Suyagadam Part 01

Author(s): P L Vaidya
Publisher: Motilal Sheth

Page 134

१२८
सूयगडम्मि [2. 7. 11. 47अस्समणेणं साद्धं नो कप्पन्ति समणाणं निगन्थाणं संभुञ्जित्तए । से एवमायाणह ? नियण्ठा से एवमायाणियन्वं ॥ ११ ॥
भगवं च णं उदाहु सन्तेगइया समणोवासगा भवन्ति । तेसिं च णं एवं वुत्तपुव्वं भवइ-नो खलु वयं संचाएमो मुण्डा भवित्ता अगाराओ अणगारियं पव्वइत्तए । वयं णं चाउद्दसमुदिट्टपुण्णिमासिणीसु पडिपुण्णं पोसहं सम्मं अणुपालेमाणा विहरिस्सामो । थूलगं पाणाइवायं पञ्चक्खाइस्सामो, एवं थूलगं मुसावायं थूलगं अदिन्नादाणं थूलगं मेहुणं थूलगं परिग्गहं पचक्खाइस्सामो । इच्छापरिमाणं करिस्सामो, दुविहं तिविहेणं । मा खलु ममहाए किंचि करेह वा करावेह वा तत्थ वि पञ्चक्खाइस्सामो। ते णं अभोच्चा अपिचा असिणाइत्ता आसन्दीपेढियाओ पञ्चारुहिता, ते तहा कालगया कि वत्तव्वं सिया-सम्मं कालगय ति ? वत्तव्वं सिया । ते पाणा वि बुचन्ति ते तसा वि वुच्चन्ति ते महाकाया ते चिराहिइया । ते बहुयरगा पाणा जेहिं समणोवासगस्स सुपञ्चक्खायं भवइ । ते अप्पयरगा पाणा जेहिं समणोवासगस्स अपच्चक्खायं भवइ । इति से महयाओ जं गं तुब्भे वयह तं चेव जाव अयं पि भेदे से नो नेयाउए भवइ । भगवं च णं उदाहु सन्तेगइया समणोवासगा भवन्ति । तसिं च णं एवं वृत्तपुव्वं भवइ-नो खलु वयं संचाएमो मुण्डा भवित्ता अगाराओ जाव पव्वइत्तए । नो खलु वयं संचाएमो चाउद्दसहमुदिठपुण्णमासिणीसु जाव अणुपालपाणे विहारत्तए । वयं णं अपच्छिममामरणन्तियं संलेहणाजूसणाजूसिया भत्तपाणं पडियाइक्खिया जाव कालं अणवकंखमाणा विहारस्सामो । सव्वं पाणाइवायं पचक्खाइस्सामो जाव सव्वं परिग्गहं पञ्चक्खाइस्लामो तिविहं तिविहणं मा खलु ममट्ठाए किंचि वि जाव आसन्दीपेढियाओ पचोरुहिता एए तहा कालगया, किं वत्तव्यं सिया सम्मं कालगय त्ति ? वत्तव्वं सिया । ते पाणा वि वुच्चन्ति जाव अयं पि भेदे से नो नेयाउए भवइ ॥ भगवं च णं उदाहु सन्तेगडया मणुस्सा भवन्ति । तं जहा-महइच्छा महारम्भा महापरिग्गहा