Kahavali Pratham Paricched Pratham Khand

Author(s): Kalyankirtivijay
Publisher: Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad

Page 431

[३८७]
NNNNNNNNNNNNNNNNNNNNNNNNNNNNNNNNNNNNN
सुहेण परिणमइ' । भट्टेण भणियं - 'धिद्धी तुह रज्जलद्धीए जो भोयणमेत्तं पि दाउं न सक्केसि' । तओ रन्ना णक्खाविएण अणुण्णाओ सो भट्टो, जंवाविओ य नियाहारेण सकुडुबो ।
तओ तस्स भट्टस्स सपरिवारस्स घरमागयस्स रत्तीए मणागमाहारे तंमि परिणममाणे संजाओ कामम्माहओ । तओ सो भट्रो अगणियमाइ-वह-धीया-भगिणी-भाणिज्जइसंबंधो विहलंघलो परोप्परमकज्जमायरिउमारद्धो । तओ पच्चूसे परिणए तंमि आहारे तहा संबंधत्थो लज्जिओ बंभणो परिवारो य । तओ अण्णोण्णं मुहं दरिसेउमसक्कंता निग्गया नयराओ । चिंतियं च भट्टेण – 'कहमकारणवेरिणा रण्णा अहमेवं विडंबिओ ? ता चिंतेमि किंचि पडिदायं' ।
____ तओ अमरिसिएण वणे भट्टेण भमंतेण दिवो एगो अयापालगो वलुहे?ट्ठिओ पंखेरुयाहिं वडपत्ताणं उद्दिट्ठादे] सेसु काणयाइं कुणंतो । तओ भट्टेण 'मह समीहियसाहगो भविस्सइ'त्ति चिंतित्ता भणिओ एसो - 'किमन्नत्थ वि विघायमेवं काउं सक्केसि ?' अयापालेण भणियं – 'जत्थ भणसि' । तओ भट्टेणुवचरिऊण दाण-सम्माणाईहिं तस्स एगंते कहिओ निययाभिप्पाओ । तेणाऽवि पडिवण्णं भट्टस्स । तओ अन्नया राउलाओ निग्गच्छंतस्स कुटुंतरिएणं अयापालगेणं अमोहघाय[ग]त्तणओ एगाए चेव सुहुमगोलियाए तिरिच्छं पक्खित्ताए समकालं चेव पाडियाइं डोहलाई(डोलयाई) ।
तओ नाऊण कह वि तं बंभणवुत्तंतं बंभदत्तेण संजायकोवेण विणासाविओ सपुत्तबंधवो पुरोहिओ। तहा अण्णे वि बंभणा विणासावित्ता भणिओ मंती – 'एएसिं बंभणाणमच्छीणि थाले काऊण मम पुरओ धरेहि जेणाऽहं तेसिं सहत्थफरिसणेण सुहमप्पणो समुप्पाएमि' । मंतिणा वि णाऊण तस्स पावोदयं ण्हेसाडयरुक्खस्स निच्छल्लियफलाणं थालं भरित्ता तस्स समप्पियं । तओ सो रोद्दपरिणामो ताणि चेव फलाणि बंभणडोलयबुद्धीए हत्थेहिं मदेंतो कइवि दिणाणि सुहमप्पणो उप्पाएइ !
___ एवं च पालियसत्तवरिससयाउओ बंभदत्तो 'हा कुरुमइ ! कुरुमइ !'त्ति रवंतो मरिऊण सत्तमपुढवीनेरइओ तेत्तीससागरोवमाउगो जाओ त्ति । परियणेण य कालग[ए] बंभदत्तंमि तप्पुत्तो कुरुदत्तो नाम अहिसित्तो रज्जे । सो य बंभदत्तस्स करूमईनाममित्थिरयणं दट्टण संजायाणरागो कामत्थं पत्थेइ । तओ करुमई भणइ - 'न चक्कवटिं मोत्तमन्नो मम संभोगेण जीवई' । तेण] भणियं - 'को पच्चड(ओ)?' तओ तीए पच्चयत्थमाणाविओ जच्चतुरंगमो । फरिसिओ नियहत्थेण । सो य निब्बीजो होऊण झत्ति मओ। तं च दटुं भीओ कुरुदत्तो नियत्तो तस्संभोगाभिप्पायओ त्ति । बंभदत्तचक्कवट्टि त्ति गयं ।
बंभदत्तचक्कवट्टिपरोक्खा रिट्ठनेमिजिणाओ य अद्धट्ठमवरिससयाहिएहिं तेआसीवरिससहस्सेहिं तेवीसइमो पासजिणो त्ति पासजिणकहा भन्नइ - ___इहेव जंबुद्दीवे भारहे वासे पोयणपुरे अरविंदो नाम राया । तस्स सावओ विस्सभूई नाम पुरोहिओ । तस्साऽणुंधरी नाम भारिया । तीए दो पुत्ता – कमढो मरुभूई य । तेसिं कमेण भज्जाओ वरुणा वसुंधरा य । तेसु य कमढ-मरुभूईसु समत्थीहूएसु विस्सभूई धम्मुज्जुओ कालं काऊण देवलोगं गओ। अणुंधरी वि पइविरहओ वयविसेससोसियसरीरा मया । कमढो वि कयपिउ-माउपेयकिच्चो पुरोहिओ जाओ । मरुभूई वि पाएण बंभयारी धम्मकिच्चुज्जुओ संपन्नो । तस्स य वसुंधरं भज्जं मणोहरजोव्वणुब्भेयं दट्ठण कमढस्स चलियं चित्तं । पयट्टो य तीए सह सवियारमालविउं । सा वि कामविरोहमसहमाणी पासियवीरे रंगो व्व संपलग्गा तेण समं ।