Vividh Tirth Kalpa

Author(s): Jinvijay
Publisher: Singhi Jain Gyanpith

Page 75

अपापाबृहत्कल्पः।
दीवया इच्चाइ । कंचुलियाओ बावणं तंबोलाइदाणपुर्व सावियाणं दिजा । अण्णे य दीवूसवं विणावि अमावसाए नंदीसरतवं आढविति ति ।
__ अह पुणरवि अजसुहत्थीणं संपइ महाराओ पुच्छिसु-भयवं ! इत्थ दीवालिआपबंमि विसेसओ घराण मंडणं अन्न-वस्थाईणं विसिटाणं परिभोगो, अन्नोन्नजोहाराइकरणं, जणाणं केण कारणेण दीसइ ? | तत्थ इमं पञ्चुत्तरं अजसुहत्थिरिणो पन्नविंसु । जहा-पुत्विं उजेणीए पुरीए उज्जाणे सिरिमुणिसुब्वयसामिसीसो सुब्वयाय-5 रिओ समोसढो । तस्स वंदणत्थं गओ सिरिधम्मराया। नमुचिमंती वि तत्थ गओ। सूरीहिं समं विवायं कुणतो खलरोण पराजिओ । गओ रणा समं नियगेहं । निसाए मुणिणो हतं कअिखरगो गओ उज्जाणं । देवयाए भिओ। गोसे विम्हिएण रणा खामित्ता मोइओ । लजिओ नट्ठो गओ हथिणाउरे । तत्थ पउमुत्तरो राया । जाला तस्स देवी । तीसे दो पुत्ता-विण्हुकुमारो, महापउमो । जिट्टे अणिच्छंते महापउभस्स जुवरायपयं पिउणा दिन्नं । नमुई तस्स मंती जाओ । तेण सीहरहो रणे विजिओ' । महापउभो तुट्टो । वरं पदिण्णे तेण नासी-10 कओ वरो । एगया जालादेवीए अरहंतरहो कारिओ। तीसे सवत्तीए लच्छीए मिच्छद्दिट्टीए पुण बंभरहो । पढमं रहकडणे दुण्ह वि देवीणं विवाए दोवि रहा राणहा वारिया । माऊए अवमागं दटुं महापउमो देसंतरं गओ । कमेण मयणावलिं परिणित्ता साहियच्छक्खंडभारहो गयउरनागओ। पिउणा रज्जं दिण्णं । विण्हुकुमारेण समं पउमुत्तरो सुव्वयायरियपायमूले दिक्खं गिहित्ता सिवं पत्तो । दिण्हुकुमारस्स य सहि वाससयाई तवं कुणंतस्स अणेगाओ लद्धीओ समुप्पण्णाओ ! महापउमो चक्की जिणभवणमंडियं महिं काउं रहजत्ताओ कारित्ता पूएइ 15 माऊए मणोरहे । नमुचिणा चक्कीनासीकयवरेण जण्णकरणत्थं रज मम्गिओ। तेण सच्चसंधेण तस्स रज्जं दाउं ठियमंतेउरे । सुव्वयायरिया य विहरंता तया हत्यिणाउरे वासाचउमासयं ठिआ। आगया सबे पासंडिणो अहिणवनिवं दहूं, न सुत्र्यायरिया । तओ कुद्धो नमुई भणेइ-मम' भूमीए तुम्हेहिं सत्तदिणोवरि न ठायवं, अन्नहा मारेमि; जो मं द8 तुम्हे नागया । तओ सूरीहिं संघ पुच्छित्ता एगो साहू गयणगामिविजाए संपन्नो आइट्ठो मेरुचूलिआठियस्स विण्डकुमारस्स आणयणत्थं । तेण विन्नत्तं -भंते ! मम गंतुं सत्ति अत्थि, न उण आगंतुं । गुरुहिं वुत्तं-सो चेव तुमं 20 'आणेहि चि । तओ सो पत्तो मेरुचूलं वंदिऊण विन्नतं सवं सरूवं महरिसिणो । तक्खणं चेव उप्पइओ सहागंतुयसाहुणा नह्यलं । आगओ गयउरं राउलं च । नमुइवज्जेहिं राईहिं सबेहिं वंदिओ । उवलक्खिओ अ नमुई । पन्नविओ वि जाहे ठाउं न देइ साहूणं, ताहे विण्हुणा पयतिगपमामा भूमी मग्गिया । तेण दिण्णा, भणिअं च-जो बाहिं पयतिगाओ दिट्ठो तं मारेहामि । तो वेउधियलद्धीए लक्खजोअणपमाणदेहो जाओ विण्हुरिसी किरीडकुंडल-गया-चक्क-धणूई धारितो। तस्स पण्हीपहारेण कंपियं भूगोलं । खुहिआ सागरा । फुकारेहिं नद्या खेयरा । उप्पहेण 25 पयट्टाओ नईओ ! धुम्मिया उड्डुगणा । डुल्लिआ कुलगिरी । पुवावरसमुद्देसुं दोपाए निसित्ता, तइअं कम नमुचिणो मत्थए दाऊण ठिओ महप्पा । तओ इंदण ओहिणा नाऊण पट्ठवियाओ सुरंगणाओ कण्णजावे ठाउं महुरसरेण खंतिउवएसगन्भगीयाणि गायति । चक्वट्टिपमुहा य विनायवइयरा पसायणत्थं पाए पमदिति । तओ उवसंतो पगइमावण्णो महरिसी । खामिओ चक्कवट्टिणा संघेण य । विण्हुकुमाराओ चक्किणा पमोचाविओ किवाए नमुई। तया य वासाणं चउत्थमासस्स पक्खसंधिदिणं आसि । तंमि उम्पाए उवसंते लोएहिं पुणज्जायं व अप्पाणं मन्नमाणेहिं अन्नोन्न-30 जोहारा कया । विसिट्ठयरमंडणभोअणच्छायणतंबोलाइपरिभोगा पवत्तिआ । तप्पभिई एयंमि दिवसे पइवरिसं ते चेव ववहारा पयट्टि िजति । विण्हुकुमारो अ कालेणं केवली होऊण सिद्धो, महापउमचक्कवट्टी य त्ति । दसपुधिस्स मुहाओ एवं सोऊण संपइनरिंदो । आसि जिणपूअरओ बिसेसओ पबदियहेसु ॥ १॥
--- --- ----- --- ----
एतद्वाक्यमनुपलभ्यं B आदर्श। 1 Dमन नम। 2 BP आणेह ति। 3 Bठाई। 4D पयसिग। 5BDPa य मोआविओ। 6 BDPaवरिस्सं ।