________________
૪૬
શ્રાવકજીવન
મહારાજશ્રી: આ શ્રાવકોનાં જીવનચરિત્રો સાંભળવાથી અનેક ભવ્ય પ્રેરણાઓ પ્રાપ્ત થશે. શ્રમણ ભગવાન મહાવીરનો ધર્મ-ઉપદેશ સાંભળીને તેમનામાં ધર્મપુરુષાર્થ કરવાની અભિલાષા ઉત્પન્ન થઈ હતી. ગૃહસ્થ ધર્મનું ઉત્કૃષ્ટ પાલન કરવાનું તેમનું સામર્થ્ય જોઈને ભગવાને તેમને બાર વ્રતો આપ્યાં હતાં. મિથ્યાદ્રષ્ટિ દેવોએ તેમની ઉપર ઉપસર્ગો કર્યા હતા. છતાં પણ તેઓ વતભ્રષ્ટ થયા ન હતા. દ્રઢ મનોબળથી તેઓ પોતાના વ્રતધર્મમાં વળગી રહ્યા હતા. આ વિષયમાં હું આજે "કામદેવ”નું ચરિત્ર સંભળાવું છું. મહાન શ્રાવક કામદેવ ઃ
મગધ દેશમાં ચંપા નામે નગરી હતી. એ નગરીમાં કામદેવ નામનો એક ધનાઢ્ય શ્રેષ્ઠી રહેતો હતો. તે નગરનો ખૂબ વિશ્વાસુ માણસ હતો. અનેક મહત્ત્વપૂર્ણ મંત્રણાઓમાં, વિશિષ્ટ નિર્ણયોમાં અને વ્યવહારમાં રાજા, કામદેવ સાથે પરામર્શ કરતો હતો. તે રાજમાન્ય હતો, સાથે સાથે પ્રજાપ્રિય હતો. નગરના મોટા મોટા વેપારીઓ તેની સાથે ચર્ચા-વિચારણા કરીને મહત્ત્વપૂર્ણ કાર્યો કરતા હતા.
તે પોતાના પરિવારનો પણ આધાર હતો. તેની પાસે ૬ કરોડ સુવર્ણમુદ્રાઓ હતી. ૬ કરોડ મુદ્રાઓ વેપારમાં રોકેલી હતી. ૬ કરોડ સ્વર્ણમુદ્રાઓ ધનધાન્ય, નોકર, વાહન, પશુ.........અનેક સુંદર રાજમહેલ જેવાં મકાન, ઉદ્યાન વગેરેમાં રોકાયેલી હતી. એટલે કે ૬ કરોડની સ્થાવર મિલકત હતી, ગાયોના છ વ્રજમાં ૧૦-૧૦ હજાર ગાયો હતી.
કામદેવને ભદ્રા નામની પત્ની હતી. તે અતિરૂપવતી સ્ત્રી હતી, પ્રિયદર્શના હતી અને સપ્રમાણ અંગોવાળી હતી. પતિભક્તા હતી. કામદેવ સમાન કામદેવ સાથે તે શબ્દ, રૂપ, રસ, ગંધ અને સ્પર્શના વૈષયિક સુખોને ભોગવતી સ્વર્ગ સમાન સુખ અનુભવતી હતી.
ચંપાનગરીની ઉત્તર-પૂર્વ દિશાના મધ્ય-ઈશાન ખૂણામાં અતિ પ્રાચીન અને પ્રસિદ્ધ "પૂર્ણભદ્ર” નામે એક ચૈત્ય હતું. તે ચૈત્ય ચંદનના સુંદર કળશોથી મંડિત હતું અને તેના દરેક દરવાજા ઉપર ચંદનના ઘડાઓનાં તોરણ બાંધેલાં હતાં. ઉપર નીચે સુગંધી-પુષ્પોની મોટી મોટી માળાઓ લટકતી હતી. પંચવર્ણનાં સુગંધી ફૂલ અને શ્રેષ્ઠ સુગંધયુક્ત ધૂપથી ચૈત્ય સુવાસિત રહેતું હતું. ચૈત્યના શિખરે એક વિશાળ ધજા લહેરાતી હતી. ચૈત્યના દ્વાર પર લાગેલા મોટા મોટા ઘંટ વાગતા જ રહેતા હતા.
ચૈત્યની અંદર ભૂમિ ગોમયાદિથી લીંપેલી હતી. દીવાલો શ્વેત રંગની ચળકતી માટીથી ધોળેલી હતી. તેની ઉપર ચંદનના થાપા મારેલા હતા. ઘણા ભક્ત લોકો
Jain Education International
For Private & Personal Use Only
www.jainelibrary.org
