Vidhi Marg Prapa

Author(s): Vinaysagar
Publisher: Prakrit Bharti Academy

Page 92

विधिप्रपा ।
माइभया कयाइ उद्देसाइकिरियाए आतिरं सज्झायं पट्टाविय, कालमंडलाइं दुक्खुत्तो काऊण, सज्झायं पडिकमिय, पउणपहरमज्झे वि पडिक्कमिज्जइ । सेसा पुण उद्देसाइ किरियाणंतरं चेव पडिक्कमिजंति । जाव कालो न पडिकतो ताव गज्जिमाईहिं उवघाओ । उद्देसाइसु कएसु खमासमणदुगेण 'सज्झाउ पडिक्कमहं, सज्झायपडिक्कमणत्यु काउसग्गु करेह' इति भणिय, मोणेण अन्नत्थूससिएणमिच्चाइ पढित्ता, अदुस्सासं काउस्सग्गं 'करिय, पारित्ता, नमोकार भणंति । एवं कालो वि पाभाइयाइअभिलावेण पडिक्कमियो। एयं पसंगओ भणियं ।
६३९. एवं सुद्धे पाभाइए काले पडिक्कमणं काउं, पडिलेहणं अंगपडिलेहणं च काउं, वसहिं पमज्जिय, सोहित्ता य हड्डाई परिट्ठविय, वायणायरियअग्गओ इरियं पडिक्कमिय, पुत्तिं पडिलेहित्ता, वसहिं पवेयंति । 'इच्छकारि तपसियहु वसति सूझइ' । जो वसहिं सोहिउं सह गओ सो भणइ सुज्झइ त्ति । तओ कालग्गाही एवं चेव
कालं पवेएइ । नवरं इत्थ दंडधरो सूझइ ति भणइ । तओ वायणायरिओ वामपासहिओ सीसो य ठवणायरि" अग्गओ सज्झायं पट्टवेति । जहा मुहपोत्तिं पडिलेहिय बारसावत्तवंदणं दाउं, खमासमणदुगेण भणंति'इच्छाकारेण संदिसह सज्झाउ संदिसावहं, सज्झाउ पाठविसहं' । जउ सुद्ध तउ मोणेण - 'सज्झाय पट्ठवणत्थं करेमि काउस्सग्गं, अन्नत्थूससिएण'मिच्चाइ भणिय, अट्ठस्सासं काउस्सग्गं वेइयामझे काउं पारिय, चउवीसत्ययं सत्तरससिलोगे य पढित्ता, पुणो ओलंबियबाहू नवकारं चिंतिय, भणिय, उवविसिय, वेइयामज्झे दाहिणपासट्ठियरयहरणे वंदणयं दाउं, खमासमणेण भणंति- 'इच्छाकारेण संदिसह सज्झाउ पवेयहं । ॥ पुणो खमासमणं 'इच्छाकारि तपसियह सज्झाउ सूझइ ?' । सवे भणंति सूझइ । तओ खमासमणदुगेण सज्झायं संदिसाविति, कुणंति य 'धम्मोमंगलाइ'सिलोग ५ । पुणो वायणारिओ निसिज्जाए सीसो पाउंछणे वासासु कट्ठासणे रयहरणं ठाविय, वंदणं दाउं भणंति- 'इच्छाकारि तपसियह दिळं सुर्य ?' । सवे भणंति न. किंचि । इत्यवि छीय-खलियाईयं कालगमणेण नेयवं ।
॥ सज्झायपट्ठवणविही ॥ २२ ॥ . ६४०. एवं सुद्धे सज्झाए जोगवाहिणो वंदणं दाउं भणंति-'इच्छाकारेण तुन्भे अम्हं जोगे उक्खिवेह ।' गुरू भणइ 'उक्खेवामो' । पुणो वंदिय भणंति - 'तुन्भे अम्हं जोगोक्खेवावणियं काउस्सम्गं करावेह' । गुरू भणइ 'करावेमो' । तओ जोगोक्खेवावणियं पणवीसुस्सासं अट्ठोस्सासं वा, मयंतरे सत्तावीसुस्सासं वा, काउस्सम्मं करेंति । पारिता चउवीसत्ययं भणंति । तओ सावयकयपूयाचेइयहरे वसहीए वा समोसरणे सुयक्खंधस्स अंगस्स वा उद्देसनिमित्तं अणुन्नानिमित्तं वा वासे सिरसि खिवावेंति । पुणो वंदिय भणंति'तुम्मे अहं अमुगसुयक्खंधाइ - उद्देसाइनिमित्तं चेइयाई वंदावेह' । गुरू भणइ 'वंदावेमो' । तओ ते वामपासे काऊण वध्रुतियाहिं थुईहिं गुरू चेइए वंदइ पुवविहीए, जाव धुत्तपणिहाणपज्जतं । तो पुत्तिं पडिलेहिय बारसावत्तवंदणं दाऊं नंदिकडावणियं अहुस्सासं काउस्सगं करेंति । पारित्ता नमोक्कारं पदंति । अन्नसिं पुण सत्तावीसुस्सासं काउस्सग्गं काउं चउवीसत्थयं भणंति । तओ तेहिं खमासमणपुवं 'इच्छाकारेण तुम्मे अम्हं नंदिं सुणावेह'त्ति वुत्ते गुरू नमोक्कारतिगपुवं उद्देसत्थं अणुन्नत्थं वा नंदि कह। - जहा - नाणं पंचविहं पण्णत्तं । तं जहा- आभिणिबोहियनाणं, सुयनाणं, ओहिनाणं, मणपजवमाणं, केवलनाणं । तत्थ चत्तारि नाणाइं ठप्पाइं ठवणिज्जाइं, नो उद्दिसिज्जंति, नो समुद्दिसिज्जंति, नो अणुनविजंति । सुयनाणस्स उद्देसो समुद्देसो अणुष्णा अणुओगो पवत्तइ । जइ सुयनाणस्स उद्देसो समुद्देसो अणुण्णा अणुओगो पवत्तइ, किं अंगपविट्ठस्स उद्देसो समुद्देसो अणुण्णा अणुओगो पवत्तइ ! अंगबाहिरस्स
उसो समुहेसो अणुण्णा अणुओगो पवत्तइ ! । अंगपविट्ठस्स वि उद्देसो समुहेसो अणुण्णा अणुओगो पवसइ, ४.अंगवाहिस्स वि उद्देसो समुद्देसो अणुष्णा अणुओगो पक्तह । जइ अंगबाहिरस्स उद्देसो समुद्देसो अणुण्णा