Painnay suttai Part 1

Author(s): Punyavijay, Amrutlal Bhojak
Publisher: Mahavir Jain Vidyalay

Page 585

पइण्णयसुत्ते
३७५१. चउविहदेवसमग्गा ते सक्का तिव्वजायपरितोसा । उप्पइऊणागासं सुमेरुसंपट्टिया तुरियं ॥ २१० ॥ ३७५२. तो बालजिणवरिदे उवगायंता सुरा सपरिवारा । वच्चंति मुइयमणसा पुरओ सव्वाहिगारेणं ॥ २११ ॥ ५ ३७५३. पंचण्ह वि मेरुणं गिरिवरसिहरे खणेण संपत्ता । कंचणदुमोववेए सव्वोउयपुप्फ-फलभरिए ॥ २१२॥ ३७५४. पंचह वि मेरूणं एक्केके होइ पंडगवणं तु ।
नज्जइ तेलोक्कस्स वि लच्छी संपिंडिया तेसु ॥ २१३॥ ३७५५. ताण बहुमज्झदेसे चूला जिणभवणसोहिया रम्मा |
वेरुलियाविमलरूवा पंचग जोयणुव्विद्धा ॥ २१४ ॥ ३७५६. पंचण्ह वि मेरूणं चूला एक्केक्किया मुणेयव्वा । सासयजिणभवणाओ हवंति पंचेव चूलाओ ॥ २१५ ॥ ३७५७. बारसजोयणपिहुलाओ ताओ उवणें (? रिं) तु जोयणे चउरो । तासिं चउद्दिसिं पिय सिलाओ चत्तारि रम्माओ ॥ २१६ ॥
४२८
१५ ३७५८. पंचसयाऽऽयामाओ मज्झे दीघत्तणऽद्धरुंदाओ । चंदद्धसंठियाओ कुमुयोयर-हारगोराओ ॥ २१७ ॥ ३७५९. पुव्वेण पंडुकंबल अवरेणअ (S) इपंडुकंबला होइ ।
रत्ताऽइरत्तकंबलसिला य दो दक्खिणुत्तरओ ।। २१८॥ ३७६०. पुव्वावरासु दो दो सिलासु सीहासणाई रम्माई ।
चंदद्ध दक्खिणुत्तरसिलासु एक्क्कयं भणियं ॥ २१९ ॥ ३७६१. सीता-सीतोयाणं उभओकूलुब्भवा जिणवरिंदा |
अभिसिंचं (सिचं ) ति सुरेहिं जम्मे पुव्वावर सिलासु ॥ २२० ॥ ३७६२. भरहेरवयजिनिंदा बालत्ते पुण्णचंदस रिसमुहा ।
अभिसिंचं (सिचं) ति सुरेहिं जम्मे जम्मुत्तरसिलासु ॥ २२१ ॥ २५ ३७६३. अह सो सोहम्मवती सहिओ बत्तीससुरवरिंदेहिं । दक्खिणसिलाओ पंच वि सहस्सपत्ताणणो पत्तो ॥ २२२ ॥
२०