Kahavali Pratham Paricched Pratham Khand

Author(s): Kalyankirtivijay
Publisher: Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad

Page 433

[ ३८९ ]
कुक्कुडप्पो । तेणाऽवि विंझाडवीए परिब्भमंतेण दिट्ठो चिक्खल्लखुत्तो सो महाकरी । डसिओ कुंभत्थले । तओ सो करी तव्विसवेयणाभिभूओ वि सावयत्तणओ सम्ममहियासित्ता समुप्पन्नो सहस्सारकप्पे देवो । कुक्कुडसप्पो वि समयंमि मरिऊणुप्पन्नो सत्तरसागरोवमाऊ पंचमपुढवि नेरइओ ।
इओ य सो करिदेवो चुओ इहेव जंबुद्दीवे पुव्वविदेहे सुकच्छविजए वेयड्ढपव्वए तिलयानयरीए विज्जुगइविज्जाहरस्स कणयतिलयाए देवीए किरणवेगो नाम पुत्तो जाओ । सो य कमागयं रज्जमणुपालित्ता सुरगुरुसूरिसमीवे पव्वइत्ता जाओ एकल्लविहारी चारणसमणो । अन्नया य आगासगमणेणं गओ पुक्खरवरदीवे । तत्थ य कणयगिरिसन्निवेसे काउस्सग्गट्टिओ विचित्तं तवोकम्मं काउमा ।
इओ य सो कुक्कुडसप्पनेरइओ तओ उव्वट्टित्ता तस्सेव कणयगिरिणो सण्णिवेसंमि जाओ महोरगो । तेण य सो दट्ठूण मुणी संजायकोवेणं दट्ठो सव्वंगावयवेसु । मुणी वि विहिणा कालं काऊण अच्चुयकप्पंमि जंबुद्दुमावत्ते विमाणे जाओ देवो । सो वि महोरगो कमेण कालं काऊण पुणो वि सत्तेरससागरोवमा जाओ पंचमपुढविनेरइओ ।
किरणवेगदेवो वि तओ चविऊण इहेव जंबुद्दीवे अवरविदेहे सुगंधिविजए सुहंकराए नयरीए वज्जवीरियस्स रण्णो लच्छिमईए भारियाए समुप्पण्णो वज्जनाहो नाम पुत्तो । सो वि कमागयं रज्जमणुपालित्ता दिन्नचक्काउहपुत्तरज्जो खेमंकरजिणसमीवे पव्वइओ । तओ विविहतवोविहाणेणं बहुलद्धिसंपण्णो ओ सुकच्छं नाम विजयं । तत्थ य अप्पडिबद्धविहारेणं विहरंतो संपत्तो जलणगिरिसमीवं । अत्थमिए य दिणयरे तत्थेव ठिओ काउस्सग्गेणं । तओ पहायाए रयणीए चलिओ मुणी ।
इओ य सो महोरगनेरइओ संसारं भमिऊण तस्सेव जलणगिरिस्स समीवे भीमाडवीए जाओ चंडालवणयरो । तेण य पारद्धिनिमित्तं निग्गच्छंतेण दिट्ठो पढमं चेव सो मुणी । तओ पुव्वभववेरवसओ ‘अवसउणो’त्ति मन्नमाणेणाऽऽयन्नायड्ढणं काऊण विद्धो बाणेणं । तेण य विहुरीकयदेहो विहिणा मरिऊणुप्पन्नो वज्जनाहमुणी मज्झिमगेविज्जयंमि ललियंगओ णाम देवो । सो वि चंडालवणयरो तं विवन्नं मुणिं दट्ठूण ‘हो हं महाधणुद्धरो’त्ति मन्नमाणो परितोसमुवागओ कालेण मरिऊणुप्पण्णो सत्तमपुढवीए रोरवनरए नेरइओ । इओ य सो वज्जनाहदेवो तओ चविऊण इहेव जंबुद्दीवे पुव्वविदेहे पोराणपुरे कुलिसबाहुस्स रण्णो सुदंसणाए देवीए समुप्पण्णो कणयप्पहो णाम पुत्तो । जाओ य सो कमेणं चक्कवट्टी । अन्नया तेण पासाओवरिसंठिएणं वंदणनिमित्तमागओगइयं नहंमि कुणमाणो दिट्ठो देवसंघाओ । तं च दट्ठूणं विन्नायजगन्नाहतित्थयरागमणो निग्गओ तव्वंदणत्थं । वंदिओ तित्थयरो । उवविट्ठस्स य भगवया कया तस्स भवनिव्वेयजणणी देसणा । तओ वंदित्ता पविट्ठो नगरीए चक्कवट्टी । भगवं पि विहरिओ जहाविहारेणं ।
अन्नया कणयप्पहो चक्कवट्टी भाविंतो तं तित्थयरदेसणं संजायजाईसरणो दट्ठूण अच्चुयाईए पुव्वभवे विरत्तसंसारचित्तो पव्वइओ जगनाहतित्थयरपायमूले । संपत्तो य कयाइ विहरमाणो खीरवणनामाए महाडवीए । ठिओ य तीए खीरमहागिरिंमि सूराभिमुहो काउस्सग्गेणं ।
इओ य सो चंडालवणयरनेरइओ तओ उव्वट्टित्ता जाओ तीए चेव खीरवणाडवीए खीरपव्वयगुहाए सीहो । सो वि भमंतो कह वि संपत्तो तं मुणिपएसं । तओ समुच्छलियपुव्ववेरेणं विणासिओ तेण सो ★ द्वाविंशतिसागरोपमायुः षष्ठपृथ्वीनैरयिको जातः इति त्रिषष्टिशलाकापुरुषचरिते ॥