________________
୧୬୧୬୧୬୧୬୧୬୧୬୧୬୧୬୧୬୧୬୧୬୧୬୧୬୧୬୧୬୧୬ તેઓશ્રી વસ્તુતઃ સૂરિચક્રવર્તી કહેવાને સુયોગ્ય હતા, અને એટલે જ તપાગચ્છાધિપતિ પણ હતા.
વીસમી સદીમાં પણ આપણા સદ્ભાગ્યે તેવા એક સમર્થ શાસનપ્રભાવક, શાસનસમ્રાટ વિજય નેમિસૂરીશ્વરજી મહારાજનું અસ્તિત્વ ઉપકારક બન્યું છે. તેઓશ્રીની બૌદ્ધિક પ્રતિભા, ચારિત્રનિષ્ઠા, જ્ઞાનગંભીરતા, બ્રહ્મચર્યનિષ્ઠા, સિદ્ધાંત સંનિષ્ઠા અને વચનનીસિદ્ધતા વગેરે અભુત ગુણ વૈભવના કારણે શ્રી સંઘ અને સમાજે સહજભાવે તેઓશ્રીને શાસનસમ્રાટશ્રી તરીકે માની પોતાનું કર્તવ્ય બજાવ્યાનું માને છે.
શ્રી લક્ષ્મીચંદભાઈના ધર્મપત્ની શ્રી દિવાળીબેને નૂતન પ્રભાકરને જન્મ આપ્યો.
પૂર્વાકારો પ્રગટેલા પ્રભાકરે પણ તેમને પ્રણામ કર્યા. તે દિવસ હતો વિ.સ. ૧૯૨૯ના કારતક સુદ ૧ નો. આમ નવા વર્ષે, વિશ્વને આત્માનું જોમ પીરસનારા તેજસ્વી બાલરવિની ભેટ આપી.
શ્રી લક્ષ્મીચંદભાઈના ઘરમાં ઉમંગ ઉમંગ છવાઈ ગયો. શ્રી દિવાળીબેનના હર્ષનો પાર નથી. શુભ દિવસે સગાં-સ્નેહીઓને બોલાવીને શ્રી લક્ષ્મીચંદભાઈએ પોતાના પુત્ર રત્નની જન્મરાશિ વૃશ્ચિક રાશિ અનુસાર તેનું નામ નેમચંદ પાડ્યું.
ભાઈશ્રી નેમચંદને બાળપણથી સંસ્કૃત ભણવાની ઋચિ હતી. તેથી મોનજીભાઈ જોષી નામે વિદ્વાન વિપ્રવર્ય પાસે સારસ્વત વ્યાકરણ ભણ્યાં હતા. તેમ જ ત્રણ અંગ્રેજી ચોપડી ભણીને ૧૪ વર્ષની વયે શ્રી નેમચંદભાઈએ વ્યાવહારિક શિક્ષણ પૂરું કર્યું. પણ ધાર્મિક શિક્ષણથી જ જીવનનો સાચો અર્થ પૂરેપૂરો સમજાય તેમજ આદર્શ જીવન જીવી શકાય એવી સમજ ધરાવતા શ્રી નેમચંદભાઈએ ખપ પુરતું તો ધાર્મિક જ્ઞાન મેળવ્યું હતું. હવે વધુ ધાર્મિક અભ્યાસની લગની લાગી.
પણ શ્રી લક્ષ્મીચંદભાઈની ઈચ્છા તેમને ધંધામાં જોડવાની હતી. પિતાની ઈચ્છાને માન આપીને વિનયી શ્રી નેમચંદભાઈને શ્રી કરશન કમાની પેઢીમા વ્યાપારની તાલીમ લેવા મૂક્યા.
પિતાજીને કહ્યું કે વ્યાપારમાં મને મજા નથી આવતી. મારું મન વધુ ધાર્મિક અભ્યાસ કરવા તરફ રહે છે તો આપ મને તેની સગવડ કરી આપો.
શ્રુતજ્ઞાનનાં અજવાળા
૩૯
