Tattvartha Karika

Author(s): Kirtipurnashreeji
Publisher: Kirtipurnashreeji

Page 95

મુખ્ય (૧) જલશુદ્ધિ (૨) વસ્ત્રશુદ્ધિ સાચવો. પેટ મોટું છે, ગયા બાદ તેમાં વાંધો નથી. પાળનારા આજે પણ પાળે છે, પૂજા-દર્શન છોડાય નહિ.
પ્રશ્ન : દેરાસરની આશાતના જરૂરી છોડવા યોગ્ય જણાવો.
ઉત્તર : પુસ્તકો વાંચીને આશાતના ટાળવાનું જ્ઞાન મેળવો. ધર્મની ભૂખ ઉઘડે તો જ્ઞાન આવી જાય. અજ્ઞાની એવાં કંકુબેનને પણ પપ્પુડાની ઇંગ્લીશની વાતો સાંભળીને આવડી જાય છે.
પ્રશ્ન : અઢાર અભિષેકની મૂર્તિને ધૂપ-દીપ થાય ?
ઉત્તર : સાચી વિધિ તો એ છે કે, ભગવાન ઘરમાં જોઈએ. ૧૦૦ દોકડા કમાનારે પણ ઘરમંદિર કરવું જોઈએ. પાપનો ભય રહે, ધર્મનો પ્રભાવ વિસ્તરે. અમદાવાદ, પાટણ, ખંભાત અને રાધનપુર ઘરમંદિર માટે પ્રખ્યાત છે. ખંભાતમાં ઋષભદાસજી કવિનું ઘરમંદિર છે.
ઋષભદાસ કવિ કેવી રીતે થયા ?
ઋષભદાસ સામાન્ય માણસ હતા, ઉપાશ્રયમાં રોજ કાજો કાઢતા હતા. એકવાર ગુરૂદેવે નાના સાધુ માટે એક ગુટિકા દેવતાધિષ્ઠિત દેવીએ આપેલી, અને કાજો કાઢતાં આ શ્રાવકના હાથમાં આવી ગઈ, સુગંધ આવવાથી શંકા પડી, અને પેટમાં પધરાવી દીધી, સાધુને બદલે તેમનું કામ થઈ ગયું, મોટા કવિ બની ગયા. જેમનાં બનાવેલાં સ્તવનોને સાધુઓ પણ ગાય છે. પૂ. દેવસૂરિ મહારાજનો તેમના ઉપર પ્રભાવ હતો, તેનું ગૃહમંદિર છે. અઢાર અભિષેક મનની શુદ્ધિ માટે છે, પૂંઠ પડાય નહિ, ઔચિત્ય જળવાવું જોઈએ.
પ્રશ્ન : સંતાનોને શિબિર-વ્યાખ્યાનમાં આવવા કહીએ તો ગુસ્સો કરે તો શું કરવું ?
ઉત્તર : બહા૨ના પામી જતા હોય, ઘરના રહી જતા હોય, જવાનીમાં ચરબી ભરી હોય છે, હિતાહિતનું ભાન નથી હોતું. તમારા માથે ધર્મગુરૂ નથી, તમે પોતે જ નગુરા છો, તમારા દીકરાના ગુરૂ ટી.વી. છે. રાઈ ભરેલી છે, વધાર હેઠો ન ઉતરે ત્યાં સુધી ન આવે.
પરંતુ પરિવાર ઉપર તિરસ્કાર ન કરો, પ્રેમથી કહો, કદાચ ઠેકાણું પડશે તો ય પ્રેમથી પડશે. પણ તમે મક્ખીચૂસ છો, થોડું ઇનામ પકડાવી દો, કદાચ પ્રભાવનાના બહાને પણ આવી જાય, ઉદારતા કરો, માત-પિતાના કુલગુરૂ, આજગુરૂ પણ ટી.વી. છે. તમે જ ધર્મસ્થાનોમાં ન જાઓ તો દીકરા ક્યાંથી જાય? તમે જ કંટ્રોલ નહિ રાખો, તો ઘોડા તબેલાને છોડીને જતા રહેશે.
આટલાં નાનાં છોકરાંને મેકઅપ શા માટે કરાવો છો ? નાનાં બાળક તો નાકનાં શ્રીખંડ (લીંટ) ચાટતા હોય છે ? તમે જ નખરા કરતાં શીખવો છો ? પછી મોટાં થયા બાદ તમને ન માને તેમાં તેનો વાંક નથી. અત્યારે તમે તેની બર્થડે ઉજવો છો, મોટો થતાં તે જાતે જ ફાઈવસ્ટાર હોટલમાં જઈને ૫૦ હજાર ખર્ચી આવશે. માટે અત્યારથી ઘણા લાડ ન લડાવો, એવો ટાઈમ આવ્યો છે કે, મમ્મી-પપ્પા ન્હાતાં હોય ને બાળકો ઊભાં હોય, મર્યાદાનું પાલન તમે તોડો પછી તેને જ તોડવાનું મન થશે.
પ્રશ્ન : એમ.સી. માં ગુરૂમહારાજને વહોરાવાય ?
ઉત્તર : જૈનોમાં આ સિદ્ધાંત પળાવો જોઈએ. જૈન તે જ કહેવાય કે, નિતિ નિયમ પાળે. આ ચીજ ન પળાય તો બધું નુકશાન છે. તે દિવસોમાં ફરે તો પોઈઝન વધે છે. અમુક દેશમાં જમીનથી તેને અદ્ધર રાખે છે. ન્યુઝીલેન્ડ દેશમાં આ નિયમ પાળે છે. એમ.સી.માં ડ્યુટી કરવા આવે તો સાકર બગડી જાય
તત્ત્વીય કારિકા