________________
મહાવીર વાણી
૨૨
'
છોકરા સમજણા થયા ત્યારથી તેમનાં માબાપ તેમની સામે શ્રમણોની નિંદા જ કરતા રહે; એઓ તો ગંદા હોય છે, કોઈ દી નહાય પણ નહીં, એમના શરીરમાંથી ભારે દુર્ગંધ છૂટે તથા શ્રમણો નાનાં નાનાં બાળકોને પકડી જાય છે; પછી તેમને મારી નાંખી તેમનું માંસ ખાઈ જાય છે માટે તમે બન્ને કદી પણ શ્રમણોનો પડછાયો લેશો નહીં. આવી આવી વાતો સાંભળી આ બન્ને ભાઈઓ શ્રમણોને જોતાં જ ગભરાઈ જાય અને બીને ઘરમાં સંતાઈ જાય. છોકરાંઓ ઉપર પોતાની ધારી અસર પડેલી જોઈ માબાપને નિરાંત થઈ. એવામાં બનવાકાળ એટલે તે બન્ને ભાઈઓ રમતાં-રમતાં ગામ બહાર નીકળી આવ્યા. ત્યાં તો રસ્તા ઉપર તેમણે સામા આવતા શ્રમણોને જોયા. જોતાં જ તે બન્ને ભાઈઓ ભયભીત થઇ ગયા અને ગભરાઈને પાસેના વડના ઝાડ ઉપર ચડી ગયા. દૈવયોગે એ શ્રમણો પણ એ જ વડના ઝાડની નીચે બેસીને પોતાના મહિનાના ઉપવાસનું પારણું કરવા ખાવા બેઠા. વડ ઉપર બેઠેલા તે છોકરાઓએ તેમનું ખાવાનું બરાબર જોયું તો માલૂમ પડ્યું કે તેમના ખાવામાં માંસ કે એવું બીજું કશું અભક્ષ્ય ન હતું. ઊલટું શ્રમણોનો સરળ સ્વભાવ, મધુર ભાષણ અને સૌમ્ય આકાર જોઈને તેઓ તેમના તરફ એવા આકર્ષાયા કે તેમને એમના શિષ્ય થઈને રહેવાનો વિચાર એકાએક થઈ આવ્યો. પછી તેઓ બન્ને માતા-પિતાની સમ્મતિ મેળવવા ગયા ત્યારે તેમના પિતા તેમને કહે છે કે, બેટા ! આપણે બ્રાહ્મણ કહેવાઈએ, તેમાં ય આપણું કુટુંબ ઊંચું પુરોહિતનું એટલે ગૃહસ્થાશ્રમ માંડ્યા વિના આપણી સદ્ગતિ જ ન થાય, ‘અપુત્રસ્ય ગતિઽસ્તિ’ એવું વેદવચન છે તે તમે કયાં નથી જાણતા ? તમારો વેદોનો અને બીજાં બીજાં વૈદિક કર્મકાંડનાં શાસ્ત્રોનો અભ્યાસ પૂરો થઈ જાય પછી તમે ગૃહસ્થાશ્રમ માંડો, પુત્રોના પિતા થાઓ, અગ્નિની સ્થાપના કરો, બ્રાહ્મણોને જમાડો અને પછી વાનપ્રસ્થ થઈ સંન્યાસ લેવાનો વિચાર કરી શકાય. પુત્ર સિવાય ગત થયેલા પિતાને બીજો કોણ પિંડ આપે? તમને ખબર તો છે કે પિંડ વિના પિતા અવગતિયો થાય છે. આવી અનેક વાતો
Jain Education International
For Private & Personal Use Only
www.jainelibrary.org
