Agam 09 Ang 09 Anuttaropapatik Sutra Stahanakvasi

Author(s): Madhukarmuni, Shreechand Surana
Publisher: Agam Prakashan Samiti

Page 54

ततीय वर्ग
१९ परिगयाभिरामं विजाहरजमलजुयलजुत्तं पिव अच्चीसहस्स मालणीयं रूवगसहस्सकलियं भिसमाणं भिब्भिसमाणं चक्खुल्लोयणलेसं सुहफासं सस्सिरीयरूवं कंचणमणिरयणथूभियागं नाणाविहपंचवन्नघंटापडागपरिमंडियग्गसिखरं धवलमरीचिकवयं विणिम्मुयंत लाउल्लोइयमहियं जाव गंधवट्टिभूयं पासादीयं दरिसणिजं अभिरूवं पडिरूवं]।
(तए णं भद्दा सत्थवाही) बत्तीसाए इब्भवरकण्णगाणं एगदिवसेणं पाणिं गेण्हावेइ। बत्तीसओ दाओ जाव[बत्तीसं हिरण्णकोडीओ, बत्तीसं सुवण्णकोडीणो, बत्तीसं मउडे मउडप्पवरे, बत्तीसं कुंडलजुए कुंडलजुयलप्पवरे, बत्तीसं हारे हारप्पवरे, बत्तीसं अद्धहारे अद्धहारप्पवरे, बत्तीसं एगावलीओ एगावलिप्पवराओ, एवं मुत्तावलीओ, एवं कणगावलीओ, एवं रयणावलीओ, बत्तीसं कडगजोए कडगजोयप्पवरे, एवं तुडियजोए, बत्तीसं खोमजुयलाई खोमजुयलप्पवराई, एवं पडगजुयलाइं, एवं पट्टजुयलाइं, एवं दुगुल्लजुयलाइं, बत्तीसं सिरीओ, बत्तीसं हिरीओ, एवं धिईओ, कित्तीओ, बुद्धीओ, लच्छीओ, बत्तीसं णंदाइं, बत्तीसं भदाई बत्तीसं तले तलप्पवरे, सव्वरयणामए, णियगवरभवणकेऊ, बत्तीसं झए झयप्पवरे, बत्तीसं वये वयप्पवरे दसगोसाहस्सिएणं वएणं, बत्तीसं णाडगाई णाडगप्पवराई बत्तीसबद्धणं णाडएणं, बत्तीसं आसे आसप्पवरे, सव्वरयणामए, सिरिघरपडिरूवए, बत्तीसंहत्थी हत्थिप्पवरे, सव्वरयणामए सिरिघरपडिरूवए, बत्तीसं जाणाइं जाणप्पवराई, बत्तीसं जुगाइं जुगप्पवराई, एवं सिवियाओ, एवं संदमाणीओ, एवं गिल्लीओ थिल्लीओ, बत्तीसं वियडजाणाई वियडजाणप्पवराई, बत्तीसं रहे पारिजाणिए, बत्तीसं रहे संगामिए, बत्तीसं आसे आसप्पवरे, बत्तीसं हत्थी हत्थिपवरे, बत्तीसं गामे गामप्पवरे, दसकुलसाहस्सिएणं गामेणं, बत्तीसं दासे दासप्पवरे, एवं चेव दासीओ, एवं किंकरे, एवं कंचुइजे, एवं वरिसधरे, एवं महत्तरए, बत्तीसं सोवण्णिए ओलंबणदीवे, बत्तीसं रुप्पामए ओलंबणदीवे, बत्तीसं सुवण्णरुप्पामए ओलंबणदीवे, बत्तीसं सोवण्णिए उक्कंचणदीवे, बत्तीसं पंजरदीवे, एवं चेव तिण्णि वि, बत्तीसं सोवण्णिए थाले, बत्तीसं रुप्पमए थाले, बत्तीसं सुवण्णरुप्पमए थाले, बत्तीसं सोवणियाओ पत्तीओ ३ x, बत्तीसं सोवण्णियाइं थासयाई ३, बत्तीसं सोवणियाइं मल्लगाइं ३, बत्तीसं सोवणियाओ तलियाओ३, बत्तीसंसोवणियाओ कावइआओ ३, बत्तीसंसोवण्णिए अवएडए ३, बत्तीसंसोवणियाओ अवयक्काओ ३, बत्तीसं सोवण्णिए पायपीढए ३, बत्तीसं सोवणियाओ भिसियाओ ३, बत्तीसं सोवण्णियाओ करोडियाओ ३, बत्तीसं सोवण्णिए पल्लंके ३, बत्तीसं सोवणियाओ पडिसेज्जाओ ३, बत्तीसं हंसासणाई, बत्तीसं कोंचासणाई, एवं गरुलासणाई, उण्णयासणाई, पणयासणाई, दीहासणाई, भद्दासणाई, पक्खासणाई, मगरासणाई, बत्तीसं पउमासणाइं, बत्तीसं दिसासोवत्थियासणाइं, बत्तीसं तेल्लसमुग्गे, जहा रायप्पसेणइज्जे, जाव बत्तीसं सरिसवसमुग्गे, बत्तीसं खुजाओ, जहा उववाइए, जाव बत्तीसं पारिसीओ, छत्ते, बत्तीसं छत्तधारिणीओ चेडीओ, बत्तीसं चामराओ, बत्तीसं चामरधारिणीओ चेडीओ. बत्तीसं ताडियंटे. बत्तीसं तालियंटधारिणीओ चेडीओ. बत्तीसं करोडियाओ. बत्तीसं करोडियाधारिणीओ चेडीओ, बत्तीसं खीरधाईओ, जाव बत्तीसं अंकधाईओ, बत्तीसं अंगमहियाओ, बत्तीसं उम्महियाओ, बत्तीसं पहावियाओ, बत्तीसं पसाहियाओ, बत्तीसं वण्णगपेसीओ, बत्तीसं चुण्णपेसीओ, बत्तीसं कोद्रागारीओ, बत्तीसं दवकारीओ, बत्तीसं उवत्थाणियाओ, बत्तीसं णाडइज्जाओ, बत्तीसं कोडुंबियणीओ, बत्तीसं महाणसिणीओ, बत्तीसं भंडागारिणीओ, बत्तीसं अज्झाधारिणीओ, बत्तीसं पुष्फधारणीओ, बत्तीसंपाणिधारणीओ, बत्तीसं बलिकारीओ, बत्तीसंसेज्जाकारीओ, बत्तीसं अभितरियाओ