Book Title: Samaysar Natak Author(s): Publisher: ZZZ Unknown View full book textPage 8
________________ ( ७ ) दोहा. i कहूं शुद्ध निश्चयकथा, कहूं शुद्ध व्यवहार । मुकति पंथ कारन कहूं, अनुभौको अधिकार ॥ १६ ॥ वस्तु विचारत ध्यावतैं, मनपावै विश्राम । रस स्वादत सुख ऊपजै, अनुभौ याको नाम ॥ १७ ॥ अनुभौ चिंतामणि रतन, अनुभव है रस कूप । अनुभौ मारग मोक्षको, अनुभौ मोक्ष स्वरूप ॥ १८ ॥ सवैया ॥ ३१ सा. अनुभौके रसको रसायण कहत जग, अनुभौ अभ्यास यहू तीरथकी ठौर है | अनुभौकी जो रसा कहावै सोई पोरसासु, अनुभौअधोरसासु ऊरकी दौर है | अनुभौकी केलिइह कामधेनु चित्रावेल, अनुभौको स्वाद - पंच अमृतको कौर है | अनुभौ करम तोरे परमसो प्रीति जोरे, अनुभौ समान न धरम कोऊ और है ॥ १९ ॥ - दोहा. चेतनवंत अनंतगुण, पर्यय शक्ति अनंत । अलख अखंडित सर्वगत, जीवद्रव्य विरतंत ॥ २० ॥ फरस वर्ण रस गंधमय, नरदपास संठान | अनुरूपी पुद्गल दरव, नभ प्रदेश परवान ॥ २१ ॥ जैसे सलिल समूहमें, करै मीनगति कर्म । तैसें पुदगल जीवको, चलन सहाई धर्म ॥ २२ ॥Page Navigation
1 ... 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 ... 134
