Rupsen Rajkumar Kurmaputra Charitra

Author(s): Anupram Sadashiv Sharma, Dharmtilakvijay,
Publisher: Smruti Mandir Prakashan Ahmedabad

Page 63

श्रीरूपसेनचरित्रं
11
Jain Educati
RERERERERERERERERERERERE
परस्परं कथयामासुः, यदेतत्सर्वं समीचीनं जातं यद्राज्ञश्चतुर्दशशतमनुष्यवधपापं न लग्नं, अथ स रूपसेनकुमारस्तलारक्षेण वधभूमिं प्रति नीयमानः क्रमेण चतुष्पथे समागात् । तत्र केचिद् दृढप्रहारिवत्तस्य निन्दां कुर्वन्ति केचिच्च तस्योपरि दयां कुवन्ति केचिच्च वदन्ति, यथादीपे पतंगवज्जाले, मत्स्यवत्कर्दमे करी । पाशे मृगस्तथा चैष, संकटे पतितः कथम् ॥१२०॥ अपरे चैवं वदन्ति
कर्मणा प्रेरितो गच्छेत्, स्वर्गं वा श्वभ्रमेव च । यतो जन्तुरनीशोऽय - मात्मनः सुखदुःखयोः ॥ १२१ ॥ कुमारस्तु पञ्चपरमेष्ठिध्यानपरोऽग्रे चलितः, अथैवं तलारक्षस्तं सर्वत्र भ्रामयित्वा सन्ध्यासमये शूलायामारोपयामास । ततः स तलारक्षो राज्ञः पार्श्वे समागत्य कथयामास, हे राजन् मया भवदादेश: कृतोऽस्ति । अथ सा कुमारशूलारोपणवार्ता तया मालिन्या ज्ञाता, तदा सा स्वमनस्यत्यन्तं खेदं कर्तुं लग्ना, हा दैव स सत्पुरुषो राज्ञा मारितः, इति विविधं खेदं कुर्वन्ती सा तस्य गुणान् मुहुर्मुहुः सस्मार, यतः
कोकिला सहकारस्य, गुणं स्मरति नित्यशः । कमलस्य गुणं भृङ्गो, राजहंसश्च मानसम् ||१२२||
DEREREREREREREREREDERERY
श्रीरूपसेन
चरित्रं
11
jainelibrary.org