Vidhi Marg Prapa

Author(s): Vinaysagar
Publisher: Prakrit Bharti Academy

Page 170

१२२
देवपूजाविधि । पुणो नियवित्तिच्छेयं रक्खतो हाओ सविसेसं वत्थाभरणाइ सिंगारं काऊण पत्थियाइभायणट्टावियसुरहिधूवअखंडक्खयकुसुमचंदणफलाइपूयादवो महिड्डीए जिणिंदभवणे गच्छइ । तस्स सीहदुवारदेसे करचरण-मुहसोयं काउं सच्चित्तदवाईणि पुप्फ-तंबोल-हय-गयमाईणि अच्चित्तदवाणि य मउड-छुरिया-खग्ग-छत्तोवाणह-चामर-जंपाणाईणि मुत्तूण एगसाडियं उत्तरासंग काउं अग्गदुवारमझदेसेसु कमेण उदारसदं तिन्नि निसीहीओ उच्चरंतो जगगुरुणो आलोए चेव भालयलमिलियकरकमलमउलजुयलो 'नमो जिणाणं'ति भणिय जयसद्दमुहलो जिणभवणं पविसइ । एगसाडियं नाम असीवियमखंडियं च, एवं च एगं हिठिल्लवत्थं एगं च उवरिमवत्थं ति वत्थजुयलेण धोवत्तिया कीरइ । न उण पुबदेसिच्चयाणं पिव अट्ठ(द्धः). बयं ति रूढं एगमेव वत्थं उवरिं हिट्ठा य जिणभवणे हुज त्ति । न य कंचुयं विणा मंकुणयपाउयंगी वा साविया जिण-गुरुभवणेसु वच्चइ त्ति, अलं पसंगेण । तओ देवस्स दाहिणवाहाओ आरभ तिण्णि पया"हिणाओ देइ । पयाहिणं च दितो जया देवस्स अग्गे उवणमइ तया पणामं करेइ । एवं तिहि पणामे ' करेइ । तओ नाण-दंसण-चारित्तपूयाहेउं अक्खयमुट्ठितिगं सेढीए देवस्स पुरओ अक्खयपट्टाइसु फलसहियं मुंचइ । तओ कयमुहकोसो पुवत्तनिम्मल्लावणयणनिमज्जणाइविहिणा एगग्गमणो मंगलदीवयपजंतं पयं करेइ । नवरं जहासंभवं सबजिण बिंबाणं सम्मदिट्ठिदेवयाणं च करेइ । तओ उक्कोसेणं देवाओ सहिहत्थमित्ते जहण्णेणं नवहत्थमित्ते मज्झिमओ अंतराले उचियअवग्गहे ठाऊण तिक्खुत्तो वत्थाइ पमज्जिय Is भूमिभागे छउमत्थ-समोसरणत्थ-मुक्खत्थ-रूवावत्थातिगं भावितो जिणबिंबे निवेसियनयणमाणसो पए पएँ
सुत्तत्थसुद्धिपरायणो जहाजोगं मुद्दातियं पउंजतो उक्कोस-मज्झिम-जहण्णाहिं चीवंदणाहिं जहासंपत्ति देवे वंदइ । तासिं च विभागो इमो
नवकारेण जहण्णा दंडथुइजुयलमज्झिमा नेया।
उक्कोसा चीवंदण सक्कथयपंचनिम्माया ॥१॥ ४ तत्थ नवकारो सीसनमणमेत्तं पंचंगपणिवाओ वा । अहिगयजिणस्स गुणथुइरूव-सिलोगाइरूवौं
वा नमोक्कारो तेण जहण्णा चीवंदणा होइ । तहा दंडगो सक्कत्थयरूवो, थुई य थुत्तसरूवा एएण जुगलेण मज्झिमा चीवंदणा । अहवा - दंडगो 'अरिहंतचेइआणं करेमि काउस्सग्गं' इच्चाइ। तओ काउस्सग्गं अट्ठोस्सासं काउं पारिय एगा थुई दिज्जइ । पणिहाणगाहाओ य मुत्तासुत्तीए पढिजंति । इत्थमवि मज्झिमा हवइ । अहवा- इरियावहियं पडिकमिय वत्थंतेण भूमिं पमज्जिय तत्थ वामजाणुं अंचिय दाहिणजाणुं 21 धरणितले साहट्ट जोगमुद्दाए सिलोगाइरूवं नमोकारं पढिय, नमोत्थुणं इच्चाइ पणिवायदंडगं भणिय, पच्छाँ पमज्जिय उट्ठिय जिणमुदं विरइय 'अरहंतचेइआणं'ति ठवणारिहंतत्थयदंडगं पढिय, अट्ठोस्सासं काउस्सग्गं करिय, अरिहंतनमोक्कारेण पारिय, अहिगयजिणथुइं दाउं 'लोगस्सुजोयगरे' इच्चाइ नमोरिहंतत्थयदंडगं पढित्ता 'सबलोए अरहंतचेइआणं'ति दंडगं भणिय तहेव उस्सग्गे कए, पारिय सबजिणथुई दिजद । तओ 'पुक्खरवरदीवड्ढे' इच्चाइ सुयत्थवं पढित्ता 'सुयस्सभगवओ करेमि काउस्सग्गं वंदणवत्तीयाए' इच्चाइ * भणिय, तहेव उस्सग्गे कए पारिए य सिद्धतथुई दिज्जइ । 'तओ सिद्धाणं बुद्धाणं' इच्चाइ सिद्धत्यवं पढिऊणं 'वेयावच्चगराणं' इच्चाइ भणित्तु तहेव उस्सग्गे कए पारिए य सरस्सई-कोहंडिमाइवेयावच्चगराणं थुई दिजइ । इत्थ पढम-चउत्थथुइओ 'नमोऽर्हत्सिद्धा०' इच्चाइ भणिऊणं दिजंति, इत्थीओ य एयं न भणंति । तओ जाणूहि ठाउं जोडियहत्थो सक्कत्थयं दंडगं भणित्तु, पंचंगपणिवाए कए 'जावंति चेइआई' इञ्चाइ गाहं पढित्ता, खमासमणं दाउं 'जावंत के वि साहू' इच्चाइ गाहं भणिय, 'नमोऽर्हत्सिद्धा' इच्चाइ पढिय, जोग15 मुद्दाए महाकविविरइयं गंभीरत्थं अट्ठसहस्सलक्खणोववन्नसरीरपरीसहोवसग्गसहणाइकिरियाइगुणवण्णणा