Vidhi Marg Prapa

Author(s): Vinaysagar
Publisher: Prakrit Bharti Academy

Page 100

विधिप्रपा
उद्देसा २, दिण १। इओणंतरमेगारसज्झयणाणि एगसराणि एगेगदिणेण एगकालेण जंति । पढमसुयक्खंघज्झयणनामाणि जहा - समओ १, वेयालीयं २, उवसग्गपरिण्णा ३, थीपरिण्णा ४, निरयविभत्ती ५, वीरस्थओ ६, कुसीलपरिभासा ७, वीरियं ८, धम्मो ९, समाही १०, मग्गो ११, समोसरणं १२,
अहतहं १३, गंधो १४, जमईयं १५, गाहा १६। सुयक्खंधसमुद्देसाणुण्णाए दिणमेगं । सधे दिणा २० । पढमसुयक्खंधो गाहासोलसगो नाम गओ । बीयसुयक्खंधे नंदीए उहिसिए तम्स सत्त महज्झयणाणि, एगसराणि, एगेगविगेण एगेगकालेण य वच्चंति । तेसिं नामाणि जहा-पुंडरीयं १, किरियाठाणं २, आहारपरिणा ३, पञ्चक्खाणकिरिया ४, अणगारं ५, अद्दइज्जं ६, नालंदा ७। सुयक्खंधसमुद्देसाणुण्णाए दिणमेगं । उद्देसगमाणमिणं -
सूयगडे सुयखंधा दोन्निउ पढमम्मि सोलसज्झयणा ।
चउ १, तिय २, चउ ३, दो ४, दो ५, एकारस ६, पढमसुयखंधस्स ॥१॥ सत्त इकसरा बीयसुयक्खंधस्स । अंगसमुद्देसे दिण १, अंगाणुण्णाए दिण १। सधे दिणा ३० ।
-सूयगडंगविही। ६४९. तइयं ठाणंगं नंदीए उद्दिसिज्जइ । तओ सुयक्खंधो, तओ पढमज्झयणं, एगसरं एगदिणेण एगकालेण वच्चइ । बीए उद्देसा ४, दिणा २। तइए उद्देसा ४, दिणा २। चउत्थे उद्देसा ४, दिणा २॥ पंचमे ॥ उद्देसा ३, दिणा २। सेसाणि पंचठणाणि एगसराणि पंचहिं दिणेहिं वचंति । एयउद्देसगमाणमिणं
पढमं एगसरं चिय? चउर चउ३ चउरो४ ति५पंच१० एगसरा ।
ठाणंगे सुयखंधो एगो दस होति अज्झयणा ॥१॥ तेसिं नामाणि जहा- एगठाणं दुठाणमिच्चाइ...जाव...दसठाणं ७। सुयक्खंधसमुद्देसाणुण्णाए दिणा २, अंगसमुद्देसाणुण्णाए दिणा २, सधे दिणा १८ ।- ठाणंगविही । ॥ ६५०. चउत्थं समवायंगं एगदिणे नंदीए उद्दिसिज्जइ, बीयदिणे समुद्दिसिज्जइ, तइयदिणे नंदीए अणुजाणिज्जइ । एवं तिहिं कालेहिं तिहिं आयंबिलेहिं वच्चइ । सुयक्खंधज्झयणुद्देसा इत्थ नत्थि ।
-समवायंगविही । ६५१. इत्थंतरे इमे जोगा-निसीहे एगमज्झयणं वीसं उद्देसगा एगेगदिणेण एगेगकालेण य दो दो वञ्चति । दसहिं दिवसेहिं एगंतरायामेहिं समप्पइ । इत्थ अज्झयमत्तेण नंदी नत्थि । अणागाढजोगो । 23 निसीहे दिणा १०॥
६५२. दसा-कप्प-यवहाराणं एगो सुयक्खंधो सो नंदीए उहिस्सइ । तत्थ दस दसाअझयणा एगसरा, दसहिं दिवसेहिं वच्चंति । तेसिं नामाणि जहा- असमाहिठाणाइं १, सबला २, आसायणाओ ३, गणिसंपया ४, अत्तसोही ५, उवासगपडिमा ६, भिक्खुपडिमा ७, पज्जोसवणाकप्पो ८, मोहणीयठाणाई ९, आयाइ ठाणं १० ति। कप्पज्झयणे उद्देसा ६, दिणा ३। ववहारज्झयणे उद्देसा १०, दिणा ५। एगदिणे * सुयक्खंधसमुद्देसो, बीयदिणे नंदीए सुयक्खंधाणुण्णा, सबे दिणा २०। केइ कप्प-ववहाराणं भिन्नं सुयक्खंधमिच्छंति । एवं च दिणा २२। तहा पंचकप्पो आयंबिलेण मंडलीए वहिज्जइ । जीयकप्पो निबीएणं ति । निसीह-वसा-कप-ववहारसुयक्खंघ-पंचकप्प-जीयकापविही ।