Suyagadam Part 01

Author(s): P L Vaidya
Publisher: Motilal Sheth

Page 97

2. :). 18. ).] किरियाठाणज्झयणे अहयवत्थपरिहिए चादणोविखत्तगायसरीरे महइमहालियाए कूडागारसालाए महइमहालयंमि सीहासणसि इत्थीगुम्मसंपरिकडे सब्बराइएणं जोइणा झियायमाणेणं महयाहयनदृगीयवाइयतन्तीतलतालतुडियघणमुइंगपडप्पवाइयरवेणं उरालाई माणुस्सगाई भोगभोगाई भुञ्जमाणे विहरइ । तस्स णं एगमवि आणवेमाणरस जाव चत्तारि पञ्च जणा अवुत्ता चेव अब्भुट्टन्ति । भणह देवाणुप्पिया कि करेमो ? किं आहरेमो ? किं उवणेमो ? किं आचिट्ठामो ? किं भे हियं इच्छियं ? किं भे आसगस्स सयइ ? तमेव पासित्ता अणारिया एवं वयन्ति–देवे खलु अयं पुरिसे, देवसिणाए खलु अयं पुरिसे, देवजीवणिजे खलु अयं पुरिसे, अन्ने वि य णं उवजीवन्ति । तमेव पासित्ता आरिया वयन्ति-अभिकन्तकूरकम्मे खलु अयं पुरिसे अइधुए अझ्यायरक्खे दाहिणगामिए नेरइए कण्हपक्खिए आगमिस्साणं दुल्लहबोहियाए यावि भविस्सइ । इच्चेयस्सा ठाणस्स उडिया वेगे अभिगिज्झन्ति अणुट्ठिया वेगे अभिगिज्झन्ति अभिझंझाउरो अभिगिज्झन्ति । एस ठाणे अणारिए अकेवले अप्पडिपुण्णे अणेयाउए असंसुद्धे असल्लगत्तणे आसद्धिमग्गे अमुत्तिमग्गे अनिव्वाणमग्गे अनिजाणमग्गे असव्वदुक्खपहीणमग्गे एगन्तमिच्छे. असाहु । एस खलु पढमस्स ठाणस्स अधम्मपक्खस्स विभङ्गे एवमाहिए ॥ १७ ॥
अहावरे दोच्चस्स ठाणस्स धम्मपवखस्स विभङ्गे एवमाहिजइ । इह खलु पाईणं वा पडीणं वा उदीणं वा दाहिणं वा सन्तेगइया मणुस्सा भवन्ति । तं जहा-आरिया वेगे अणारिया वेगे उच्चागोया वेगे नीयागोया वेगे कायमन्ता वेगे हस्समन्ता वेगे सुवण्णा वेगे दुवण्णा वेगे सुरूवा वेगे दुरूवा वेगे । तेसिं च णं खेत्तवत्थूणि परिग्गहियाई भवन्ति, एसो आलावगो जहा पोण्डरीए तहा नेयव्यो, तेणेव अभिलावेण जाव सव्योवसन्ता सव्वत्ताए परिनिब्बुडे त्ति बेमि ।। एस ठाणे आरिए केवले जाव सव्वदुवखप्पहीणमग्गे एगन्तसम्मे साहु । दोच्चस्स ठाणस्स धम्मपक्खस्स विभङ्गे एवमाहिए ॥ १८ ॥