Book Title: Suyagadam Part 01 Author(s): P L Vaidya Publisher: Motilal ShethPage 42
________________ ३६ सूयगडम्मि [1.6.8से पन्नया अक्खयसागरे वा मदोदही वा वि अणन्तपारे । अणाविले वा अकसाइ मुक्के सके व देवाहिवई जुईमं ॥ ८ ॥ से वीरिएणं पडिपुण्णवीरिए सुदंसणे वा नगसव्वसेटे। सुरालए वा सि मुदागरे से विरायए नेगगुणोववेए ॥ ९ ॥ सयं सहस्साण उ जोयणाणं तिकण्डगे पण्डगवेजयन्ते । से जोयणे नवनवते सहस्से उद्भुस्सियो हेतु सहस्समेगं ॥ १०॥ पुढे नभे चिढइ भूमिवहिए जं सूरिया अणुपरिवट्टयन्ति । से हेमवण्णे बहुनन्दणे य जंसी रई वेययई महिन्दा ॥ ११ ॥ से पव्वए सद्दमहप्पगासे विरायई कञ्चणमढवण्णे । अणुत्तरे गिरिसु य पव्वदुग्गे गिरीवरे से जलिए व भोमे ॥१२॥ महीइ मज्झम्मि ठिए नगिन्दे पन्नायए सूरियसुद्धलेसे । एवं सिरीए उ स भूरिवण्णे मणोरमे जोयइ अचिमाली ॥१३॥ सुदंसणस्सेव जसो गिरिस्स पवुच्चई महओ पव्वयस्स । एओवमे समणे नायपुत्ते जाईजसोदसणनाणसीले ॥ १४ ॥ गिरीवरे वा निसहाययाणं रुयए व सेहे वलयाययाणं । तओवमे से जगभूइपन्ने मुणीण मझे तमुदाहु पन्ने ॥ १५ ॥ अणुत्तरं धम्ममुदीरइत्ता अणुत्तरं झाणवरं झियाइ । सुसुक्कसुकं अपगण्डसुकं संखिन्दुएगन्तवदायसुकं ॥ १६ ॥ अणुत्तरग्गं परमं महेसी असेसकम्मं स विसोहइत्ता । सिद्धिं गए साइमणन्तपत्ते नाणेण सीलेण य दंसणेण ॥ १७ ॥ रुक्खेसु नाए जह सामली वा जस्सिं रई वेययई सुवण्णा । वणेसु वा नन्दणमाहु सेई नाणेण सीलेण य भूइपन्ने ॥ १८॥ थणियं व सद्दाण अणुत्तरे उ चन्दो व ताराण महागुभावे । गन्धेसु वा चन्दणमाहु सेहँ एवं मुणीणं अपडिनमाहु ॥१९॥Page Navigation
1 ... 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158
