________________
જો કે, પ્રભુને તો આંસુની ભાષા જ ગમે છે ને ! ‘નૈન રહે ઝડલાય...’ આંખોમાંથી વરસતી આંસુની ઝડી.... એક એક અશ્રુબિન્દુને - મીરાંનાં - એક એક શબ્દ નહિ, એક એક પત્ર ગણી શકાય.
ખરેખર તો, મીરાંનું એક એક અશ્રુબિન્દુ વિરહાસક્તિનું મહાકાવ્ય છે.
વિરહાસક્તિ. નારદઋષિએ આપેલો શબ્દ. એ પરમપ્યારાના વિરહની ક્ષણો પણ એની યાદોથી ઊભરાયેલ હોય ને ! એ એક એક ક્ષણ પર ‘એ’ના- પરમપ્રિયના હસ્તાક્ષર હોય ને !
ભક્તની સંપદા તો જુઓ !
વિરહાસક્તિમાંય આ આનંદ અને મિલનમાં તો – નિરવધિ આનંદ...
રાધાએ પોતાની જન્મકુંડળી જ્યોતિષીને બતાવીને પૂછ્યું : જુઓ તો, મારો ગ્રહયોગ - શ્રીકૃષ્ણ સાથે - કેવો છે ?
જોષીએ કહ્યું : કાગળિયા પરના આંકડાથી શ્રીકૃષ્ણ જોડે યોગ શી રીતે થાય ? તું કૃષ્ણમાં ભળી જા ! એ જ તારો કૃષ્ણયોગ !
ભક્તિધારાની
અહોભાવમઢી આ
ક્ષણો...
ઝર-ઝર ઝરતા આ
સમાધિ શતક
૬૪
|ex
