________________
શ્રી હનુમાને મહોદર આદિ
રાક્ષસવીરોનો કરેલો નાશ છે જંબુમાલી મૂચ્છિત થઈને જમીન ઉપર પડતાં, રાક્ષસોમાં વીર એવો મહોદર, બાણોને વર્ષાવતો ક્રોધથી સામો આવ્યો. શ્રી હનુમાને માલીને અસ્ત્રરહિત કર્યો, વજોદરને હણ્યો અને જંબુમાલીને મૂચ્છિત કર્યો એટલે શ્રી હનુમાન તરફ રાક્ષસવીરો ક્રોધે ભરાય એમાં નવાઈ છે? નહિ જ ! મહોદર ઉપરાંત બીજા પણ શ્રી હનુમાનને હણવાની ઇચ્છાવાળા રાક્ષસસુભટો, જાતિવાન શ્વાન જેમ ડુક્કરને વીંટી લે તેમ, શ્રી હનુમાનને એકદમ વીંટળાઈ વળ્યા. પણ કેટલાકોની ભૂજામાં, કેટલાકના મુખમાં, કેટલાકોના પગમાં, કેટલાકોના હૃદયમાં અને કેટલાકોની કુક્ષીમાં તીક્ષ્ણ બાણોથી પ્રહારો કરીને શ્રી હનુમાને તેઓને હણી નાખ્યા. રાક્ષસોના સૈન્યમાં વીર હનુમાન, વનમાં દાવાનળની જેમ | દ અને સમુદ્રમાં વડવાનળની જેમ. પ્રકાશવા લાગ્યા. સૂર્ય જેમ વાદળાંઓને નષ્ટ કરે, તેમ પરાક્રમીઓમાં ચૂડામણી જેવા શ્રી હનુમાને ક્ષણવારમાં રાક્ષસોને ભાંગી નાંખ્યા.
ભૂમિ ઉપર આવેલા ઈશાનેન્દ્રની જેમ, રાક્ષસોના ભંગથી ક્રોધિત બનેલા અને ત્રિશૂલને ધારણ કરનારાં કુંભકર્ણ, હવે જાતે જયુદ્ધ કરવાને દોડ્યા. કેટલાકોને ચરણના પ્રહારથી, કેટલાકોને મુષ્ટિના ઘાતથી, કેટલાકોને કોણીના ઘાતથી, કેટલાકોને તલના ઘાતથી, કેટલાકોને મુદ્ગરના ઘાતથી, કેટલાકોને શૂળના ઘાતથી અને કેટલાકોને અન્યોન્યના ઘાતથી પણ એમ અનેક પ્રકારે કુંભકર્ણે વાનરોને હણી નાખ્યા. કલ્પાંતકાળના સમુદ્ર જેવા તે બળવાન કુંભકર્ણને આવતા જોઈને આ તરફથી સુગ્રીવ તેની સામે દોડ્યો. વધુમાં અગ્નિની જેમ ઉઘત થઈને ભામંડલ, દધિમુખ, મહેન્દ્ર, કુમુદ, અંગદ અને બીજાઓ પણ સુગ્રીવની પાછળ દોડ્યા.
મૂર્છાધીન થયેલા કુંભકર્ણ આ અને તે અવસરે સુગ્રીવ, ભામંડલ આદિ વાનરશ્રેષ્ઠોએ વિચિત્ર અસ્ત્રોને એકી સાથે વર્ષાવતાં થકાં, શિકારીઓ જેમ સિંહને રૂંધી
બિભીષણ એક સાચો સ્નેહી...૨
