________________
୧୬୧୬୧୬୧୬୧୬୧୬୧୬୧୬୧୬୧୬୧୬୧୬୧୬୧୬୧୬୧୬ પ્રતિબોધ આપી જૈન ધર્મ પ્રત્યે શ્રધ્ધા - આદરવાળા બનાવ્યા. અહિંસા ધર્મના ઉપાસક બનાવ્યા. તેમ જ તેઓના રાજ્યમાં શિકાર આદિનો નિષેધ કરવી અમારી પ્રવર્તાવી.
સિંહગર્જના જેવી તેઓની ધર્મદેશના સાંભળનારાના હૈયામાં સોંસરી ઊતરી જતી. ગણધરવાદના એમના વ્યાખ્યાનો સાંભળવા એ એક જીવનનો લ્હાવો ગણાતો. જૈન જૈનેતર વિદ્વાનો, કવિઓ ને અગ્રગણ્યો આ વ્યાખ્યાન સાંભળો દૂર-દૂરથી આવતા અને વ્યાખ્યાન સાંભળી કૃતકૃત્યતા અનુભવતા.
તેઓનું જીવન જ જાણે ગ્રન્થરૂપ હતું. તેઓની પાસે રહેનારા અને સેવા ભક્તિ કરનારા તેઓના મુખથી નિકળતા વચનો સાંભળી અને તેઓનું જીવન નિહાળી વગર પુસ્તક લીધે જ પંડિત બની શકતાં.
ગણ્યા ગણાય નહીં અને લખ્યા લખાય નહીં તેવા છે તેઓના અભુત અને અનોખા જીવન પ્રસંગો.
રોજની જીવહિંસા કરી પોતાની આજીવિકા ચલાવનાર મચ્છીમારોના દિલના પરિવર્તન પોતાના ઉપદેશથી કરાવી સદાને માટે હિંસાના માર્ગેથી પાછા વાળી અહિંસાના ઉપાસક બનાવ્યા હતાં.
સાતે ક્ષેત્રોને એકસરખાં લીલાંછમ રાખવાની જે વિશદ દૃષ્ટિ પૂ.આ. ભગવંતમાં હતી. તેનુ અક્ષરશઃ પાલન કરવામાં જે કચાશ આજ કાલ નજરે ચઢે છે, તેને દૂર કરવાની સબુદ્ધિ અને પવિત્ર શક્તિ પણ આ મહાપુરુષના જીવનમાંથી આપણે સહુ ઝીલી શકીએ તેમ છીએ!
સંઘવી શ્રી નગીનદાસ કરમચંદનો છરી પાળતો સંઘ એ કાળનો અદ્ભુત સંઘ હતો. તેમાં મુખ્ય નિશ્રા પૂજ્ય શાસનસમ્રાટની હતી. સંઘના ભવ્ય સામૈયાઓ, રાજા મહારાજા-પ્રધાનો અને વિશિષ્ટ રાજ્ય કર્મચારીઓનું આગમન બધું આ પૂજ્ય પુરુષના પ્રભાવથી ઓપતું હતું. શાસનની પ્રભાવના છે તેનો ખ્યાલ તે સંઘના જેણે દર્શન કર્યા હોય તેને જ ખ્યાલ આવે. શેઠ માણેકલાલ મનસુખભાઈનો સંઘ એ આ કાળનો મોટામાં મોટો સંઘ હતો. તેર હજાર માણસો, તેરસો ગાડા વગેરે વાહનો અને
જ્યાં પડાવ હોય ત્યાં મોટું નગર વસ્યું હોય તેવો આભાસ થાય. આ બધું આ પૂજ્ય પુરુષની નિશ્રામાં થયું છે.
શ્રુતજ્ઞાનનાં અજવાળા
૪૩
