________________
pe pe 90 pe pe pe 90 % 2 90 9 0 0 0 0 9 તેમાંથી ગ્રંથ મણિ તૈયાર કર્યા. અમૃતલાલભાઈના સંચાલન દરમ્યાન ૨૮ વર્ષોમાં જૈન સાહિત્ય વિકાસ મંડળે ૨૭ ગ્રંથો પ્રકાશિત કર્યા. સંખ્યાની દૃષ્ટિએ વધારે ન કહેવાય પણ ગુણવત્તાની દૃષ્ટિએ આ સાહિત્ય સર્જન જૈન સાહિત્યમાં અમૂલ્ય પ્રદાન બન્યું છે. આ જ્ઞાનરાશિ વર્તમાન તથા
ભાવિ સંશોધનકારોને અતિ ઉપયોગી નીવડે તેમ છે.
સંશોધન કાર્ય અને પ્રકાશિત ગ્રંથોનો પરિચયઃ
૧) પ્રતિક્રમણ પ્રબોધ ટીકા :- પ્રતિક્રમણ સૂત્રો વિશે સંશોધન કરી આધારભૂત ગ્રંથ લખવાનો પ્રયાસ તેમણે શરૂ કર્યો. વિવિધ જ્ઞાનભંડારોમાંથી ૨૦૦ જેટલી પ્રતો મંગાવી પ.પૂ. આ. સાગરાનંદસૂરિ, પન્યાસ ભદ્રકરવિજયજી, પન્યાસ ધૂરંધર વિજયજી, પુણ્યવિજયજી વગેરે સાથે વિચાર વિનિમય અને વર્ષોના ચિંતન-મનન બાદ આ ગ્રંથનો પ્રથમ ભાગ પ્રકટ થયો.
આ ગ્રંથ તૈયાર થતો હતો ત્યારે ૮૫ જેટલી શંકાઓ ઊભી થઈ જેનું નિવારણ પ. પૂ. આ.સાગરાનંદજીએ કરી આપ્યું. ઘણી મહેનત પછી ઠીક ઠીક તૈયાર થવા આવેલું પુસ્તક અમૃતલાલભાઈએ રદ કર્યું. ઘણો ખર્ચ થયો છે એ બાબતે એમનુ ધ્યાન ખેંચવામાં આવ્યું ત્યારે તેમણે કહ્યું, “તેની ચિંતા ન કરો, વાર લાગે અને થોડું સાહિત્ય બહાર પડે પણ તે પ્રમાણભૂત અને સર્વદૃષ્ટિએ સંતોષકારક હોવું જોઈએ. પ્રબોધ ટીકાના ત્રણ ભાગોના પ્રકાશન કાર્ય યાઠળ સંસ્થાને પચાસ હજારનો ખર્ચ થયો હતો એમ મનાય છે. આ ગ્રંથના પ્રથમ ભાગનું પ્રકાશન સં.૨૦૦૭ આસો વદી અગ્યારસના દિવસે ભૂલેશ્વર-લાલબાગના ઉપાશ્રયમાં આશ્ચય પ્રેમસૂરિશ્વરજીના અધ્યક્ષપદે તથા પ.પૂ. વિજય પ્રતાપસૂરિશ્વરજી અને અન્ય સાધુ સાધ્વી ભગવંતોની ઉપસ્થિતિમાં થયું. બીજા ભાગનું પ્રકાશન ૨૯-૬-૧૯૫૨ ના રોજ પ. પૂ. આ વિજયવલ્લભસુરિ, વિજય અમૃતસૂરિની નિશ્રામાં અને ત્રીજા ભાગનું પ્રકાશન પન્યાસ ભદ્રંકરવિજયજી તથા ધૂરંધર વિજયજીની નિશ્રામાં નમિનાથ જૈન ઉપાશ્રય (પાયની)માં તા. ૧૮-૧૯-૧૯૫૩ના રોજ કરવામાં આવ્યું.
-
શ્રુતજ્ઞાનનાં અજવાળા
૧૫૯
