Tattvartha Karika

Author(s): Kirtipurnashreeji
Publisher: Kirtipurnashreeji

Page 21

જૈનોએ અનંતું પાપ જાણીને પણ છોડવા યોગ્ય છે. તારા એક જીવના, જીભડીના સ્વાદ ખાતર પણ આટલા અનંતા જીવોને મારવાની તમારે કાંઈ જરૂર છે? આજનું બટાટાનું શાક તો ટેસ્ટફૂલ બન્યું છે, ડાઈનીંગ ટેબલ ઉપર બેસીને ધણીને બાયડી વખાણતાં હોય છે, પણ આ વખાણેલું શાક કેટલા કર્મબંધ કરાવશે તે ખબર છે? તે વિચારવું જોઈએ.
અક્કલનું બજાર બિરબલનો રંગ શ્યામ હતો, કહેવાય છે કે, શ્યામ રંગવાળો બ્રાહ્મણ ખૂબ બુદ્ધિમાન હોય છે. એક દિવસ બાદશાહે પૂછ્યું, બિરબલ ! આપણા દરબારમાં બધા ગોરા-ધોળા અને સુંદર દેખાવડા માણસો છે, જયારે તમે જ શ્યામ રંગના છો તેનું શું કારણ છે? બિરબલે કહ્યું, હજૂર! જયારે રૂપનું બજાર ભરાયું હતું, ત્યારે હું અક્કલના બજારમાં ગયો હતો.
*-
-*
પ્રવચન સાતમું : ચારબંગલો , મંગલ ભગવાન વીરો, મંગલ ગૌતમપ્રભુ
મંગલ સ્થૂલભદ્રાધા નો ઘોંડસ્તુ મંગલ. " અનંત ઉપકારી શ્રી તીર્થંકરભગવંતો કહે છે કે, તું તારા શ્રેયના કામે લાગી જા. પછી પ્રેયના કામે લાગી જ. તો તારો જન્મ સફળ થઈ જાય. શાસ્ત્ર કહે છે કે હે જીવ! તું ક્યાંથી આવ્યો છે તેનું થર્મોમીટર અમારી પાસે છે.
જેને વારંવાર ઊંઘવાની ઈચ્છા થાય, મન ઈર્ષાથી બળતું હોય, ભાઈ સાથે વૈરાનુબંધ હોય, સતત મોં ચાલુ જ હોય, ભોગ ભોગવ્યા કરો, આરામ કરો, આવું જેનું જીવન છે, તે પશુની દુનિયામાંથી આવેલો સમજવો.
જેને આયંબિલની રસોઈ ભાવે, અલ્પઆહારી હોય, વિદ્વત્તા હોય, રૂપ, લક્ષ્મીવંત હોય, સારાં વચનયુક્ત હોય તે દેવની દુનિયામાંથી આવેલો સમજવો..
પશુની દુનિયામાંથી માનવ કેવી રીતે થયો? તો સમજવાનું કે, પશુને ખાવા આપેલું ત્યારે તે સમતાભાવમાં આવેલો અને મનુષ્યભાવમાં જ્યારે એંટ્રી પામ્યો ત્યારે પશુની દુનિયાના ભાવ પામી આવ્યો, માટે તે સંસ્કાર ખસ્યા નહિ. ઓઘો હાથમાં હોય ને માર ખાવો પડે એવી સ્થિતિ બની જાય તો માનવું કે પૂર્વના સંસ્કારો ખરાબ પાડીને આવ્યા હોઈએ. ક્રોડી, અબજો પૈસા પાસે હોય પણ સંગ્રહની વૃત્તિ હોય તો માનવું કે, સર્પ-ઉંદરના ભવમાંથી આવ્યાં છીએ. ખાવા માટે રસોઈ કરવી પડે પણ આખો દિવસ રસોડામાં બેસી ન રહેવાય. સંડાસમાં જવું પડે, પણ જરૂર પૂરતો જ ટાઈમ ત્યાં કઢાય. ત્યાં બેસીને કાંઈ છાપાં ન વંચાય. જ્ઞાનાવરણીય કર્મ બંધાય. પૈસા કમાવવાના પણ ધર્મધ્યાન ન છોડાય.
પૈસા કમાવવા તેને આપણે પ્રધાન કાર્ય બનાવી દીધું. ધર્મને ગૌણ બનાવી દીધો. પણ ક્યારેક અને ક્યાંક તો અટકવું જ પડશે. પ્રતિસમય આયુષ્ય વિના સાત કર્મો તો બંધાય જાય છે. ત્રણ યોગ ત્રણ કરણ ઉપર શુભાશુભ કર્મો પરિણમે છે.
યુગપ્રધાન મંગુઆચાર્ય પાળના યક્ષ થયા. પણ ત્યાં ઉત્પન્ન થયા પછી ચેત્યા, કે. શા માટે આવો યક્ષ બન્યો, અને કારણ રસનાનાં તોફાન જાણ્યાં. ત્યાં રહીને શિષ્યોને ચેતાવ્યા. ,