Painnay suttai Part 1

Author(s): Punyavijay, Amrutlal Bhojak
Publisher: Mahavir Jain Vidyalay

Page 644

४८७
२०. तित्योगालीपइन्नयं ४४०४. पुवाए संझाए वोच्छेदो होहि धम्मचरणस्स ।
मज्झण्हे रातीणं अवरण्हे जायतेयस्स ॥८६३॥ ४४०५. रायाणो दंडधरा ओसहि अग्गी य संजया चेव ।
चरिमदिवसावसाणे अणुसजिंता न होहिंति ॥ ८६४॥ ४४०६. इगवीस सहस्साई वासाणं वीरमोक्खगमणाओ।
अव्वोच्छिन्नं होही आवसगं जाव तित्थं तु ॥८६५॥ ४४०७. इगवीस सहस्साइं वासाणं वीरमोक्खगमणाओ।
अणियोगदार-नंदी अव्वोच्छिन्ना उ जा तित्थं ॥८६६॥ ४४०८. सामाइयं च पढमं छेओवट्ठावणं भवे बीयं ।
एते दोन्नि चरित्ता होहिंती जाव तित्थं तु ॥८६७॥ ४४०९. जो भणति नत्थि धम्मो न च सामइयं न चेव य वयाई।
सो समणसंघबज्झो कायव्वो समणसंघेणं ।। ८६८॥ ४४१०. जइ जिणमतं पवजह ता मा ववहारदंसणं मुयह ।
ववहारनउच्छेदे तित्थुच्छेदो जओऽवस्सं ॥८६९॥ ४४११. इच्चेयं गणिपिडगं निचं दव्वट्ठयाए नायव्वं ।
पज्जाएण अणिचं, निचाऽनिचं च सियवादो ॥ ८७० ॥ ४४१२. जो सियवायं भासति पमाण-नयपेसलं गुणाधारं ।
भावेइ मणेण सया सो हु पमाणं पवयणस्स ॥ ८७१ ॥ ४४१३. जो सियवायं निंदति पमाण-नयपेसलं गुणाधारं ।
भावेण दुट्ठभावो न सो पमाणं पवयणस्स ॥ ८७२॥ ४४१४. ओसप्पिणीइमीसे चत्तारि अपच्छिमाइं इह भरहे।
अंतम्मि दूसमाए संघस्स चउव्विहस्सावि ॥ ८७३॥ ४४१५. तेसु य कालगतेसुं तदिवसं चेव होहिइ अधम्मो।
इय समाए काले वच्चंते पावभूइट्टे ॥ ८७४॥
१. अणुओग हैंकी०॥