________________
४७५
દીક્ષા ગ્રહણ કરી ત્યારથી જ પોતાના જીવનમાં ગુરુભક્તિ માટે પ્રથમ સ્થાન આપતા રહ્યા. સં. ૨૦૨૨માં પૂ. ગુરુદેવની છત્રછાયા ગુમાવી. તે પછીથી પૂ. પં. શ્રી મંગળવિજયજી (પછીથી પૂ. આચાર્યશ્રી)ની નિશ્રામાં આજ્ઞાનુસાર સંયમજીવન વિતાવતા રહ્યા અને સાધના–આરાધના દ્વારા ગુરુદેવના કૃપાપાત્ર બની રહ્યા. પૂજ્યશ્રી સં. ૨૦૩૧માં પાલિતાણામાં ચાતુર્માસ હતા ત્યારે પૂ. આ. શ્રી વિજયમંગલપ્રભસૂરીશ્વરજી મહારાજની નિશ્રામાં ‘ભગવતીસૂત્ર’નાં યોગોદ્વહન કર્યાં. સં. ૨૦૩૨ના માગશર સુદ પાંચમે ગણિ પદ અને માગશર સુદ છઠ્ઠને દિવસે પંન્યાસ પદથી વિભૂષિત કરવામાં આવ્યા. પૂજ્યશ્રીનાં વિહારક્ષેત્ર ગુજરાત અને રાજસ્થાન રહ્યાં છે. રાજસ્થાનના ખિવાન્દી પર પૂજ્યશ્રીની અસીમ કૃપા છે. સં. ૨૦૪૨માં તેઓશ્રી ખિવાન્દી ચાતુર્માસ સ્થિત હતા ત્યારે અનેક શ્રીસંઘોની આગ્રહભરી વિનંતીથી પૂજ્યશ્રીને આચાર્ય પદે આરૂઢ કરવા પૂ. આ. શ્રી વિજયઅરિહંતસિદ્ધસૂરીશ્વરજી મહારાજને અમદાવાદથી ખિવાન્દી પધારવા નિમંત્રણ આપ્યું. આચાર્યદેવ ઉગ્ર વિહાર કરી ખિવાન્દી પહોંચ્યા. સં. ૨૦૪૩ના માગશર સુદ ૬ને શુભ દિવસે અગણિત માનવમહેરામણ વચ્ચે મહામહોત્સવપૂર્વક આચાર્ય પદથી અલંકૃત કરવામાં આવ્યા. પૂ. પંન્યાસ આચાર્યશ્રી વિજયહેમપ્રભસૂરીશ્વરજી મહારાજ તરીકે જાહેર થયા. પૂજ્યશ્રી હંમેશાં નમસ્કાર મહામંત્રનો અને સંતિકરનો શ્રદ્ધાપૂર્વક જાપ કરે છે. તેઓશ્રીની પાવન નિશ્રામાં અનેક દીક્ષા, પ્રતિષ્ઠા, ઉપધાન, સંઘ, ઉઘાપનો આદિ મહોત્સવ થયા છે અને થઈ રહ્યા છે. મુનિશ્રી લલિતપ્રભવિજયજી, મુનિશ્રી જયપ્રભવિજયજી, બાલમુનિ શ્રી મુક્તિનિલયવિજયજી, મુનિશ્રી આત્મપ્રભવિજયજી, મુનિશ્રી અર્હપ્રભવિજયજી, મુનિશ્રી હિરણ્યપ્રભવિજયજી, મુનિશ્રી પ્રશમેશપ્રભવિજયજી, મુનિશ્રી હ્રીંકારપ્રભવિજયજી આદિ શિષ્યરત્નોથી વીંટળાયેલા પૂજ્યશ્રી અનેકવિધ શાસનપ્રભાવક કાર્યોમાં વ્યસ્ત હોય છે. એવા તપસ્વી-યશસ્વી-તેજસ્વી આચાર્યદેવ નિરામય દીર્ઘાયુ પામી શાસનપ્રભાવના વડે જયવંતા વર્તો એવી અભ્યર્થના સાથે પૂજ્યશ્રીનાં ચરણોમાં કોટિ કોટિ વંદના! લબ્ધિનિધાન શ્રી શાંતિનાથ જૈન સંઘ મલાડ,(ઇસ્ટ) મુંબઈના સૌજન્યથી ધીર–ગંભીર– સૌમ્યમૂર્તિ શાસનપ્રભાવક પૂ. આચાર્યશ્રી વિજયજિનચંદ્રસૂરીશ્વરજી મહારાજ
મનુષ્યાવતાર શ્રેષ્ઠ છે, પણ તેમાં સુખદુ:ખ નથી એવું નથી, પણ જે માનવ એ સુખદુઃખમાં વિચલિત ન થાય, સ્થિર
Jain Education International
