Book Title: Suyagadam Part 01 Author(s): P L Vaidya Publisher: Motilal ShethPage 89
________________ 2. 2. 8.5.] किरियाठाणज्झयणे तणगं कुमुदुगं वीहोऊसियं कलेसुयं तणं छिन्दिस्सामि त्ति कटु सालिं वा वीहिं वा कोदवं वा कंगुं वा परगंवा रालयं वा छिन्दित्ता भवइ । इति खलु से अन्नस्स अट्टाए अन्नं फुसइ अकम्हादण्डे । एवं खलु तस्स तप्पत्तियं सावजं :आहिजइ । चउत्थे दण्डसमादाणे अकम्हादण्डवत्तिए आहिए ॥५॥ अहावरे पञ्चमे दण्डसमादाणे दिडिविपरियासियादण्डवत्तिए त्ति आहिजइ । से जहानामए केइ पुरिसे माईहिं. वा पिईहिं वा भाईहिं वा भगिणीहिं वा भजाहिं वा पुत्तेहिं वा धूयाहिं वा सुण्हाहिं वा सद्धिं संवसमागे भित्तं अमित्तमेव मन्नमाणे मित्ते हयपुव्वे भवइ दिडिविपरियासियादण्डे । से जहानामए-केइ पुरिसे गामघायांस वा नगरपायसि वा खेडघायांस कब्बडधायंसि मडंबधायसि वा दोणमुहघायांस वा पट्टणघायसि वा आसमघायंसि वा संनिवेसवायसि वा निग्गमघायसि वा रायहाणिघायंसि वा अतेणं तेणमिति मन्नमाणे अतेणे हयपुवे भवइ दिद्विविपरियासियादण्डे । एवं खलु तस्स तप्पत्तियं सावजं ति आहिजइ । पञ्चमे दण्डसमादाणे दिडिविपरियासियादण्डवत्तिए त्ति आहिए॥६॥ __ अहावरे छट्टे किरियहाणे मोसावत्तिए ति आहिजइ । से जहानामए केइ पुरिसे आयहेउं वा नाइहेउं वा अगारहेउं वा परिवारहेडं वा सयमेव मुसं वयइ मुसं वयन्तं पि अन्नं समणुजाणइ, एवं खलु तस्स तप्पत्तियं सावजं ति आहिजइ । छठे किरियहाणे मोसावत्तिए त्ति आहिए ॥ ७॥ __ अहावरे सत्तमे किरियहाणे अदिन्नादाणवत्तिए त्ति आहिजइ । से जहानामए-केइ पुरिसे आयहउँ वा जाव परिवारहेडं वा सयमेव अदिन्नं आदियइ अन्नेणं वि अदिन्नं आदियावेइ अदिन्नं आदियन्तं अन्न समणुजाणइ, एवं खलु तस्स तप्पत्तियं सावजं ति आहिजइ । सत्तमे किरियहाणे अदिन्नादागवत्तिए ति आहिए ॥ ८॥Page Navigation
1 ... 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158
