Book Title: Suyagadam Part 01 Author(s): P L Vaidya Publisher: Motilal ShethPage 60
________________ . सूयगडम्मि [1. 12. 18डहरे य पाणे वुड्ढे य पाणे ते अत्तओ पासइ सव्वलोए । उब्वेहई लोगमिणं महन्तं बुद्धेपमत्तेसु परिव्वएजा ॥ १८ ॥ जे आयओ परओ वा वि नच्चा अलमप्पणो होन्ति अलं परेसिं । तं जोइभूयं च सयावसेजा जे पाउकुजा अणुवीइ धम्मं ॥१९॥ अत्ताण जो जाणइ जो य लोगं गई च जो जाणइ नागई च । जो सासयं जाण असासयं च जाइं च मरणं च जणोववायं ॥ २० ॥ अहो वि सत्ताण विउट्टणं च जो आसवं जाणइ संवरं च । दुक्खं च जो जाणइ निजरं च सो भासिउमरिहइ किरियवायं ॥ २१ ॥ सद्देसु रूवेसु असजमाणे गन्धेसु रसेसु अदुस्समाणे । नो जीवियं नो मरणाहिकंखी आयाणगुत्ते वलया विमुक्के ॥ २२ ॥ त्ति बेमि ॥ समोसरणज्झयणं बारहम आहत्तहीयज्झयणे तेरहमे 1. 13. आहत्तहीयं तु पवेयइस्सं नाणप्पकारं पुरिसस्स जायं ।। सओ य धम्मं असओ असील सन्तिं असन्ति करिस्सामि पाउं ॥ १ ॥ अहो य राओ यू समुट्ठिएहिं तहागएहिं पडिलभ धम्म । समाहिमाघायमजोसयन्ता सत्थारमेव करुसं वयन्ति ॥ २॥ विसोहियं ते अणुकाहयन्ते जे आयभावेण वियागरेज्जा । अट्टाणिए होइ बहुगुणाण जे नाणसंकाइ मुसं वएजा ॥ ३ ॥ जे यावि पुट्टा पलिउञ्चयन्ति आयाणमहं खलु वञ्चइत्ता । असाहुणो ते इह साहुमाणी मायणि एस्सन्तिं अणन्तघायं ॥४॥Page Navigation
1 ... 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158
