Vidhi Marg Prapa

Author(s): Vinaysagar
Publisher: Prakrit Bharti Academy

Page 111

कप्पतिप्पविधि ।
गुरुणा सज्झाए उक्खिविए मुहपोत्ति पडिलेहिय, दुवालसावत्तवंदणं दाउं, खमासमणेण भणंति-सज्झायं उक्खिवामो, बीयखमासमणेण सज्झायउक्खिवणत्थं काउस्सग्गं करेमो' । तओ अन्नत्थूससिएणमिचाइ पढिय, नवकारं चउवीसत्थयं चिंतिय, मुहेण तं भणिय, काउस्सग्गतियं कुणंति । पढमं असज्झाइय-अणाउत्तओहडावणियं, बीयं खुद्दोवद्दवओहडावणियं, तइयं सक्काइवेयावच्चगरआराहणत्थं । तिसु वि चउ उज्जोयचिंतणं, उज्जोयभणणं च । तओ खमासमणदुगेण सज्झायं संदिसावेमि, सज्झायं करेमि ति भणिय, जाणुट्ठिएहिं पंचमंगलपुवं 'धम्मो मंगलाइ' अज्झयणतियसज्झाओ कीरइ ति ।।
६६६. सज्झायउक्खिवणविही- जया य चित्तासोयसुद्धपक्खे सज्झाओ निक्खिविज्जइ, तया दुवालसावत्तवंदणं दाउं सज्झायनिक्खिवणत्थं अट्ठस्सासं काउस्सग्गं काउं पारित्ता, मंगलपाढो कायवो ति । राओ' सन्नाए कयाए वमणे सित्थ-रुहिराइनिस्सरणे य पभाए कप्पो उत्तारिजइ । बाहिरभूमीए आगया पिंडियाओ पाए य तिप्पंति । जत्थ पाया मंडोवगरणं वा तिप्पिज्जइ सा भूमी अणाउत्ता होइ । सा य आउ- ॥ तजलउल्लियग्गदंडपुंछणेण सिद्धीए तिप्पिज्जइ । तं च दंडपुंछणं अणाउत्तट्ठाणे नेऊण तिप्पिज्जइ । अणाउत्तट्ठाणं नाम नीसरंताणं वामबाहाए दुवारपासे भूमिखंडलं इट्टिगाइपरिहिजुत्तं अणाउत्तडं ति रूढं । उच्चारे वोसिरिए वामकरेण तिहिं नावापूरेहिं आयमिय, आउत्तेण दाहिणहत्थेण दवं मत्थए छोण कोप्परेण वा दवं चित्तूणं अहिट्ठाणलिंगेसु जंघासु कलाइयासु चउरो चउरो तिप्पाओ घेप्पंति । पुरीसपवित्तीए जायाए जइ मुहे अणाउत्तो हत्थो लग्गइ तया कप्पुत्तारणेण सुज्झइ । तहा जइ आयामंतस्स तिप्पणयं दोरओ वा ॥ वामहत्थे पाए वा लग्गइ तया अणाउत्ती हवइ । दवं उज्झित्ता दोरयं मझे खिवित्ता तं भायणं तिप्पिज्जह । बाहिं कंटयाइंमि भग्गे जेण हत्थेण तं उद्धरेइ सो हत्थो तिप्पियवो । जइ दंडओ हड्डे लग्गइ तया तिप्पियो । जेण अंगेण उवंगेण वा अणाउत्तं भंडोवगरणं साहं वा छिवइ, जंमि य रुहिरं नीहरइ तं अणाउत्तं होइ । कजयं भंडाइसु पाणियं तिप्पणयाइ कंठट्ठियं दोरयं च राओ जइ वीसरइ सबमणाउत्तं होइ । जाणतेण विहाराइकारणे तुंबयकंठदिन्नं दोरयमणाउत्तं न होइ। गुड-घय-तिल्ल-खीराई भोयणवइरित्तकज्जे ॥ आणीयमवस्सं तिप्पित्तु वावरिजइ । नालिएराइसु घसणत्थं तिल्लं निक्खित्तं परिवसियं अणाउत्तं होइ, जइ लवणं मज्झे न निक्खिप्पइ । भुत्तूण उठ्ठिएहिं दसाइणा कप्पवाणियं घेत्तुं पढमं एगं हत्थं मत्थए, एगं च मुहे काउं चउरो तिप्पाओ घेप्पन्ति । जइ पुण कारणजाए मुहसुद्धिमाइ मुहे चिट्ठइ, तया पढमं मत्थयं तिप्पित्ता, तओ मुहं पुढो तिप्पियत्वं । तओ मत्थए आउत्तदवं छोढुं कण्ण-खंध-पैगंड-कोप्पर-पउट्ठ-हियएसु चत्वारि चत्वारि तिप्पाओ। तओ पिट्ट-पुट्टीओ समगं तिप्पित्ता चोलपट्टय-ऊरु-जाणु-पिडिया-पाएसु चउरो 2 चउरो तिप्पाओ। तओ भायणाई बइसणं च तिप्पिडं निउत्तो साहू ओमरायणिओ वा मंडलिं गिहिय, तक-तीमणाइखरडियं च भूमि जलेण सोहिय, दंडउंछणं पमज्जणिं वा जेण मंडली गहिया तं मंडलीए तिप्पिय, तेणेव आउत्तजलउल्लियग्गेण मंडलीठाणं बाहिं नीसरंतेणं तिप्पियदेसं अच्छिवंतेणं अविच्छिन्नं तिप्पियवं । तं च दरतिप्पियं जइ केणवि अणाउत्तेहिं पाएहिं अक्तं पुणो अणाउत्तं होइ, तओ दंडाउंछणं उद्धरणियाए उवरि तिप्पित्ता मंडलिं परिठ्ठाविय उद्धरणियं अणाउत्तट्ठाणे तिप्पिय खीलए धारितु अन्मु-॥ क्खणं निक्खिविजइ । जो य सेहो गिलाणो सामायारी अकुसलो वा सो दंडाउंछणेण तिप्पिज्जह । अववारण राओ विहारत्यं नगराईहिंतो नीसरंताणं जइ पाएसु तलियाओ तो अणाउत्ता न होंति पाया, अन्नहा होति । दिया वा राओ वा अणाउत्ते हत्थपायाई अंगे जइ पयलाइ तो कप्पुत्तारणेण सुज्झइ । भुजंतस्स
1 'रात्रौ' इति B टिप्पणी । 2 A पाणयं। 3 'कूर्परस्कन्धयोर्मध्ये प्रगंडः। 4 भुजामध्यं कर्परः । 5 आमणिबन्धातू कूपरस्याधः प्रकोष्टः कलाचिका स्यात् ।' इति टिप्पणी A आदर्श ।