प गिहंसि जया ! भोच्चा ण भोए सह
इत्थियाहिं आरण्णगा होह मुणी पसत्था ।।९।। ४५१. सोयग्गिणा आयगुणिंधणेणं मोहानिला पज्जलणाहिएणं । संतत्तभावं परितप्पमाणं लालप्पमाणं बहुहा बहुं च म ॥१०॥ ४५२. पुरोहियं तं कमसोऽणुणेतं निमंतयंतं च सुए धणेणं । जहक्कम कामगुणेहिं चेव कुमारगा ते पसमिक्ख वक्कं ।।११।। ४५३. वेया अधीया न भवंति ताणं, म भुत्ता दिया णेति तमं तमेणं । जाया य पुत्ता न भवंति ताणं, को नाम ते अणुमण्णेज्ज एयं ? |१२|| ४५४. खणमेत्तसोक्खा बहुकालदुक्खा पकामदुक्खा
GC%听听听听听听听听听听听听听听听听听听听听听听听听听听听听听听听听听听听听明明听听听听听听听听听听C
Kerrof555555555555555555555555 श्री आगमगुणमंजूषा-१६५१:555555555555555555555555OOK