Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 1663

KOR955555555555555
(३९-२) दसासुयक्खंधं कप्पसूर्य (बारसासूत्र)
[८]
555555555555From
CO$听听听听听听听乐乐乐乐乐玩乐乐乐乐乐乐听听听听听听听听听听听听听听听听听听听听听听听听听听听听FSC
जलंते, तस्स य करपहरापरद्धंमि अंधयारे बालायवकुंकुमेणं खचिअव्व जीवलोए, सयणिज्जाओ अब्भुढेइ॥६०|| अब्भुट्टित्ता पायपीढाओ पच्चोरुहइ, पच्चोरुहित्ता जेणेव अट्टणसाला तेणेव उवागच्छइ, उवागच्छिता अट्टणसालं अणुपविसइ अणुपविसित्ता अणेगवाया-मजोग-वग्गण-वामद्दण-मल्लजुद्ध-करणेहिं संते परिसंते सयपाग-सहस्सपागेहिं सुगंध-वरतिल्लमाइएहिं पीणणिज्जेहिं दीवणिज्जेहिं मयणिज्जेहिं विहणिज्जेहिं दप्पणिज्जेहिं सव्विंदियगाय-पल्हाय-णिज्जेहिं अब्भंगिए समाणे तिल्ल-चम्मंसि निउणेहिं पडिपुण्ण पाणिपाय-सुकुमालकोमल-तलेहिं अब्भंगण-परिमणद्दणुव्व-लण-करणं-गुणनिम्माएहिं छेएहिं दक्खेहिं पढेहिं कुसलेहि मेहावीहिं जिअ-परिस्समेहिं पुरिसेहिं अट्ठिसुहाए मंससुहाए तयासुहाए रोमसुहाए चउव्विहाए सुहपरिकम्मणाए संवाहणाए संवाहिए समाणे अवगय-परिस्समे अट्टणसालाओ पडिनिक्खमइ ॥६१|| पडिनिक्खमित्ता जेणेव मज्जणघरे तेणेव उवागच्छइ, उवागच्छित्ता मज्जणघरं अणुपविसइ, अणुपविसित्ता समुत्तजालाकुलाभिरामे विचित्त-मणि-रयण-कुट्टिमतले रमणिज्जे ण्हाणमंडवंसिनाणामणि-रयण-भत्तिचित्तंसिण्हाणपीढंसि सुहनिसण्णे पुफ्फोदएहि अगंधोदएहि अ उण्होदएहि
अ सुहोदएहि अ सुद्धोदएहि अ कल्लाण-करण-पवर-मज्जणविहीए मज्जिए, तत्थ कोउअसएहिं बहुविहेहिं कल्लाणग-पवर-मज्जणविहीए मज्जिए तत्थ कोउ 4. असाघहिं बहुविहेहिं कल्लाणग-पवर-मज्जवणावसाणे पम्हल-सुकुमाल-गंधकासाइअलूहिअंगे अहय-सुमहग्ध-दूसरयण-सुसंवुडे सरस-सुरभि-गोसीसचंदणाणु
लित्तगत्तेसु-इमाला-वण्णग-विलेवणे आविद्धमणि-सुवण्णणे कप्पिय-हारद्धहारतिसरय-पालब-पलंबमाणकसडिसुत्त-सुकयसोभे पिणद्धगेविज्जे अंगुलिज्ज गललिय कयाभरणे वरकडगतुडिअर्थभिअभुए अहिअरुव-सस्सिरीए कुंडल-उज्जोइआणणे मउडदित्तसिरए हारोत्थयसुकयरइअवच्छे मुद्दिआपिंगलंगुलीए पालंबपलंबमाणसुकय-पडउत्तरिज्जे नाणामणि-कणगरयण-विमलम-हरिह-निउउरोवचिअ-मिसिमिसिंत-विरइअ-सुसिलिट्ठ-विसिट्ठलट्ठ-आविद्धवीखलए, किं बहुणा ? कप्परुक्खए विव अलंकिअ-विभूसिए नरिंदे, सकोरटि-मल्लदामेणं छत्तेणं धरिज्ज-माणेणं सेअवर-चामराहिं उधुव्व-माणीहिं मंगल्ल-जयसद्द-कयालोए अणेगगण-नायग दंडनायग-राईसर-तलवर-माडंबिअ-कोडुबिअ-मंति-महामंति-गण-गदोवारिय-अम-च्चचेड-पीढमद्द-नगरनिगम-सिट्ठि-सेणावइ-सत्थवाह-दूअसंधिवालसद्धिं संपरिबुडे धवल-महामेहनिग्गए इव गहगण-दिप्पंत-रिक्ख-तारागणाण मज्झे ससिव्व पिअदंसणे नरवई नरिंदे नखसहे नरसीहे अब्भहिअरायतेअ-लच्छीए दिप्पमाणे मज्जणधराओ पडिनिक्खमइ॥