Painnay suttai Part 1

Author(s): Punyavijay, Amrutlal Bhojak
Publisher: Mahavir Jain Vidyalay

Page 664

५०७
२०. तित्थोगालीपइन्नयं ४६३०. काऊण नमोक्कारं सिद्धाणमभिग्गहं तु सो गिण्हे ।
'सव्वं मे अकरणिज पावं'ति चरित्तमारूढो ॥१०८९ ॥ ४६३१. तिहिं नाणेहिं समग्गा तित्थयरा जाव होंति गिहवासे ।
पडिवण्णम्मि चरित्ते चउनाणी जाव छउमत्था ॥१०९० ॥ ४६३२. नवसु वि वासेसेवं सिद्धत्थादी जिणिंदचंदा उ।
हत्युत्तराहिं सव्वे मिगसिरबहुलस्स दसमीए ॥१०९१ ॥ ४६३३. बारस चेव य वासा मासा छ ञ्चेव अद्धमासो य ।
पउमादीण दसण्ह वि एसो छउमत्थपरियाओ ॥१०९२ ॥ ४६३४. एवं तवोगुणरतो अणुपुव्वेणं मुणी विहरमाणो ।
वजरिसभसंघयणो सत्तेव य होति रयणीओ ॥१०९३॥ ४६३५. वइसाहसुद्धदसमीए केवलं सामसालहेडम्मि ।
छट्टेणुक्कुडुयमओ उप्पण्णं जंभियागामे ॥१०९४ ॥ ४६३६. सेसाणं पि नवण्हं एवं वइसाहसुद्धदसमीए ।
हत्युत्तराहिं नाणं होही जुगवं जिणिंदाणं ॥ १०९५ ॥ ४६३७. उप्पण्णम्मि अणंते नट्ठम्मि य छाउमथिए नाणे ।
राईए संपत्तो महसेणवणं तु उज्जाणं ॥१०९६ ॥ ४६३८. अमर-नर-रायमहिओ पत्तो धम्मवरचक्कवट्टितं ।
बीयम्मि समोसरणे पावाए मज्झिमाए उ ॥१०९७॥ ४६३९. एक्कारस वि गणहरा सव्वे उन्नयविसालकुलवंसा ।
पावाए मज्झिमाए समोसढा जण्णवासम्मि ॥१०९८॥ ४६४०. पढमेत्थ कुंभसेणो नामेणं गणहरो महासत्तो।
वजरिसमसंघयणो चोदसपुव्वी महावीरो ॥ १०९९॥ ४६४१. वइसाहसुद्धएक्कारसीए तह पढमपोरिसीए उ।
हत्थुत्तरैबय(१ व)करणे गणिपिडगसमाणिए अत्थं (१)॥११००॥ 1.वि.की.३, पपक ला. विना॥