________________
सूयगडम्मि
[2. 5. .. एएहिं दोहि ठाणेहिं ववहारो न विजई । .. एएहिं दोहि ठाणेहिं अणायारं तु जाणए ॥९॥ , जमिदं ओरालमाहारं कम्मगं च तहेव य ।
सव्वत्थ वीरियं अत्थि नत्थि सव्वत्थ वीरियं ॥ १० ॥ एएहिं दोहि ठाणेहिं ववहारो न विजई । एएहिं दोहि ठाणेहिं अणायारं तु जाणए ॥ ११ ॥ नत्थि लोए अलोए वा नेवं सन्नं निवेसए ॥ अस्थि लोए अलोए वा एवं सन्नं निवेसए ॥ १२ ॥ नत्थि जीवा अजीवा वा नेवं सन्नं निवेसए । अस्थि जीवा अजीवा वा एवं सन्नं निवेसए ॥ १३ ॥ नत्थि धम्मे अधम्मे वा नेवं सन्नं निवेसए । अत्थि धम्मे अधम्मे वा एवं सन्नं निवेसए ॥१४॥ नत्थि बन्धे व मोक्खे वा नेवं सन्नं निवेसए । अस्थि बन्धे व मोक्खे वा एवं सन्नं निवेसए ॥ १५ ॥ नत्थि पुण्णे व पावे वा नेवं सन्नं निवेसए । अत्थि पुण्णे व पावे वा एवं सन्नं निवेसए ॥ १६ ॥ नत्थि आसवे संवरे वा नेवं सन्नं निवेसए । अत्थि आसवे संवरे वा एवं सन्नं निवेसए ॥ १७॥ नत्थि वेयणा निजरा वा नेवं सन्नं निवेसए । अत्थि वेयणा निजरा वा एवं सन्नं निवेसए ॥ १८ ॥ नत्थि किरिया अकिरिया वा नेवं सन्नं निवेसए । अस्थि किरिया अकिरिया वा एवं सन्नं निवेसए ॥ १९ ॥ नत्थि कोहे व माणे वा नेवं सन्नं निवेसए । अस्थि कोहे व माणे वा एवं सन्नं निवेसए ॥ २० ॥ नत्थि माया व लोभे वा नेवं सन्नं निवेसए। अस्थि माया व लोभे वा एवं सन्नं निवेसए ॥२१॥
