________________
ગુજરાતી ભાવાનુવાદ સહિત
૧૦૨
કવો એવી રીતે ઠાંસી ઠાંસીને ભરવાનો કે જેથી તે વાળ ખંડો અગ્નિથી બળે નહિ. વાયુથી ઉડે નહિ, તેમાં પાણી પ્રવેશે નહિ અને ચક્રવર્તીનું આખું સૈન્ય તેના ઉપર ચાલ્યું જાય તો પણ એક પણ વાળખંડ જરાય હાલે નહિ. હવે તે કૂવામાંથી સમયે સમયે એક વાળખંડ કાઢતાં તે બધા વાળખંડોને કાઢવામાં જેટલો કાળ થાય તેટલો કાળ બાદર ઉદ્ધાર પલ્યોપમ છે. આમાં સંખ્યાતા જ સમયો થાય. કારણ કે વાળખંડો સંખ્યાતા છે. એક એક સમયે એક એક વાળખંડ કાઢતાં સંખ્યાતા વાળખંડોને કાઢવામાં સંખ્યાતા જ સમયો થાય.
ઉક્ત દરેક વાળખંડના અસંખ્ય સૂક્ષ્મખંડ કરીને તે ખંડોને ઉક્ત કુવામાં ઉક્ત રીતે ભરીને સમયે સમયે એક એક ખંડને કાઢતાં તે બધા ખંડોને કાઢવામાં જેટલો કાળ થાય તેટલો કાળ સૂક્ષ્મ ઉદ્ધાર પલ્યોપમ છે. આમાં સંખ્યાતા કોડ વર્ષ થાય. દશ કોડાકોડ સૂક્ષ્મ ઉદ્ધાર પલ્યોપમનો એક સૂક્ષ્મ ઉદ્ધાર સાગરોપમ થાય. આવા અઢી સાગરોપમના જેટલા સમય થાય તેટલા અસંખ્યાત દ્વીપ-સમુદ્રો છે.
પૂર્વોક્ત કુવાને પૂર્વોક્ત (= બા. ઉ. પલ્યો. માં કહ્યા તેવા) વાળખંડોથી પૂર્વોક્ત રીતે ભરીને સો સો વર્ષે એક વાળખંડ કાઢતાં બધા વાળખંડને કાઢવામાં જેટલો કાળ થાય તેટલો કાળ બાદર અદ્ધા પલ્યોપમ છે. આમાં સંખ્યાતા ક્રોડ વર્ષ થાય.
પૂર્વોક્ત કુવાને પૂર્વોક્ત (= સૂ. ૧. પલ્યો. માં કહ્યા તેવા) વાળ ખંડોથી ભરીને સો સો વર્ષે એક વાળખંડને કાઢતાં તે બધા વાળખંડોને કાઢવામાં જેટલો કાળ જાય તેટલો કાળ સૂક્ષ્મ અદ્ધા પલ્યોપમ છે. આમાં અસંખ્યાત ક્રોડ વર્ષ થાય.
દશ કોડાકોડ સૂક્ષ્મ અદ્ધા પલ્યોપમનો એક સૂક્ષ્મ અદ્ધા સાગરોપમ થાય. આવા દશ કોડાકોડી સાગરોપમની એક ઉત્સર્પિણી, દશ કોડાકોડી સાગરોપમની એક અવસર્પિણી થાય. એ બંને મળીને ૨૦ કોડાકોડી સાગરોપમનો એક કાળચક્ર થાય. આ સાગરોપમથી ચારે ગતિના જીવોના આયુષ્યનું પ્રમાણ, કર્મસ્થિતિ પ્રમાણ, કાયસ્થિતિ પ્રમાણ અને ભવસ્થિત પ્રમાણ વગેરે માપવામાં આવે છે.
પૂર્વોક્તકૂવાને પૂર્વોક્ત (= બા. ઉ. પલ્યોપમાં કહ્યા તેવા) વાળખંડોથી પૂર્વોક્ત રીતે ભરીને સમયે સમયે વાળખંડને સ્પર્શીને રહેલા એક આકાશ પ્રદેશને કાઢતાં વાળખંડને સ્પર્શીને રહેલા બધા આકાશપ્રદેશોને કાઢવામાં જેટલો કાળ થાય તેટલો કાળ બાદર ક્ષેત્ર પલ્યોપમ છે. આમાં અસંખ્ય ઉત્સર્પિણિ-અવસર્પિણી કાળ થાય. કારણ કે દ્રવ્ય કરતાં ક્ષેત્ર અધિક સૂક્ષ્મ છે. એથી ઉક્ત રીતે એક વાળના ખંડોને સ્પર્શીને રહેલા આકાશ પ્રદેશોને કાઢવામાં પણ અસંખ્ય ઉત્સર્પિણી-અવસર્પિણી જેટલો કાળ થાય, તો પછી સર્વ વાળખંડોને સ્પર્શીને રહેલા આકાશ પ્રદેશોને કાઢવામાં તેટલો કાળ થાય એમાં તો શું કહેવાનું હોય?
પૂર્વોક્ત કૂવાને પૂર્વોક્ત (=સુ. ઉ. પલ્યો. માં કહ્યા તેવા) વાળખંડોથી ભરીને સમયે સમયે એક આકાશપ્રદેશને કાઢતાં વાળખંડોને સ્પર્શીને રહેલા અને વાળખંડોને નહિ સ્પર્શીને
