Kahavali Pratham Paricched Pratham Khand

Author(s): Kalyankirtivijay
Publisher: Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad

Page 412

[३६८]
NRNARANA
ढक्किऊण धरिओ सरावेण । पहाए [पु]ण ह(द)रिसित्ता तं भीमाईणं भणियं जुहिट्ठिलेण - 'भो ! सोऽयं जेण रयणीए जित्ता तुब्भे । न य कुलीणाणमण्णेसि पि कलहो काउमेवं जुत्तो, विसेसओ तुहं संपयं संविग्गाणं'।
___ 'अहवा, अणागयमेव विफुरिया सूरुग्गमपह व्व कलिकाले भावा जे निदरिसिया रिसीहिं । तं जहा - कूवेणाऽवाहो उवजीविस्सए १ ॥ तरुणो फलनिमित्तमुच्छेओ भविस्सइ २ ॥ गावी वच्छियं धाविस्सइ ३ ॥ लोहमईए य कडाहीए सुगंधितेल्ल-घयाइपागोचियाए मंसाइपागो भविस्सइ ४ ॥ सप्पपूजा य विसेसओ होही, न गरुडपूजा ५ ॥ हत्थस्संगुलिदुगेण ढक्कणं भविस्सइ ६ ॥ हत्थिवहणीयं च सगडं गद्दहवहणीयं भविस्सइ ७ ॥ बालबद्धा य सिला वि चिट्ठ(ट्ठि)स्सइ ८ ॥ वालुगाए य व(च?)क्कं घेत्तुं सक्किज्जिही ९ ॥
'कहं ? भन्नइ – राया कूवतुल्लो सव्वेसिं बंभण-खत्तिय-वइस-सुद्दाणं चिंताणाय(?)त्तणेणाऽवाहतुल्लाण म(द)व्वगहणं कलि(लिंमि) करिस्सइ १ ॥ पुत्तो य फलतुल्लो पिउणो तरुतुल्लस्सुद्देगमुप्पाइस्सइ २ ॥ वच्छिआतुल्लाए य कन्नयाए विक्किणणाइणा गावीतुल्ला जणणी जीविस्सइ ३ ॥ लच्छीए य लोहमयकडाहीतुल्लाए सुहि-सयणिज्जयाइ मोत्तुमण्णजणो निव्वहिस्सइ ४ ॥ सप्पसरिसेसु य निद्धम्ममाइट्ठाणिएसुं जणो दाणं दाही न उण गरुडतल्लेसं सुद्धसहावेस ५ ॥ हत्थतल्लस्स य जणयस्स अंगलिद्गगत णं पुत्तवहदगेणं अगघरकरणओ नामलोवो कज्जिही ६ ॥ हत्थितुल्लेहि य महाकुलेहिं न मज्जायासगडमसमंजसकरणओ वाहिज्जिही, किंतु नीयकुलेहिं नीइपरेहिं ७ ॥ थोवत्तणओ य बालतुल्लेणं सुद्धधम्मेणाऽवबद्धो संकिलेसभारओ सिलातुल्लो वि लोओ निव्वहिस्सइ ८ ॥ वालुयातुल्लाए य वंचगवित्तीए फलं होही, न ववहारसुद्धीए ९ ॥ परमेवंविहे वि कलिकाले न सप्पुरिसा मज्जायमइक्कमिस्संति' त्ति ।
एत्थंतरंमि य भयवया समणपरिवुडो चउन्नाणी धम्मघोसो नाम अणगारो पंडवाण निक्खमणत्थं पेसिओ । पव्वाविया य पंडवा । पयट्टा य भयवओ समीवं । विचित्तं च तवोकम्मं ते कणंता पत्ता सेत्तुंजपव्वयासण्णं हत्थकप्पणयरं । गमियं(उ) च तत्थ रयणि चिंतियं तेहिं - 'पच्चा उज्जयंतगिरी। चिट्ठइ य तत्थाऽरिट्ठनेमिसामी । ता पारिऊणिहेव तदंतियं जामो'त्ति निग्गया भिक्खत्थं ।
इओ य तीए चेव रयणीए अरिट्टनेमिकेवली चउप्पण्णदिणोणाणि सत्तवाससयाणि जाव विहरिऊणुज्जेंतसेलसिहरे आसाढसुद्धट्ठमीए मोक्खं गओ त्ति । अरिट्ठणेमिजिणो त्ति गयं ।
पंडवेहिं वि हत्थकप्पे भिक्खं हिंडंतेहिं सुयं जहा – “सिद्धो णेमिनाहो' । तओ बहुं विसूरिऊण गहियं भत्तपाणं वि गिदित्ता(छड्डित्ता ?) ते चडिया सेत्तुंज्जपव्वए । कयाणसणा य सिद्धा जहा मइसुमईओ। तं जहा -
पंडुमहुराए पंडववंससंभूओ अण्णो नाम राया । तस्स दो धूयाओ - मई सुमई य नाम । ताओ य परमसावियाओ त्ति चलियाओ कयाइ जलपहेणुज्जेंतचेइयवंदणत्थं । तत्थ वि वारिवसहं नाम पवहणं । तदारूढाओ य समुद्देणं ती(ता)ओ पत्ताओ जाव सुरट्ठादेसासण्णं तावुच्छलिओ दुव्वाओ । तब्भीओ य पवहणलोगो खंद-रुदाईए देवे नमंसिउमारद्धो । मइ-सुमईओ उण 'नूणमेसो कालो, ता वरं सुसंजमेणऽप्पा जोजिओ'त्ति भाविंतीओ पवहणविवत्तीसमए चेव सिद्धाओ । तासिं च सोमवेलासन्नं जत्थुच्छलियाणि सरीराणि तत्थ कहं वि दिन्नोवओगेण लवणाहिवइणा सुट्ठियदेवेणाऽऽगंतुं कया महिमा । तीए य दिट्ठो