६२|| मज्जणधराओ पडिनिक्खमित्ता जेणेव बाहिरिआ उवट्ठाणसाला तेणेव उवागच्छइ, उवागच्छित्ता सीहासणंसि पुरत्थाभिमुहे निसीअइ, निसीइत्ता अप्पणो उत्तरपुरच्छिमे दिसीभाए अट्ठ भद्दासणाई सेअवत्थ-पच्चुत्थुयाई सिद्धत्थय कयमंगलोवयाराइं रयावेइ, रयावित्ता अप्पणो अदूरसामंते नाणामणि-रयण-मंडिअं अहिअपिच्छणिज्ज महग्घ-वर-पट्टणुग्गयं सहपट्ट-भत्ति-सयचित्त-ताणं ईहामिअ उसभ-तुरगनरमगरविहग-वालग-किन्नर-रुरु-सरभ-चमर-कुंजर-वणलय-पउमलय-भत्तिचित्तं अभितरिअं जवणिअं अंछावेइ, अंछावेत्ता नाणामणि-रयण-भत्तिचित्तं अत्थरय-मिउ-मसूर-गुत्थयं सेअवस्थपच्चुत्थुअंसुमउअं अंगसुहफरिसं विसिट्ठ तिसलाए खत्तिआणीए भद्दासणं रयावेइ॥६३|| रयावित्ता कोडुबिअ-पुरिसे सद्दावेइ, सद्दावेत्ता एवं वयासी ॥६४॥ खिप्पामेव भो देवाणुप्पिआ ! अटुंग-महानिमित्त-सुत्तत्थ-धारए विविह-सत्थ-कुसले सुविण-लक्खणपाढए सद्दावेह ।। तए णं ते कोडुंबिअ-पुरिसा सिद्धत्थेणं रण्णा एवं वुत्ता समाणा हठ्ठतुट्ठ जाव-हियया करयल जाव पडिसुणंति ॥६५॥ पडिसुणित्ता सिद्धत्थस्स खत्तियस्स अंतिआओ पडिनिक्खमंति, पडिनिक्खमित्ता कुंडपुरं नगरं मज्झमज्झेणं जेणेव सुविण-लक्खणपाढगाणं गेहाइं तेणेव उवागच्छंति, उवागच्छित्ता सुविण-लक्खण-पाढए सद्दाविति ॥६६।। तएणं ते सुविण-लक्खण-पाढया सिद्धत्थस्स खत्तिअस्स कोडुबिअ-पुरिसेहिं सहाविआ समाणा हद्वतुट्ठ जाव हयहियया ण्हाया कयबलिकम्मा के कयकोउअ-मंगल-पायच्छित्ता सुद्धप्पावेसाइं मंगल्लाई वत्थाई पवराइं परिहिआ अप्प-महग्घा-भरणालंकिय-सरीरा सिद्धत्थयहरिआलिआ-कय-मंगल-मुद्धाणासएहिं २ गेहेहितो निग्गच्छंति, निग्गच्छित्ता खत्तियकुंडग्गामं नगरं मज्झं-मज्झेणं जेणेव सिद्धत्थस्स रण्णो भवण-वर-वडिंसग-पडिदुवारे तेणेव उवागच्छंति,
उवागच्छित्ता भवण-वर-वडिंसग-पडिदुवारे एगयओ मिलंति, मिलित्ता जेणेव बाहिरिआ उवट्ठाणसाला जेणेव सिद्धत्थे खत्तिए तेणेव उवागच्छंति उवागच्छित्ता MO:55555555555555555555555 श्री आगमगुणमंजूषा- १५५०5555555555555555555555555GORK
C明明明明明明明明明明明明明明明明明明明明明明明明明明明明明明明明明明明明明明明明明明明明明明明明是