________________
સભાઃ હવે નવાઈ નથી લાગતી. પૂજયશ્રી: ત્યારે હવે શું લાગે છે? સભા: સાચા સાધુઓ વૈરાગ્ય થાય તેવો જ ઉપદેશ આપે.
પૂજ્યશ્રી : વૈરાગ્ય ન થાય અને સંસાર વધે તેવો ઉપદેશ આપનારા મુનિઓ તમને ગમે કે નહિ ?
સભા : પહેલાં તો એ જ મીઠા લાગતા, પણ હવે સમજાયું કે એવા સાધુઓ તો અમારા સાચા હિતને હણનારા છે.
પૂજ્યશ્રી: આ શબ્દો ખાલી જવાબ દેવા પૂરતા ન હોય, પણ અંતરના હોય તો ઘણું છે. જૈનમુનિ પાસેથી તમે શાની આશા રાખો ? | આજે કેટલાકોને ફીચરના નંબર કાઢી દેનારા, સટ્ટાની રૂખ બતાવનારા, તેજી-મંદી કહેનારા અને દોરાધાગા વગેરેથી ભોળા લોકોને ભણાવનારા વેષધારીઓ ગમે છે. કારણકે એમને ધર્મગુરુનથી જોઈતા પણ સંસારગુરુ જોઈએ છે. જૈનમુનિઓ ધર્મગુરુઓ હોય પણ સંસારગુરુ ન હોય.
જૈનમુનિનો ધર્મ સ્વયં વૈરાગ્યરસમાં ઝીલવાનો છે અને બને તો બીજા યોગ્ય આત્માઓને વૈરાગ્યમાં ઝીલતા બનાવવાનો છે. જૈનમુનિ એટલે શ્રી જિનેશ્વરદેવોએ ફરમાવેલા મોક્ષમાર્ગને યથાશક્તિ આજ્ઞા મુજબ સેવનારા અને એની જ શક્તિ-સામગ્રી મુજબ પ્રચાર કરનારા. મોક્ષમાર્ગ એટલે શું ? સમ્યગદર્શન, સમ્યગુજ્ઞાન અને સમ્યફચારિત્ર. સાધુ એટલે આ રત્નત્રયીના પાલક અને શક્તિ હોય તો સદ્ગુરૂ તરફથી અધિકાર મળ્યા બાદ પ્રચારક પણ. આમા ક્યાંય સંસારની વાત છે ? નહિ જ. દર્શન, જ્ઞાન અને ચારિત્ર એ ત્રણમાંથી કોઈમાંય સંસારના રાગને વધારવાની વાત છે? નહિ જ. સમ્યગદર્શનનાં લક્ષણો આદિ જાણો છો ? જાણતા હો તો ખબર પડે કે સમ્પ્રદર્શનમાં પણ વૈરાગ્યની વાત છે. સમ્યદૃષ્ટિમાં ત્યાગ ન હોય તે બને, પણ વિરાગ તો હોય જ. સંસારમાં રહે પણ રમે નહિ, એમ કેમ કહ્યું? રહે તો તે ય રમે નહિ એ ક્યારે બને ? વૈરાગ્ય વિના ? યત્કિંચિત્ પણ વૈરાગ્ય ન
સ્વજનોનું મરણ, પાછળનાઓને ચેતવે છે...૮
)
