Book Title: Suyagadam Part 01 Author(s): P L Vaidya Publisher: Motilal ShethPage 44
________________ [1. 7. 1 सूयगडम्मि कुसीलपरिभासियज्झयणे सत्तमे 1. 7. पुढवी य आऊ अगणी य वाऊ तण रुक्ख बीया य तसा य पाणा.। जे अण्डया जे य जराउ पाणा संसेयया जे रसयाभिहाणा ॥१॥ एयाइँ कायाइँ पवेड्याई एएसु जाणे पडिलेह सायं । एएण कारण य आयदण्डे एएसु या विप्परियासुवेन्ति ॥२॥ जाईपहं अणुपरिवट्टमाणे तसथावरेहिं विणिघायमेइ । से जाइ जाई बहुकूरकम्मे जं कुबई भिजइ तेण वाले ॥ ३ ॥ अस्सि च लोए अदु वा परत्था सयग्गसो वा तह अन्नहा वा । संसारमावन परं परं ते बन्धन्ति वेयन्ति य दुन्नियाणि ॥ ४ ॥ जे मायरं वा पियरं च हिचा समणबए अगणि समारभिजा । अहाहु से लोएँ कुसीलधम्मे भूयाइँ जे हिंसइ आयसाए ॥ ५ ॥ उजालओ पाण निवायएजा निव्वावओ अगणि निवायवेजा । तम्हा उ मेहावि समिक्ख धम्मं न पण्डिए अगणि समारभिजा ॥ ६॥ पुढवी वि जीवा आऊ वि जीवा पाणा य संपाइम संपयन्ति । संसेयया कहसमस्सिया य एए दहे अगणि समारभन्ते ॥ ७ ॥ हरियाणि भूयाणि विलम्बगाणि आहार देहा य पुढो सियाइ । जे छिन्दई आयसुहं पडुच्च पागब्भि पाणे बहुणं तिवाई ॥ ८॥ जाइं च बुद्धिं च विणासयन्ते बीयाइ अस्संजय आयदण्डे । अहाहु से लोएँ अणजधम्मे बीयाइ से हिंसइ आयसाए ॥ ९ ॥ गब्भाइ मिजन्ति बुयाबुयाणा नरा परे पञ्चसिहा कुमारा । जुवाणगा मज्झिम थेरगा य चयन्ति ते आउखए पलीणा ॥ १० ॥Page Navigation
1 ... 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158
