Book Title: Kahavali Pratham Paricched Pratham Khand
Author(s): Kalyankirtivijay
Publisher: Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad
View full book text
________________
[२७८]
NNNNNNNNNNNNNNNNNNNNNNNNNNNNNNNNNNA
वासववंसे जाओ, पुरुहुत्तो नाम सो वि बहुविज्जा(ज्जो) । दप्पेण भमइ पुहइं, वेउव्वियसंदणारूढो ॥ सो अन्नया य पेच्छइ, संपत्तो तावसासमे कह वि । गोयमतावसभज्जं, अहल्लानामं ति रूववइं ॥ सो विद्धंसइ दुट्ठो, विज्जाए; गोयमो वि तल्लिंगं । कोहेण झत्ति छिंदइ, संरुद्धो वासवस्स तहिं' ॥ सोऊण इमं भीओ, नेच्छइ रन्नो वि जायवो कण्णं । 'परदाणं(रं) जाणंतो, को वच्चइ ?' इय विचिंतेउं ।। गंतुमणो य भएणं, सुत्तो रयणीए पिययमाए समं । बंधुमईए; पेच्छइ, पडिबुद्धो देवयं एक्कं ॥ नागाहिवस्स भज्जं, 'कस्सेसा ? का वि ?' सो व दट्ठणं । जा चिंतइ ता भणिओ, करंमि घेत्तूण देवीए ॥ 'आगच्छ वच्छ ! किं चिं[ति]एण ? जाणिहसि आगओ एत्थ । चइऊण पियं सउरी, उवागओ तीऍ पासंमि ॥ रम्मं असोयवणियं, संपत्तो देवयाए सह तत्तो । भणियं च तीए – 'निसुणसु, इह भरहे चंदणपुरंमि ॥ राया अमोहरेओ, चारुमई आसि तस्स देवी य । पुत्तो य चारुचंदो, गणिया य अणंगसेण त्ति ॥ तीए कामपडाया, कण्णा; अह अण्णया निवो जन्ने । संदिक्खिओ त्ति पत्ता, सव्वे वि य तावसा तत्थ ।। तणबिंदू उज्झाओ, तेसिं तह चंडकोसिओ रन्नो । ढोएइ फलाणि निवेणुत्तं - 'कत्थेरिसफलाई" || हरिवंसमुप्पत्ती, कप्पदुमसंभवो य अह तेहिं । आईओ घेत्तूणं, परिकहिओ नरवरिंदस्स ॥ कामपडायाए तहिं, जण्णंमि समागयाण लोयाणं । अवहरियाई मणाई, छुरियं परि नच्चमाणीए ॥ कामवसं संपत्तो, कउसिगनामो य तावसो दटुं । अण्णे य जणा विउसा, जुवराया चारुचंदो त्ति ।। जवराइणा य तत्तो, जण्णे निज्ज(व्व)त्तियंमि अप्पवसा । कामपडाया विहिया, अणुनाया नरवरिंदेणं ॥ आगंतुं निवपासं, पभणंति य तावसा - "कउसिगेणं । जा नच्ती दिट्ठा, कण्णा इह जण्णभूमीए ॥ सा तस्स पणामिज्जउ, वेगल्लं सो गओ महाराय !" । भणियं च नरवरेण, – “सा दिण्णा चारुचंदस्स ।।
Page Navigation
1 ... 320 321 322 323 324 325 326 327 328 329 330 331 332 333 334 335 336 337 338 339 340 341 342 343 344 345 346 347 348 349 350 351 352 353 354 355 356 357 358 359 360 361 362 363 364 365 366 367 368 369 370 371 372 373 374 375 376 377 378 379 380 381 382 383 384 385 386 387 388 389 390 391 392 393 394 395 396 397 398 399 400 401 402 403 404 405 406 407 408 409 410 411 412 413 414 415 416 417 418 419 420 421 422 423 424 425 426 427 428 429 430 431 432 433 434 435 436 437 438 439 440 441 442 443 444 445 446 447 448 449 450 451 452 453 454 455 456 457 458 459 460 461 462 463 464 465 466 467 468 469