Suyagadam Part 01

Author(s): P L Vaidya
Publisher: Motilal Sheth

Page 141

श्रीभद्रबाहुविरचिता सूत्रकृताङ्गनियुक्तिः
Introduction:-1-32.
तित्थयरे य जिणवरे सुत्तकरे गणहरे य णमिऊणं । सूयगडस्स भगवओ णिज्जुत्तिं कित्तइस्सामि ॥ १॥ सूयगडं अङ्गाणं बिइयं तस्स य इमाणि नामाणि । सूतगडं सुत्तकडं सूयगडं चेव गोण्णाई ॥२॥ दव्वं तु पोण्डयादी भावे सुत्तमिह सूयगं नाणं । सन्नासंगहवित्ते जाइणिबद्धे य कत्थाइ ॥३॥ करणं च कारओ य कडं च तिण्हं पि छकनिक्खेवो । दब्वे खेत्ते काले भावेण उ कारओ जीवो ॥ ४ ॥ दव्वं पओगवीसस पओगसा मूल उत्तरे चेव । उत्तरकरणं वञ्जण अत्यो उ उवक्खरो सव्वो ॥ ५॥ मूलकरणं सरीराणि पञ्च तिसु कण्णखन्धमाईयं । दग्विन्दियाणि परिणामियाणि विसओसहाईहिं ॥ ६ ॥ संघायणे य परिसाडणा य मीसे तहेव पडिसेहो । पडसंखसगडथूणाउड्डतिरिच्छादिकरणं च ॥७॥ खन्धेसु दुप्पएसादिएसु अब्भेसु विजुमाईसु । णिफण्णगाणि दव्वाणि जाण तं वीससाकरणं ॥ ८॥
ण विणा आगासणं कीरइ जं किं चि खेत्तमागास । वञ्जणपरियावण्णं उच्छुकरणमाइयं बहुहा ॥९॥