ચતુર્વિધ સંઘ રહે તેનો જ મનુષ્યાવતાર સફળ અને શ્રેષ્ઠ ગણાય છે. પૂ. આ. શ્રી વિજયજિનચંદ્રસૂરીશ્વરજી મહારાજના સંસારી જીવનમાં આ જ વાત ચરિતાર્થ થાય છે. વતન ગુજરાતમાં બનાસકાંઠાનું બાપલા ગામ અને જન્મસ્થાન રાજસ્થાનનું વાંકડિયા-વડગામ. નાની વયમાં માતાપિતાનો વિયોગ થયો. આવી વિકટ અને વિષમ પરિસ્થિતિમાં પણ સ્થિર અને સ્વકર્તવ્યપરાયણતા દાખવી માનવભવને શ્રેષ્ઠ અને સાર્થક કરી બતાવ્યો. પૂજ્યશ્રીનું સંસારી નામ હંજારીમલ, પિતાનું નામ ગુલાબચંદ અને માતાનું નામ મેકીબહેન. માતાપિતાના અવસાન પછી હંજારીમલને ધાર્મિક જ્ઞાનમાં વધુ રસ પડતો હતો. વ્યાવહારિક અભ્યાસ કરતાં કરતાં જૈન બોર્ડિંગમાં રહેતા હોવાથી ધાર્મિક સંસ્કારોની વૃદ્ધિ થતી ચાલી. યુવાવસ્થામાં સંસારની નીતિ મુજબ ગવરીબહેન સાથે સંસારનાં બંધનથી બંધાયા છતાં પૂર્વનાં સંચિત પુણ્યકર્મના યોગે સંસારના રંગરાગમાં ન ડૂબતાં જીવનને યથાશક્ય ધર્મઆરાધનામાં જોડાતા રહ્યા. તેમાં સં. ૨૦૦૪માં પરમ ઉપકારી ગુરુદેવ શ્રી શાંતિચંદ્રસૂરીશ્વરજી મહારાજના ચાતુર્માસથી સાન્નિધ્ય પ્રાપ્ત થતાં, તેઓ ધર્મસિંચન દ્વારા ધર્મમાર્ગે વધુ દૃઢ બન્યા. આગળ જતાં, ધંધાકીય કારણે અમદાવાદમાં વસવાટ થયો. વ્યવસાયની વૃદ્ધિ સાથે સુખસમૃદ્ધિ પણ પ્રાપ્ત થયાં, પણ એવામાં એક પુણ્યપ્રસંગે અંદરની ચેતના ઝળકી ઊઠી. પ્રસંગ હતો પૂ. આ. શ્રી વિજયરામચંદ્રસૂરીશ્વરજી મહારાજની નિશ્રામાં કલકત્તાવાળા લક્ષ્મીસંપન્ન એવા શ્રી ધનજીભાઈના કુટુંબના બધા જ—પાંચેય મુમુક્ષુઓના દીક્ષામહોત્સવનો. શહેર અમદાવાદ અને ૨૦૧૯ની એ સાલ હતી. વૈરાગ્યના જાગેલા એ ભાવને પોતે તેમ જ ધર્મપત્ની ગવરીબહેન સંસાર છોડવાનો સંકલ્પ કરી ભારતભરનાં તીર્થોની યાત્રાએ નીકળી ગયાં. બે વર્ષ ગુરુમહારાજ સાથે રહી સંયમની તાલીમ લીધી અને છેલ્લે વતન બાપલામાં આવેલું પોતાનું ઘર શ્રીસંઘને આયંબિલ–ઉપાશ્રય માટે અર્પણ કરી અને ત્યાં જ પાંચ છોડના ઉદ્યાપન સહ ભવ્ય મહોત્સવ યોજી પૂ. આ. શ્રી વિજયશાંતિચંદ્રસૂરીશ્વરજી મહારાજની નિશ્રામાં બંનેએ ભાગવતી દીક્ષા અંગીકાર કરી.
દીક્ષા ગ્રહણ કરીને મુનિશ્રી જિનચંદ્રવિજયજી મહારાજ જ્ઞાન–ધ્યાનમાં લાગી ગયા. ગુર્વાજ્ઞા જીવનમંત્ર બની ગયો. સં. ૨૦૨૯ના જેઠ મહિનામાં પૂ. ગુરુદેવનો સ્વર્ગવાસ થયો ત્યારે અંત સમયે ગુરુદેવને સમાધિ આપનાર આ જ શિષ્ય હાજર હતા. પૂજ્યશ્રીને સં. ૨૦૩૫ના જેઠ સુદ ૪ના દિવસે બાપલા મુકામે પંન્યાસ પદથી અને સં. ૨૦૪૬ના વૈશાખ વદ ૬ ના ભાભર મુકામે, પૂ. આ. શ્રી વિજયકનકપ્રભસૂરીશ્વરજી
For Private & Personal Use Only
www.jainelibrary.org
