________________
૭૪
.....લંકા વિજય.... ભાગ-૪
થઈ ગયા હતા. એટલે એમને તો કાંઈ જ ખબર નહિ હતી. વિશલ્યા આદિને જોઈને તેમને આશ્ચર્ય જ થાય ને ? વિશલ્યાનો સઘળોય વૃત્તાંત તેમને કોઈ જણાવે ત્યારે જ ખબર પડે ને કે પોતાને જીવાડવામાં નિમિત્તભૂત થનાર તો પૂર્વભવની આ તપસ્વિની છે. જેનું પુણ્ય જીવતું જાગતું હોય, એને આવું નિમિત્ત મળી જાય અને એની આપત્તિ ખસી જાય. આવા વૃત્તાંતોનું શ્રવણ કરીને એવો પ્રભાવ પ્રાપ્ત કરવાને માટે તપ કરવાનો વિચાર ન કરતા, પરંતુ મુક્તિની સાધના માટે તપ વગેરે કરવાનો જરૂર વિચાર કરજો ! મુક્તિપ્રાપક ધર્માનુષ્ઠાનોનું યથાયોગ્ય રીતે સેવન થાય, તો મોક્ષપ્રાપ્તિ ન થાય ત્યાં સુધી ઉત્તમ સાધન સામગ્રી એ ધર્મસેવનના પ્રતાપે મળે છે. ઉત્તમ આત્માઓને પણ દુ:ખ આવે તો સમજવું કે કાંઈક પાપોદય આવ્યો, પાપોદય વિના દુ:ખ આવે નહિ અને પુણ્યોદય વિના દુન્યવી સુખ મળે નહિ. તેમજ આત્મા જ્યારે સર્વ શુભાશુભ કર્મથી રહિત થઈ જાય ત્યારે દુ:ખ સર્વથા જાય અને શાશ્વત સંપૂર્ણ સુખવાળી અવસ્થા પ્રાપ્ત થાય. એવી અવસ્થા પ્રાપ્ત કરવાને માટે મહેનત કરવી જોઈએ. આ શ્રી જ્ઞેિશ્વરદેવોએ ફરમાવેલો ધર્મ, એ અવસ્થાને પ્રાપ્ત કરાવનારો છે. આવા ધર્મને પૌદ્ગલિક ધ્યેયથી કરવો એ કોઈપણ રીતે વખાણવા જોગ નથી. પૌદ્ગલિક ઇરાદો એ દુ:ખને પમાડનાર છે. એ ઇરાદાને ત્યજવો જોઈએ.
