Painnay suttai Part 1

Author(s): Punyavijay, Amrutlal Bhojak
Publisher: Mahavir Jain Vidyalay

Page 672

२०. तित्थोगालीपइन्नयं [गा. ११७०-८८. आगमेस्सुस्सप्पिणीए छट्ठस्स
सुसमसुसमाअरगस्स भावा] ४७११. सुसमसुसमाए कालो चत्तारि हवंति कोडिकोडीओ।
इय सागरोवमाणं कालपमाणेण नायव्वा ॥११७० ॥ ४७१२. जह जह वडति कालो तह तह वडूंति आउ-दीहादी॥
उवभोगा य नराणं तिरियाणं चेव रुक्खेसु ॥११७१॥ ४७१३. सुसमसुसमामणूसा तिन्नेव य गाउयाई उच्चत्तं ।
तिन्नि पलिओवमाइं परमाउं तेसि होइ बोधव्वं ॥११७२ ॥ ४७१४. नयण-मणकंतरूवा भोगुत्तमसव्वलक्खणधरा य ।
सव्वंगसुंदरंगा रत्तुप्पलपत्तकर-चरणा ॥११७३॥ ४७१५. नग-नगर-मगर-सागर-चक्कंकुस-वज-पव्ववरजुत्ता।
सुपइट्ठियवरचलणा उन्नयतणु तंबनक्खा य ॥११७४ ॥ ४७१६. सुसिलिट्ठगूढगुज्झा एणीकुरविंदवत्तवरजंघा ।
सामुग्गगूढजाणू गयससणसुजायसरिसोरू ॥ ११७५ ॥ ४७१७. वरवारणमत्तगती सुजायवरतुरयगुज्झदेसा य ।
वरसीहवट्टितकडी वइरोवमदेसमज्झा य ॥११७६॥ ४७१८. गंगावत्तपयाहिणरविकिरणविबुद्धकमलसमनाभी ।
रमणिज्जरोमराती झस-विहगसुजातकुच्छीया ॥११७७॥ ४७१९. संगतपासा सण्णयपासा सुंदरसुजायपासा वि।
बत्तीसलक्खणधरा उवचितवित्थिण्णवरवत्था ॥११७८ ॥ ४७२०. पुरवरवरफलिहभुया घणथिरसुसिलिट्ठपव्वसंधीया।
वरपीवरंगुलितला चउरंगुलिसरिसवग्गीवा ॥ ११७९ ॥ ४७२१. सुविभत्तवित्तमंसू पसत्थसदूलविपुलवरहणुया।
बिंबोट्ठ धवलदंता गोखीरसरिच्छदसणाभा ॥११८०॥ ... ४७२२. तवणिज्जरत्तजीहा गरुलाऽऽययउज्जुतुंगनासा य ।
वरपुंडरीयनयणा आणामियचाववरभुमया ॥११८१॥
वरी
२५