Kahavali Pratham Paricched Pratham Khand

Author(s): Kalyankirtivijay
Publisher: Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad

Page 435

.............! ३९१]
NNNNNNNNNNNNNNNNNNNNNN
नागराया । दिण्णो य 'अहो विण्णाणाइसओ'त्ति भणमाणेण भयवओ लोएण साहुक्कारो । तमायन्निऊण सुट्ठ विलक्खीहूओ कमढपरिव्वायगो । काऊण य गाढमन्नाणतवो(व) [मरिऊण] समुप्पण्णो मेहकुमारनिकायमझंमि मेहावली(मेहमाली) नाम भवणवासिदेवो । भयवं पि तओ पविट्ठो नयरीए ।
अण्णया य सुहंसुहेणऽच्छंतस्स समागओ वसंतसमओ । तंमि य वसंतसमयजाणावणत्थमुज्जाणपालेणाऽऽणेत्ता भयवओ समप्पिया सरसा सहयारमंजरी । भयवया भणियं – 'भो ! किमेयं ?' तेण भणियं - 'सामि ! बहुविहकीलाविलासनिवासो संपयं संपत्तो वसंतसमओ' । तओ सोउमेवं वसंतकीलाणिमित्तं बहुपुरजण-परिवारसमन्निओ जाणारूढो गओ नंदणवणं । तओ जाणाओ समुत्तरिय निसन्नो नंदणवणपासायमज्झट्ठियकणयमयसिंहासणे । तत्थ य अइरमणीयत्तणओ सव्वओ पलोयमाणेणं दिलृ भित्तीए परमरम्म चित्तं । तं च दट्ठण चिंतियं - 'अहो ! किमेत्थ लिहियं ?' नायं च सम्मं निरूवंतेण जहा - अरिट्ठनेमिचरियं । तओ चिंतिय(उ) पयत्तो – 'धन्नो सोऽरिट्ठणेमी जो लडहविलयावलेवबहुलं विसयसुहमवमन्निऊण कुमारो चेव सकज्जसाहणुज्जुओ जाओ' । एवंविहचिंतावरं च भयवंतं समागंतुं लोगंतियदेवा भणंति 'भयवं! तित्थं पवत्तेहि' । तओ विसयविरत्तचित्तो भयवं पविट्ठो णयरीए । एत्थंतरंमि य अत्थमिओ दिणयरो। निक्खमणमणो य रं(तं) रयणिं गमित्ताऽणुजाणाविओ(य)गुरुजणो पासकुमारो तीसवरि[साऊ] पोसकण्हिक्कारसीए निक्खंतो त्ति । अवि य -
पासो अरिट्ठणेमी, सेज्जंसो समई मल्लिनामो य ।
पुव्वण्हे णिक्खंता, सेसा पुण पच्छिमण्हंमि ।। तओ गओ सामी णयरासन्नसंठियं तावसासमं । तत्थ य अत्थमिओ दिणयरो त्ति कलिऊण तप्पएससंठियकूयासय(सन्न)ठियवडपायवहेट्ठि(8)ओ व(ठि)ओ काउस्सग्गेणं ।
इओ य सो कमढजीवो मेहमाली असुरो अवहिणा नाऊण अत्तणो वइयरं, सुमरिऊण पुव्वभववेरकारणं समुप्पन्नतिव्वामरिसो समागओ जत्थ भयवं । पारद्धा य तेण सीहाइरूवेहिं महोवसग्गा । तेहि य तहा चेवाऽचलियभावं भयवंतं नाऊण 'जलेण चो(बो)लित्ता मारेमि'त्ति संपहारिय पारद्धा तेण विज्जुगज्जिसारा महावोट्ठी । तीए य जलेणं भयवं ताव बोलिओ जाव नासियाविवरं । एत्थंतरंमि य चलियं धरणिंदस्स सीहासणं । तओ तेण पउत्तावहिणा मुणिओ भयवओ वइयरो । समागंतूण [य] तुरियं सामिणा(णो) पायाहो-विहियपउमेण सीसोवरिरइयफणिफणामंडवेण सेससरीरपासेसु विरइयफणिसरीरेण णिवारिओ नीरपूरो । पारद्धं च पुरओ बहुविहाओज्ज-वेणु-वीणा-गीयणिणाएहिं घणनिघोसविधायगं पवरपेक्खणयं । दट्ठण य तं तारिसं महाइसयसंपत्तिं णिच्चलचित्तत्तं च भयवओ गरुयविम्हयणिक्खित्तमाणसो समुवसंतदप्पपसरोऽसुरो मेहमाली पणमिण जिणं गओ णियठाणं । धरणिंदो वि निरुवसग्गं नाऊण [जिणं] थोऊण य गओ सट्ठाणं ।
__पासो सामी वि निक्खमणदिणाओ चउरासीईदिवसोवरि चेत्तकिण्हचउत्थीए संपत्तकेवलो तिसत्तफणि-फणालंछणो वाम-दाहिणपासेसु वइरोट्टादेवी-धरणिंदपज्जुवासिज्जमाणो अरिट्ठणेमितित्थपल्लट्टणेण नियतित्थं पवत्तितो समोसरिओ पुंडवद्धणविसए जत्थ आगओ सागरदत्तोत्ति । सागरदत्तकहा भण्णइ -
___अत्थि पुव्वदेसे तामलित्तीए सागरदत्तो नाम वाणियगो । अच्चंतकलावियक्खणो जाइस्सरणेणं इत्थीविरत्तभावो परिणेउं नेच्छइ । सो किल जम्मंतरे माहणो अन्नासत्ताए विसं दाऊण घारिओ त्ति