________________
આ થયું સ્વરૂપસ્થિતિનું ચરણ.
આ પૃષ્ઠભૂ પર કડીને જોઈએ :
પઢિ પાર કહાં પાવનો,
મિટ્યો ન મન કો ચાર;
જ્યું કોલ્યુંકે બેલકું,
ઘરહી કોસ હજાર...
મનના વિકલ્પો જો છૂટ્યા નહિ તો ભણીને શું પમાયું ? ભણવાનો શો અર્થ ? આન્તરયાત્રા શરૂ થાય એ જ તેનો અર્થ છે. આન્તરયાત્રા માટેની પૃષ્ઠભૂ છે નિર્વિકલ્પતા. આ પૃષ્ઠભૂની આધારશિલા પર આ કડી વહી છે.
અને જો વિકલ્પો ચાલુ રહ્યા તો....? ‘જ્યું કોલ્યુંકે બેલકું, ઘરહી કોસ હજાર.’ વિકલ્પોની ગતિ એટલે શું ? એ તો છે નિરર્થક ચાલવાનું. ઘાણીનો બળદ સવારથી સાંજ સુધી ચાલ્યા કરે, પણ ગતિ કેટલી થઈ ? એ માત્ર કુંડાળામાં જ ફર્યો છે. ચાલવાનું થયું, ગતિ ન કહેવાય એને.
આન્તરયાત્રામાં આપણે આગળ વધવું છે. તે માટે જોઈશે આત્માનુભૂતિ.
સમાધિ શતક
| ૩૫
