Vidhi Marg Prapa

Author(s): Vinaysagar
Publisher: Prakrit Bharti Academy

Page 178

१३०
श्रीजिनप्रभसूरिकृताः स्तुतयः श्रीजिनप्रभसूरिकृतं तीर्थयात्रास्तोत्रम् ।
सिरिसत्तुंजयतित्थे रिसइजिणं पणिवयामि भत्तीए । उजिंतसेलसिहरे जायवकुलमंडलं (०णं) नेमिं ॥१॥ सेरीसयपुरतिलयं पासजिणमणेयबिंबपरियरियं । फलवद्धी-संखेसर-थंभणयपुरेसु तह वंदे ॥२॥ पाडलनयरे नेमि नमिमो तारणगिरिंमि अजियजिणं । भरुयच्छे मुणिसुषयजिणेसरं सवलियविहारे ॥३॥ जीवंतसामिपडिमं वायडनयरंमि सुबयजिणस्स । चंदप्पहसामि तह हरपट्टणभूसणं थुणिमो ॥ ४ ॥ अहिपुर-जालउरेसु पल्हणपुर-भीमपल्लि-सिरिमाले । अणहिलपुर-सिरिखिजे आसावल्ली य धवलके ॥ ५॥ धंधुक्कय-खंभाइत्त जिंन (जिन) दुग्गाइसुं च ठानेसु । सव्वेसु जिणवराणं पडिमाओ पणिवयामि सया ॥ ६ ॥ तेरहसय छावत्तर विक्कमसंवच्छरंमि जिट्ठस्स । बहुलाइ तेरसीए नमिओ सित्तुजतित्थपहू ॥७॥ जिट्ठस्स पुंनिमाए नमंसिओ रेवयंमि जिणे । सिरिदेवरा[य] संघाहिवस्स संघेण विहिपुव्वं ॥ ८॥ सिरिजिणपहुसरीहिं रइयमिणं जे पढंति संथवणं । पावंति तित्थजत्ताकरणफलं ते विमलपुन्ना ॥९॥
॥ इति तीर्थयात्रास्तोत्रं समाप्तं ॥ छ ॥ .