Suyagadam Part 01

Author(s): P L Vaidya
Publisher: Motilal Sheth

Page 115

2. 3. 19. 6. ] आहारपरिन्नज्झयणे
१०९ ते जीवा तेसिं उदगजोणियाणं उदगाणं सिणेहमाहारेन्ति । ते जीवा आहारेन्ति पुढविसरीरं जाव सन्तं । अवरे वि य णं तेसिं उदगजोणियाणं उदगाणं सरीरा नागावण्णा जाव मक्खायं । अहावरं पुरक्खायं इहेगइया सत्ता उदगजोणियाणं जाव कम्मनियाणेणं तत्थवुकमा उदगजोणिएमु उदएसु तसपाणत्ताए विउट्टन्ति । ते जीवा तेसिं उदगजोणियाणं उदगाणं सिणेहमाहरेन्ति । ते जीवा आहारोन्त पुढविसरीरं जाव सन्तं । अवरे वि णं तेसिं उदगजोणियाणं तसपाणाणं सरीरा नाणावण्णा जाव मक्खायं ॥१७॥
अहावरं पुरक्खायं इहेगइया सत्ता नाणाविहजोणिया जाव कम्मनियाणेणं तत्थवुकमा नाणाविहाणं तसथावराणं पाणाणं सरीरेसु सचितेसु वा अचित्तेसु वा अगणिकायत्ताए विउट्टन्ति । ते जीवा तेसिं नाणाविहाणं तसथावराणं पाणाणं सिणेहमाहारेन्ति । ते जीवा आहारेन्ति पुढविसरीरं जाव लन्तं । अवरे वि य णं तेसिं तसथावरजाणियाणं अगणी सरीरा नाणावण्णा जावमक्खायं । सेसा तिण्णि आलावगा जहा उदगाणं । अहावरं पुरक्खायं इहेगड्या सत्ता नाणाविहजोणियागं जाव कम्मनियाणेणं तत्थवुकमा नागाविहाणं तसथावराणं पाणाणं सरीरेसु सचित्तेसु वा अचित्तेसुं वा वाउकायत्ताए विउदृन्ति । जहा अगणीणं तहा भाणियव्वा चत्तारि गमा ॥ १८ ॥
अहावरं पुरक्खायं इहेगड्या सत्ता नाणाविहजोणिया जाव कम्मनियाणेणं तत्थवुकमा नाणाविहाणं तसथावराणं पाणाणं सरीरेसु सचितेमु वा अचित्तेसु वा पुढवित्ताए सकारत्ताए बालुयत्ताए । इमाओ गाहाओ अणुगन्तव्वाआ--
पुढवी य सकरा वालुया य उवले सिला य लोगूसे । अथ तउय तन्ध सीसग रुप्प सुवणे य वइरे य ॥१॥