Suyagadam Part 01

Author(s): P L Vaidya
Publisher: Motilal Sheth

Page 135

१२९
2. 7. 12. 50.] नालन्दइजज्झयणे णं उदाहु सन्तेगइया मणुस्सा भवन्ति । तं जहा-अणारम्भा अपरिग्गहां धम्मिया धम्माणुया जाव सबाओ परिग्गहाओ पडिविरया जावजीवाए, जेहिं समणोवासगस्स आयाणसो आमरणन्ताए दण्डे निक्खित्ते, ते तओं आउगं विप्पजहन्ति, ते तओ भुजो सगमायाए सोग्गइगामिणो भवन्ति । ते पाणा वि वुचन्ति जाव नो नेयाउए भवइ । भगवं च णं उदाहु सन्ते गइया मणुस्सा भवन्ति । तं जहा-अप्पिच्छा अप्पारम्भा अप्पपरिग्गहा धम्मिया धम्माणुया जाव एगचाओ परिग्गहाओ अप्पडिविरया, जेहि समणोवासगस्स आयाणसो आमरणन्ताए · दण्डे निक्खित्ते । ते तओ आउगं विप्पजहन्ति, तओ भुजो सगमादाए सोग्गइगामिणो भवन्ति । ते पाणा वि वुचन्ति जाव नो नेयाउए भवइ । भगवं च णं उदाहु सन्तेगइया मणुस्सा भवन्ति । तं जहा-आरणिया आवसहिया गामणियन्तिया कण्हुईरहस्सिया, जेहिं समणोवासगस्स आयाणसो आमरणन्ताए दण्डे निक्खित्ते भवइ । नो बहुसंजया नो बहुपडिविरया पाणभूयजीवसत्तेहिं । अप्पणा सच्चामोसाई एवं विप्पडिवेदेन्ति-अहं. न हन्तव्यो अन्ने हन्तव्या जाव कालमासे कालं किच्चा अन्नयराइं आसुरियाई किव्विसियाइं जाव उववत्तारो भवन्ति, तओ विप्पमुच्चमाणा भुजो एलमुयत्ताए तमोरूवत्ताए पञ्चायन्ति । ते पाणा वि वुच्चन्ति जाव नों नेयाउए भवइ । भगवं च णं उदाहु सन्तेगइया पाणा दीहाउया जेहिं समणोवासगस्स आयाणसो आमरणन्ताए जाव दण्डे निक्खित्ते भवइ । ते पुवामेव कालं करेन्ति करित्ता पारलोइयत्ताए पञ्चायन्ति । ते पाणा वि बुच्चन्ति, ते तसा वि वुचन्ति । ते महाकाया ते चिरहिइया ते दीहाउया ते बहुयरगा, जेहिं समणोवासगस्स सुपञ्चक्खायं भवइ, जाव नो नेयाउए भवइ । भगवं च णं उदाहु सन्तेगइया पाणा समाउया, जेहिं समणोवासगस आयागसो आमरणन्ताए जाव दण्डे निक्खित्ते भवइ । ते सयमेव कालं करोन्त, करित्ता पारलोइयत्ताए पञ्चायन्ति । ते पाणा वि वुच्चान्त, तसा वि बुच्चन्ति, ते
सूयगडं...९